ຜູ້ຂຽນລາຍງານ ກ່ຽວກັບເລື້ອງສິດທິມະນຸດຢູ່ໃນກຳປູເຈຍ ຂອງ
ສະຫະປະຊາຊາດ ທ່ານນາງ Rhonda Smith ເລີ້ມການຢ້ຽມ
ຢາມປະເທດດັ່ງກ່າວເປັນເວລາ 10 ມື້ ໃນວັນຈັນວານນີ້.
ບັນດາຜູ້ນຳກຸ່ມສັງຄົມພົນລະເຮືອນ ຜູ້ທີ່ໄດ້ພົບປະກັບ ທ່ານນາງ
Smith ການໜ້າການສືບຂອງທ່ານນາງ ກ່າວວ່າ ບັນດາກຸ່ມປົກ
ປ້ອງສິດທິມະນຸດໄດ້ຍົກເອົາ ຄວາມເປັນຫ່ວງກ່ຽວກັບສິດເສລີ
ພາບໃນການປາກເວົ້າ ສິດເສລີພາບທາງອິນເຕີແນັດ ການກົດ
ດັນຕໍ່ກຸ່ມສັງຄົມພົນລະເຮືອນ ແລະຄວາມທ່ຽງທຳການເລືອກຕັ້ງ
ໃນຊຸມປີຕໍ່ໜ້າຂຶ້ນມາໂອ້ລົມ.
ທ່ານ Chak Sopheap ຜູ້ອຳນວຍການສູນກາງສິດມະນຸດກຳປູເຈຍ ກ່າວຕໍ່ ວີໂອເອ
ພາສາຂະເໝນວ່າ ບັນດາກຸ່ມຕ່າງໆໄດ້ກ່າວເຖິງຮ່າງກົດໝາຍຄຸ້ມຄອງ ບັນດາອົງການ
ທີ່ບໍ່ຂຶ້ນກັບລັດຖະບານ ແລະການເລືອກຕັ້ງຕ່າງໆ ຊຶ່ງເຂົາເຈົ້າ ກ່າວວ່າ ຈະເຮັດໃຫ້ຍາກ
ຂຶ້ນກວ່າເກົ່າຕໍ່ກຸ່ມສັງຄົມພົນລະເຮືອນ ທີ່ຈະປະຕິບັດງານຢູ່ໃນປະເທດກຳປູເຈຍໄດ້.
ປະຊາຊົນພາກັນເດີນຂະບວນ ເພື່ອສ້າງຄວາມຕື່ນຕົວ ດ້ານສິດທິມະນຸດ ຢູ່ໃນກຳປູເຈຍ.
ທ່ານ Chak Sopheap ຍັງກ່າວວ່າ “ອັນທີ່ກຸ່ມສັງຄົມພົນລະເຮືອນ ໄດ້ຍົກຂຶ້ນມາໂອ້ລົມ
ກັບທ່ານນາງນັ້ນ ພົວພັນກັບສິດທິພື້ນຖານ ແລະປະຊາທິປະໄຕຢູ່ໃນກຳປູເຈຍ ຊຶ່ງຕົກຢູ່
ພາຍໃຕ້ການຂົ່ມຂູ່. ດັ່ງທີ່ພວກເຮົາຮູ້ ກົດລະບຽບກ່ຽວກັບອົງ ການຈັດຕັ້ງທີ່ບໍ່ຂຶ້ນກັບ
ລັດຖະບານຫຼື NGO ແລະກົດໝາຍການເລືອກຕັ້ງເປັນການຂົ່ມຂູ່ຕໍ່ກຸ່ມ NGO ຜູ້ທີ່ໄດ້
ເຮັດວຽກຢ່າງໃກ້ຊິດກັບກິດຈະການໆເມືອງເຫລົ່ານີ້.”
ທ່ານ Chak Sopheap ຍັງກ່າວວ່າ ບັນດາອົງການ NGO ຍັງຈະຕ້ອງຫລິ້ນບົດບາດອັນສຳຄັນ ໃນການເລືອກຕັ້ງຊຸມຊົນແຫ່ງຊາດໃນປີ 2017 ແລະໃນປີ 2018 ທີ່ຄາດວ່າ ຈະເປັນການຕໍ່ສູ້ທີ່ຍາກລຳບາກ ແລະເປັນຊ່ວງລະຍະທີ່ມີທ່າ ທາງວ່າ ມີຄວາມສ່ຽງຕໍ່ຄວາມບໍ່ສະຫງົບເພີ້ມຂຶ້ນນັ້ນ.