ທູດພິເສດຮັບຜິດຊອບເລື້ອງເຢເມັນຂອງສະຫະປະຊາຊາດຈະ
ລາອອກຈາກຕຳແໜ່ງຂອງທ່ານ ຫຼັງຈາກໃຊ້ເວລາ 4 ປີ ພະຍາ
ຍາມຊ່ອຍປະເທດດັ່ງກ່າວ ດຳເນີນແຜນການໂອນອຳນາດຢ່າງ
ສັນຕິ ທີ່ໄດ້ຕົກຢູ່ໃນສະພາບບໍ່ໄປບໍ່ມາ ຂະນະທີ່ສະຖານະການ
ໄດ້ຜັນຂະຫຍາຍກາຍເປັນ ວິກິດການດ້ານການເມືອງ ແລະບັນ
ຫາຂັດແຍ້ງທີ່ຮຸນແຮງ.
ໂຄສົກປະຈຳທ່ານພັນກິມູນ ເລຂາທິການໃຫຍ່ສະຫະປະຊາຊາດ
ກ່າວຢູ່ໃນຖະແຫຼງການສະບັບໜຶ່ງ ໃນວັນພຸດວານນີ້ວ່າ ທູດພິ
ເສດJamal Benomar “ ໄດ້ສະແດງຄວາມສົນໃຈຢາກ
ຍົກຍ້າຍໄປວ່າໜ້າທີ່ອື່ນ.”
ຖະແຫຼງການສະບັບນີ້ ກ່າວຕື່ມວ່າ “ຈະມີການແຕ່ງຕັ້ງຄົນອື່ນຂຶ້ນແທນຕາມກຳນົດ. “ຈົນເຖິງເວລານັ້ນ ແລະຫຼັງຈາກນັ້ນສະຫະປະຊາຊາດຈະສືບຕໍ່ທຳຄວາມພະ
ຍາຍາມຕ່າງໆເພື່ອເລີ້ມການດຳເນີນຂັ້ນຕອນສັນຕິພາບຄືນ ເພື່ອເຮັດໃຫ້ການ
ໂອນອຳນາດທາງດ້ານການເມືອງເຂົ້າຮູບເຂົ້າຮອຍຄືນ.”
ບັນດານັກການທູດສະຫະປະຊາຊາດ ກ່າວວ່າ Saudi Arabia ແລະພວກປະເທດອື່ນໆໃນເຂດອ່າວເປີເຊຍ ໄດ້ສະແດງຄວາມບໍ່ພໍໃຈກັບຄວາມພະຍາຍາມຕ່າງໆຂອງທ່ານ Benomar ໃນການເຈລະຈາສັນຕິພາບທີ່ໄດ້ປະສົບກັບຄວາມລົ້ມແຫຼວມາຮອດປັດຈຸ
ບັນ ເພື່ອຢຸດເຊົາການສູ້ລົບກັນລະຫວ່າງພວກກະບົດ Houthi ທີ່ໄດ້ຮັບການໜຸນຫຼັງຈາກ
ອີຣ່ານ ແລະພວກທີ່ສະໜັບສະໜຸນປະທານາທິບໍດີ Abd-Rabbu Mansour Hadi.
ສະພາຄວາມໝັ້ນຄົງສະຫະປະຊາຊາດ ໄດ້ຮັບຜ່ານຮ່າງຍັດຕິສະບັບໜຶ່ງໃນຕົ້ນສັບປະ
ດານີ້ ຮຽກຮ້ອງໃຫ້ໝົດທຸກພັກຝ່າຍໃນເຢເມັນ “ຟື້ນ ຄືນແລະເລັ່ງ” ການເຈລະຈາສັນຕິ
ພາບທີ່ຮວມເອົາທຸກພັກຝ່າຍ.
Your browser doesn’t support HTML5
Yemen