ບັນດາຜູ້ນຳທີ່ເປັນຄູ່ແຂ່ງໃນຊູດານໃຕ້ ໄດ້ຮຽກຮ້ອງໃຫ້ກຳລັງທະຫານຂອງຕົນຢຸດການສູ້ລົບ ທີ່ຂົ່ມຂູ່ວ່າຈະທຳລາຍຕໍ່ຂໍ້ຕົກລົງສັນຕິພາບທີ່ບອບບາງແລະລັດຖະ ບານສາມັກຄີຊາດ.
ໃນການກ່າວຕໍ່ສະຖານີວິທະຍຸທ້ອງຖິ່ນໃນວັນຈັນວານນີ້ ຮອງປະທານາທິບໍດີ ແລະອະດີ ດຜູ້ນຳກະບົດ ທ່ານ Reik Machar ໄດ້ຮຽກຮ້ອງກຳລັງທະຫານຂອງທ່ານ ເຄົາລົບຕໍ່ການປະກາດຢຸດຍິງທີ່ໄດ້ປະກາດຫລາຍຊົ່ວໂມງກ່ອນໜ້ານັ້ນ ໂດຍປະທານາທິບໍດີ Salva Kiir.
“ຂ້າພະເຈົ້າແຈ້ງໃຫ້ກຳລັງທັງໝົດທີ່ໄດ້ສູ້ລົບ ປ້ອງກັນຕົວເຂົາເຈົ້າເອງນັ້ນ ໃຫ້ພາກັນເຄົາ ລົບຕໍ່ການຢຸດຍິງນີ້ ແລະຢຸດຢູ່ກັບທີ່ໃນບ່ອນທີ່ເຂົາເຈົ້າຢູ່ໃນປັດຈຸບັນ” ນັ້ນຄືຄຳເວົ້າຂອງ ທ່ານ Marcha ທີ່ກ່າວຕໍ່ວິທະຍຸ Eye ຊຶ່ງເປັນວິທະຍຸອິດສະຫລະ.
ຄຳປະກາດຢຸດຍິງຂອງປະທານາທິບໍດີ Kiir ໄດ້ມີຂຶ້ນໃນວັນຈັນວານນີ້ ໂດຍສັ່ງໃຫ້ສອງກໍ້າສອງຝ່າຍ ຍຸຕິການສູ້ລົບກັນ ເລີ້ມແຕ່ 6:00 ໂມງແລງ ຕາມເວລາທ້ອງຖິ່ນໃນນະຄອນ Juba ໂດຍສັ່ງໃຫ້ບັນດາຜູ້ບັນຊາການ ຄວບຄຸມກຳລັງທະຫານຂອງເຂົາເຈົ້າປົກປ້ອງຊີວິດ ແລະຊັບສົມບັດຂອງພົນລະເຮືອນແລະຄຸ້ມຄອງ ຊົນເຜົ່າຕ່າງໆທີ່ອາດເປັນເປົ້າໝາຍຂອງທະຫານ ທີ່ຢູ່ພາຍໃຕ້ການບັງຄັບບັນຊາການຂອງເຂົາເຈົ້າ.
ຕໍ່ມາ ບັນດາເຈົ້າໜ້າທີ່ລັດຖະບານໄດ້ສັ່ງກຳລັງທະຫານ ໃຫ້ກັບຄືນເຂົ້າຄ້າຍໂດຍທັນທີ.
ຮອງປະທານາທິບໍດີຊູດານໃຕ້ ຄົນທີ່ສອງ ທ່ານ James Wani Igga (ກາງ) ພ້ອມດ້ວຍ ປະທານາທິບໍດີ ທ່ານ Salva Kiir (ຊ້າຍ) ແລະຮອງປະທານາທິບໍດີຄົນທຳອິດ ທ່ານ Riek Machar (ຊ້າຍ)
ການສູ້ລົບໄດ້ເປັນມື້ທີ່ຫ້າຢູ່ທົ່ວນະຄອນ Juba ໃນວັນຈັນວານນີ້ ຫຼາຍຊົ່ວໂມງ ຫລັງຈາກສະພາຄວາມໝັ້ນຄົງສະຫະປະຊາຊາດ ໄດ້ຮຽກຮ້ອງໃຫ້ບັນດາຜູ້ນຳໃນຊູດານໃຕ້ຈົ່ງຄວບຄຸມກຳລັງທີ່ເປັນປໍລະປັກຂອງເຂົາເຈົ້າ ແລະໄດ້ເຕຶືອນວ່າ ການໂຈມຕີຕໍ່ພວກພົນລະເຮືອນ ແລະສະຖານທີ່ຂອງສະຫະປະຊາຊາດ ອາດຈະມີຄວາມຜິດຮ້າຍແຮງເທົ່າກັບການກໍ່ອາຊະຍາກຳສົງຄາມ.
ພົນລະເຮືອນທີ່ພາກັນຢ້ານກົວຫລາຍພັນຄົນ ໄດ້ພາກັນຫຼັ່ງໄຫລເຂົ້າໄປໃນຄ້າຍທະຫານສະຫະປະຊາຊາດ ເພື່ອຫລົບລີ້ການປະທະກັນ ລະຫວ່າງກຳລັງ ທີ່ສະໜັບສະໜູນ ປະທາ ນາທິບໍດີ Kiir ແລະກຳລັງທີ່ສະໜັບສະໜູນ ທ່ານ Machar ທີ່ໄດ້ປະທະກັນໃນວັນພະຫັດທີ່ຜ່ານມາ ແລະຜູ້ເຫັນເຫດການຄົນນຶ່ງ ໄດ້ກ່າວຕໍ່ ວີໂອເອໃນວັນຈັນວານີ້ວ່າ ກຳລັງທະ ຫານ ຂອງປະທານາທິບໍດີ Kiir ໄດ້ຍິງປືນ ໃຫຍ່ຖະຫລົ່ມບ່ອນລີ້ໄພພົນລະເຮືອນຂອງສະຫະປະຊາດ.
Your browser doesn’t support HTML5
Fighting Mars South Sudan's Fifth Anniversary of Independence
ສະຖານີວິທະຍຸທ້ອງຖິ່ນຢູ່ໃນນະຄອນຫລວງ ໄດ້ລາຍງານໃນຕອນຕົ້ນວ່າ ມີຜູ້ ເສຍຊີວິດ ຫລາຍເຖິງ 276 ຄົນ ໃນຄວາມຮຸນແຮງທ່ີເກີດຂຶ້ນເປັນເວລາຫລາຍມື້ໃນຂະນະທີ່ໂຄສົກຄົນນຶ່ງຂອງທ່ານ Machar ກ່າວວ່າ ຢ່າງໜ້ອຍ 150 ຄົນ ໄດ້ເສຍຊີວິດ ພ້ອມດ້ວຍຫລາຍໆຄົນໄດ້ຮັບບາດເຈັບ.
ຢູ່ທີ່ນະຄອນຫລວງວໍຊິງຕັນ ກະຊວງຕ່າງປະເທດສະຫະລັດ ໄດ້ສະແດງຄວາມ ຍິນດີກັບການຮຽກຮ້ອງໃຫ້ມີການຢຸດຍິງ.