ສະພາຄວາມໝັ້ນຄົງຂອງສະຫະປະຊາຊາດ ອາດສາມາດ
ລົງມະຕິກັນກໍໄດ້ ໃນຕອນບ່າຍວັນຈັນມື້ນີ້ ກ່ຽວກັບຮ່າງຍັດຕິ
ຮຽກຮ້ອງໃຫ້ນາໆຊາດ ໄດ້ເຂົ້າເຖິງສະຖານທີ່ບ່ອນເຮືອບິນ
ມາເລເຊຍຕົກ ຢູ່ໃນພາກຕາເວັນອອກຂອງຢູເຄຣນ ທີ່ໄດ້ມີ
ການຖິ້ມໂທດຢ່າງກ້ວາງຂວາງ ໃສ່ພວກແບ່ງແຍກດິນແດນ
ນິຍົມຣັດເຊຍນັ້ນ.
ວໍຊິງຕັນຮອດໄດ້ຖະແຫລງອອກມາວ່າ ມີ “ຫຼັກຖານຢ່າງ
ຫຼົ້ນເຫຼືອ” ທີ່ສະແດງວ່າ ຣັດເຊຍມີສ່ວນສົມຮູ້ຮ່ວມຄິດ ກັບ
ໂສກນາດຕະກຳນີ້.
ສະພາຄວາມໝັ້ນຄົງສະຫະປະຊາຊາດໄດ້ປະຊຸມກັນ ໃນຕອນແລງ ວັນອາທິດມື້ວານນີ້
ຢູ່ສຳນັກງານໃຫຍ່ ໃນນະຄອນ New York ເພື່ອພິຈາລະນາ ຮ່າງຍັດຕິດັ່ງກ່າວ.
ນາຍົກລັດຖະມົນຕີ ອອສເຕຣເລຍ ທ່ານ Tony Abbott ໄດ້ສົ່ງ ລັດຖະມົນຕີກະຊວງການຕ່າງປະເທດ ທ່ານນາງ Julie Bishop ມາຍັງ ສະຫະລັດ ເພື່ອນຳພາຄວາມພະຍາຍາມ
ລົນນະລົງ ເອົາການສະໜັບ ສະໜຸນຕໍ່ຮ່າງຍັດຕິດັ່ງກ່າວ. ອອສເຕຣເລຍສູນເສຍ ພົນລະເຮືອນ ແລະພວກອາໄສຢູ່ໃນປະເທດໄປ ຢ່າງນ້ອຍ 37 ຄົນ ນຳເຮືອບິນທີ່ຕົກຄັ້ງນີ້.
Your browser doesn’t support HTML5
UKRAINE PLANE CNPK
ປະທານາທິບໍດີຣັດເຊຍ ທ່ານ Vladimir Putin ອີກເທື່ອນຶ່ງ ໄດ້ກ່າວໃນວັນຈັນມື້ນີ້ ວ່າ
ການຖືກຍິງຕົກຂອງເຮືອບິນລຳນັ້ນ ບໍ່ອາດເກີດຂຶ້ນໄດ້ ຖ້າຫາກຢູເຄຣນບໍ່ຮື້ຟື້ນ ຄືນມາ
ອີກໃນເດືອນແລ້ວນີ້ ການຕໍ່ສູ້ຢູ່ໃນເຂດນັ້ນ ກັບພວກແບ່ງແຍກດິນແດນ ທີ່ຄຸ້ມຄອງຈຸດ
ເກີດເຫດໃນຂະນະນີ້.
ທ່ານກ່າວຕື່ມໃນວັນຈັນມື້ນີ້ ວ່າ ຣັດເຊຍແມ່ນກຳລັງເຮັດທຸກຢ່າງທີ່ເຮັດໄດ້ ເພື່ອອະນຸ
ຍາດໃຫ້ທີມຊ່ຽວຊານຈາກອົງການການບິນພົນລະເຮືອນຂອງສະຫະປະຊາຊາດ ເຂົ້າໄປສືບສວນ ຢູ່ຈຸດເກີດເຫດ.
ເອກອັກຄະລັດຖະທູດຣັດເຊຍປະຈຳສະຫະປະຊາຊາດ ທ່ານ Vitaly Churkin ກ່າວວ່າ
ຣັດເຊຍບໍ່ສາມາດສະໜັບສະໜຸນຮ່າງຍັດຕິດັ່ງກ່າວ ຂອງສະຫະປະຊາຊາດ ໃນຮູບແບບ
ປັດຈຸບັນນີ້ໄດ້ ເພາະວ່າມັນບໍ່ຈະແຈ້ງວ່າ ອົງການການບິນພົນລະເຮືອນຂອງສະຫະປະຊາ
ຊາດ ຈະເປັນ ຜູ້ນຳພາການສືບສວນສອບສວນນີ້.
Your browser doesn’t support HTML5
MALAYSIA UKRAINE PLANE CNPK
ລັດຖະມົນຕີກະຊວງການຕ່າງປະເທດສະຫະລັດ ທ່ານ John Kerry ໄດ້ກ່າວຕິຕຽນ
ຣັດເຊຍ ໃນວັນອາທິດວານນີ້ ສຳຫລັບອັນທີ່ທ່ານເອີ້ນວ່າ “ຫຼັກຖານອັນຫຼົ້ນເຫຼືອ”
ທີ່ສະແດງວ່າ ຣັດເຊຍມີສ່ວນສົມຮູ້ຮ່ວມຄິດ ກັບການຍິງຖ້ຽວບິນມາເລເຊຍຕົກ ຢູ່ພາກ
ຕາເວັນອອກຂອງຢູເຄຣນ ເມື່ອວັນພະຫັດທີ່ຜ່ານມານັ້ນ.
ໃນການປາກົດໂຕຫຼາຍໆຄັ້ງ ໃນລາຍການຂ່າວຕ່າງໆທາງໂທລະພາບ ໃນວັນອາທິດ
ວານນີ້ ທ່ານ Kerry ກ່າວວ່າ ຫຼັກຖານຊີ້ໄປໃສ່ຣັດເຊຍ ວ່າເປັນຜູ້ຈັດສົ່ງ ລະບົບລູກສອນ
ໄຟຕໍ່ຕ້ານເຮືອບິນ ລຸ້ນ SA-11 ທີ່ ທັນສະໄໝ ໃຫ້ແກ່ພວກແບ່ງແຍກດິນແດນນິຍົມ
ຣັດເຊຍ ແລະ ສະໜອງການອົບຮົມແກ່ພວກເຂົາເຈົ້າ ໃນການນຳໃຊ້ມັນ.
Your browser doesn’t support HTML5
Kerry Blasts Hamas, Pro-Russia Rebels in Ukraine