ສະຫະປະຊາຊາດໄດ້ເຊື້ອເຊີນອີຣ່ານ ຢ່າງເປັນທາງການ ໃຫ້
ໄປຮ່ວມການເຈລະຈາສັນຕິພາບຊີເຣຍ ທີ່ໄດ້ລໍຄອຍມາເປັນ
ເວລາດົນນານ ຊຶ່ງກຳນົດຈະມີຂຶ້ນໃນວັນພຸດສັບປະດານີ້ ທີ່
Switzerland.
ທ່ານພັນກິມູນ ເລຂາທິການໃຫຍ່ສະຫະປະຊາຊາດ ກ່າວຕໍ່
ບັນດານັກຂ່າວໃນວັນອາທິດວານນີ້ວ່າ ທ່ານເຊື່ອວ່າ ອີຣ່ານ
“ຈຳເປັນຕ້ອງເປັນພາກສ່ວນນຶ່ງຂອງການແກ້ໄຂບັນຫາ
ໃນຊີເຣຍ” ແລະວ່າ ທ່ານ Javad Zarif ລັດຖະມົນຕີຕ່າງປະ
ເທດ ໄດ້ໃຫ້ຄວາມໝັ້ນໃຈແກ່ທ່ານວ່າ ອີຣ່ານເຂົ້າໃຈພື້ນຖານ
ຂອງການພົບປະເຈລະຈາກັນນີ້.ທ່ານພັນກິມູນ ກ່າວວ່າ:
“ລັດຖະມົນຕີຕ່າງປະເທດ Zarif ແລະຂ້າພະເຈົ້າເຫັນພ້ອມນຳກັນວ່າ ເປົ້າໝາຍ
ຂອງການເຈລະຈານີ້ ແມ່ນເພື່ອສ້າງຕັ້ງ ໂດຍຄວາມຍິນຍອມນຳກັນ ຄະນະລັດຖະ
ບານຊົ່ວຄາວຂຶ້ນມາ ໂດຍມີອຳນາດປົກຄອງໂດຍເຕັມທີ່ບໍ່ລຳອຽງ. ມັນແມ່ນບົນພື້ນ
ຖານດັ່ງກ່າວນີ້ ທີ່ລັດຖະມົນຕີຕ່າງປະເທດ Zarif ໄດ້ໃຫ້ຄຳໝັ້ນສັນຍາວ່າອີຣ່ານ
ຈະດຳເນີນບົດບາດໃນທາງບວກແລະໃນທາງສ້າງສັນໃນການເຈລະຈາ ທີ່ເມືອງ
Montreux ນັ້ນ.”
ກຸ່ມປະສົມແຫ່ງຊາດຊີເຣຍ ຝ່າຍຄ້ານບໍ່ຢາກໃຫ້ອີຣ່ານມາຮ່ວມໃນການເຈລະຈານີ້ແລະ
ເວົ້າວ່າ ພວກຕົນຈະຖອນໂຕອອກ ນອກຈາກວ່າທ່ານພັນກິມູນຈະຖອນການ ເຊື້ອເຊີນ
ອີຣ່ານເທົ່ານັ້ນ.
ທ່ານນາງ Jen Psaki ໂຄສົກກະຊວງການຕ່າງປະເທດສະຫະລັດ ກ່າວວ່າ ສະຫະລັດ ຍັງ
ມີຄວາມເປັນຫ່ວງຢ່າງເລິກເຊິ່ງກ່ຽວກັບການສະໜັບສະໜຸນຂອງອີຣ່ານຕໍ່ລັດຖະບານຂອງ
ປະທານາທິບໍດີ Bashar al-Assad ແຫ່ງຊີເຣຍ ແລະວ່າ ອີຣ່ານຈະຕ້ອງຮັບເອົາເປົ້າໝາຍ
ຕ່າງໆຂອງກອງປະຊຸມສັນຕິພາບນີ້ຢ່າງເປີດເຜີຍຖ້າບໍ່ດັ່ງນັ້ນກໍຈະບໍ່ຖືກເຊື້ອເຊີນມາຮ່ວມໃນ
ກອງປະຊຸມສັນຕິພາບນີ້.
ທ່ານ Assad ກ່າວຕໍ່ສຳນັກງານຂ່າວຝຣັ່ງ ໃນການໃຫ້ສຳພາດທີ່ພິມອອກເຜີຍແຜ່ໃນວັນ
ຈັນມື້ນີ້ວ່າ ກອງປະຊຸມດັ່ງກ່າວຈະຕ້ອງເພ່ງເລັງໃສ່ເລື້ອງການກໍ່ການຮ້າຍແລະວ່າກຳລັງ
ຂອງທ່ານພວມທຳການຕໍ່ສູ້ກັບກຸ່ມຫົວຮຸນແຮງຈັດກຸ່ມນຶ່ງ ບໍ່ແມ່ນກັບການລຸກຮືຂຶ້ນຂອງ
ປະຊາຊົນ.
ໄປຮ່ວມການເຈລະຈາສັນຕິພາບຊີເຣຍ ທີ່ໄດ້ລໍຄອຍມາເປັນ
ເວລາດົນນານ ຊຶ່ງກຳນົດຈະມີຂຶ້ນໃນວັນພຸດສັບປະດານີ້ ທີ່
Switzerland.
ທ່ານພັນກິມູນ ເລຂາທິການໃຫຍ່ສະຫະປະຊາຊາດ ກ່າວຕໍ່
ບັນດານັກຂ່າວໃນວັນອາທິດວານນີ້ວ່າ ທ່ານເຊື່ອວ່າ ອີຣ່ານ
“ຈຳເປັນຕ້ອງເປັນພາກສ່ວນນຶ່ງຂອງການແກ້ໄຂບັນຫາ
ໃນຊີເຣຍ” ແລະວ່າ ທ່ານ Javad Zarif ລັດຖະມົນຕີຕ່າງປະ
ເທດ ໄດ້ໃຫ້ຄວາມໝັ້ນໃຈແກ່ທ່ານວ່າ ອີຣ່ານເຂົ້າໃຈພື້ນຖານ
ຂອງການພົບປະເຈລະຈາກັນນີ້.ທ່ານພັນກິມູນ ກ່າວວ່າ:
“ລັດຖະມົນຕີຕ່າງປະເທດ Zarif ແລະຂ້າພະເຈົ້າເຫັນພ້ອມນຳກັນວ່າ ເປົ້າໝາຍ
ຂອງການເຈລະຈານີ້ ແມ່ນເພື່ອສ້າງຕັ້ງ ໂດຍຄວາມຍິນຍອມນຳກັນ ຄະນະລັດຖະ
ບານຊົ່ວຄາວຂຶ້ນມາ ໂດຍມີອຳນາດປົກຄອງໂດຍເຕັມທີ່ບໍ່ລຳອຽງ. ມັນແມ່ນບົນພື້ນ
ຖານດັ່ງກ່າວນີ້ ທີ່ລັດຖະມົນຕີຕ່າງປະເທດ Zarif ໄດ້ໃຫ້ຄຳໝັ້ນສັນຍາວ່າອີຣ່ານ
ຈະດຳເນີນບົດບາດໃນທາງບວກແລະໃນທາງສ້າງສັນໃນການເຈລະຈາ ທີ່ເມືອງ
Montreux ນັ້ນ.”
ກຸ່ມປະສົມແຫ່ງຊາດຊີເຣຍ ຝ່າຍຄ້ານບໍ່ຢາກໃຫ້ອີຣ່ານມາຮ່ວມໃນການເຈລະຈານີ້ແລະ
ເວົ້າວ່າ ພວກຕົນຈະຖອນໂຕອອກ ນອກຈາກວ່າທ່ານພັນກິມູນຈະຖອນການ ເຊື້ອເຊີນ
ອີຣ່ານເທົ່ານັ້ນ.
ທ່ານນາງ Jen Psaki ໂຄສົກກະຊວງການຕ່າງປະເທດສະຫະລັດ ກ່າວວ່າ ສະຫະລັດ ຍັງ
ມີຄວາມເປັນຫ່ວງຢ່າງເລິກເຊິ່ງກ່ຽວກັບການສະໜັບສະໜຸນຂອງອີຣ່ານຕໍ່ລັດຖະບານຂອງ
ປະທານາທິບໍດີ Bashar al-Assad ແຫ່ງຊີເຣຍ ແລະວ່າ ອີຣ່ານຈະຕ້ອງຮັບເອົາເປົ້າໝາຍ
ຕ່າງໆຂອງກອງປະຊຸມສັນຕິພາບນີ້ຢ່າງເປີດເຜີຍຖ້າບໍ່ດັ່ງນັ້ນກໍຈະບໍ່ຖືກເຊື້ອເຊີນມາຮ່ວມໃນ
ກອງປະຊຸມສັນຕິພາບນີ້.
ທ່ານ Assad ກ່າວຕໍ່ສຳນັກງານຂ່າວຝຣັ່ງ ໃນການໃຫ້ສຳພາດທີ່ພິມອອກເຜີຍແຜ່ໃນວັນ
ຈັນມື້ນີ້ວ່າ ກອງປະຊຸມດັ່ງກ່າວຈະຕ້ອງເພ່ງເລັງໃສ່ເລື້ອງການກໍ່ການຮ້າຍແລະວ່າກຳລັງ
ຂອງທ່ານພວມທຳການຕໍ່ສູ້ກັບກຸ່ມຫົວຮຸນແຮງຈັດກຸ່ມນຶ່ງ ບໍ່ແມ່ນກັບການລຸກຮືຂຶ້ນຂອງ
ປະຊາຊົນ.
ພາບຫຼ້າສຸດ ຈາກ ຊີເຣຍ