ສະພາຄວາມໝັ້ນຄົງ ສະຫະປະຊາຊາດ ມີໝາຍກຳນົດ ຈະເປີດ
ກອງປະຊຸມສຸກເສີນໃນວັນພຸດມື້ນີ້ ກ່ຽວກັບວິກິດການໃນລີເບຍ
ຊຶ່ງເປັນປະເທດທີ່ພວມດີ້ນລົນໃຫ້ມີສະຖຽນລະພາບທາງດ້ານ
ການເມືອງ ໃນຂະນະທີ່ບັນດາກຸ່ມທະຫານບ້ານ ແລະ ລັດຖະ
ບານທີ່ໄດ້ຮັບການໜຸນຫລັງຈາກນາໆຊາດທຳການສູ້ລົບເພື່ອ
ຍາດ ເອົາອຳນາດ ແລະເຂດຄວບຄຸມ.
ລັດຖະບານຢູ່ໃນອີຈິບທີ່ເປັນເພື່ອນບ້ານ ໄດ້ຮຽກຮ້ອງໃຫ້ນຳ
ເອົາສະຖານະການ ໃນລີເບຍ ຂຶ້ນມາພິຈາລະນາ ໃນອາທິດນີ້
ຫລັງຈາກພວກຫົວຮຸນແຮງລັດອິສ ລາມ ໄດ້ຕັດຫົວຊາວອີຈິບ
21 ຄົນ ທີ່ນັບຖືສາສະໜາຄຣິສ ນິກາຍ Coptic ຢູ່ໃນລີເບຍ.
ລັດຖະມົນຕີຕ່າງປະເທດ ອີຈິບ ທ່ານ Sameh Hassan Shokry Selim ໄດ້ກ່າວຕໍ່
ບັນດານັກຂ່າວໃນວັນອັງຄານວານນີ້ ທີ່ນະຄອນ New York ວ່າ ບັນດານັກການທູດ
ອາຣັບ ກຳລັງຮ່າງຍັດຕິສະບັບນຶ່ງ ທີ່ອາດຮວມທັງມາດຕະ ການ ເພື່ອຍຸດຕິການຫລັ່ງ
ໄຫລຂອງອາວຸດຕ່າງໆ ໄປສູ່ພວກທະຫານບ້ານ ທີ່ໄດ້ມີມາ ຕັ້ງແຕ່ປີ 2011 ນັບແຕ່ມີ
ການຂັບໄລ່ ທ່ານ Moammar Gadhafi ລົງຈາກອຳນາດ.
ທ່ານ Selim ກ່າວວ່າ “ລັດຖະບານທີ່ຖືກຕ້ອງຕາມກົດໝາຍ ຕ້ອງການຄວາມ ສະໜັບ
ສະໜູນເປັນທີ່ສຸດ ບໍ່ວ່າຈະເປັນທາງດ້ານການເມືອງ ຫລືທະຫານໃນຂໍ້ ກຳນົດວ່າດ້ວຍ
ອຸບປະກອນທີ່ໄດ້ຫ້າມໂດຍສະພາຄວາມໝັ້ນຄົງ ເພື່ອໃຫ້ລັດຖະ ບານສາມາດເອົາ
ຄວາມຮັບຜິດຊອບ ໃນການປົກປ້ອງປະຊາຊົນລີເບຍ ແລະບັນດາປະເທດທີສາມ ທີ່ຢູ່
ໃນດິນແດນຂອງລີເບຍ.”
ນອກນັ້ນທ່່ານຍັງກ່າວອີກວ່າ ການແກ້ໄຂບັນຫາທາງດ້ານການເມືອງໃນລີເບຍ ບ່ອນ
ທີ່ລັດຖະບານຄຽງຄູ່ຍັງປະຕິບັດງານ ຢູ່ໃນນະຄອນ Tripoli ແລະເມືອງ Tobruk ຈະບໍ່ສາມາດກຳຈັດພວກຫົວຮຸນແຮງທາງດ້ານແນວຄິດໄດ້. ຮ່າງຍັດຕິ ນີ້ ບໍ່ຄາດວ່າ ຈະມີ
ການນຳສະເໜີ ໃນວັນພຸດມື້ນີ້.
Your browser doesn’t support HTML5
LIBYA EGYPT VO