ທ່ານ Solis ຖືກເລືອກ ເປັນປະທານາທິບໍດີ ຄົນໃໝ່ ຂອງຄອັສຕາ ຣິກາ (ວີດີໂອ)

ສ່ວນຢູ່ປະເທດ Costa Rica ນັ້ນ ທ່ານ Luis Guillermo
Solis ອະດີດນັກການທູດ ໄດ້ຮັບໄຊຊະນະຢ່າງງ່າຍດາຍ
ໃນການເລືອກຕັ້ງປະທານາທິບໍດີ ຮອບຕັດສິນຊີ້ຂາດ.

ໄຊຊະນະຂອງທ່ານໃນວັນອາທິດວານນີ້ ບໍ່ເປັນທີ່ປະຫລາດ
ໃຈ ເພາະວ່າຄູ່ແຂ່ງຂັນຂອງທ່ານ ຄື ທ່ານ Johnny Araya
ຈາກພັກ ປົດປ່ອຍຊາດ ຫລື PLN ຂອງລັດຖະບານ ໄດ້ຖອນ
ໂຕອອກຈາກການແຂ່ງຂັນ ຫລັງຈາກຄະແນນນິຍົມ ຂອງທ່ານ
Solis ຖີບຂຶ້ນຢ່າງຫລວງຫລາຍ ຫລັງຈາກການລົງຄະແນນ
ສຽງຮອບທຳອິດ.

ແຕ່ຊື່ຂອງທ່ານ Araya ກໍຍັງຢູ່ໃນບັດເລືອກຕັ້ງ ເພາະວ່າ ລັດຖະທຳມະນູນ ຫ້າມບໍ່ໃຫ້ເອົາຊື່ທ່ານອອກ. ທ່ານໄດ້ຮັບຄະແນນສຽງປະມານ 20 ເປີເຊັນໃນວັນອາທິດວານນີ້ ເຖິງແມ່ນວ່າ ໄດ້ຖອນໂຕອອກໄປແລ້ວກໍຕາມ.

ທ່ານ Solis ເອງກໍເຄີຍເປັນສະມາຊິກຂອງພັກ PLN ຂອງລັດຖະບານຊຸດປັດຈຸບັນ ແຕ່ໄດ້ສູນເສຍຄວາມເຊື່ອຖື ແລະ ລາອອກໄປໃນປີ 2005.

ອຳນາດການເມືອງ ຢູ່ໃນປະເທດນ້ອຍໆໃນພາກພື້ນອາເມຣິກາກາງແຫ່ງນີ້ ແມ່ນໄດ້
ປ່ຽນມືກັນ ແຕ່ໃດໆມາແລ້ວ ລະຫວ່າງ ພັກ PLN ແລະ ພັກສັງຄົມນິຍົມຄຣິສຕຽນສາມັກຄີ.

ທ່ານ Solis ຊຶ່ງເປັນສະມາຊິກຂອງ ພັກກິດພົນລະເມືອງ ທີ່ຢູ່ສາຍກາງນັ້ນ ເປັນຜູ້ສະມັກ
ຄົນທຳອິດ ຈາກພັກທີ່ສາມ ທີ່ໄດ້ຮັບໄຊຊະນະ ໃນການເລືອກຕັ້ງປະທານາທິບໍດີຂອງ
ຄອັສຕາຣິກາ ໃນຮອບຫລາຍສິບປີຜ່ານມາ.

Your browser doesn’t support HTML5

COSTA RICA ELECTIONS VO