ທູດພິເສດຝ່າຍສິດທິມະນຸດຄົນໃໝ່ ຂອງສະຫະປະຊາຊາດ
ສຳຫລັບປະເທດມຽນມາ ກ່າວວ່າ ສູນຫຼາຍໆແຫ່ງທີ່ເປັນບ່ອນ
ຢູ່ອາໄສສຳຫລັບ ຊາວມຸສລິມຫຼາຍໝື່ນຄົນ ແມ່ນຢູ່ໃນສະພາບ
ທີ່ “ໜ້າເວດທະນາ.”
ທ່ານນາງ Yanghee Lee ໄດ້ຖະແຫລງຕໍ່ບັນດາຜູ້ສື່ຂ່າວ ທີ່
ນະຄອນ Yangon ໃນວັນເສົາວານນີ້ ຊຶ່ງເປັນມື້ສຸດທ້າຍຂອງ
ການຢ້ຽມຢາມມຽນມາ ຢ່າງເປັນທາງການ ເທື່ອທຳອິດຂອງ
ທ່ານນາງ ເປັນເວລາ 10 ມື້.
ທ່ານນາງ ກ່າວວ່າ ຊາວມຸສລິມທີ່ສູນເສຍຊັບສິນຂອງເຂົາເຈົ້າ
ທີ່ອາໄສຢູ່ໃນສູນເຫລົ່ານັ້ນ ແມ່ນບໍ່ໄດ້ຮັບການບໍລິການຂັ້ນພື້ນຖານໃດໆເລີຍ.
ທ່ານນາງ Lee ກ່າວຕື່ມວ່າ ທ່ານນາງໄດ້ຮັບລາຍງານ ທີ່ໜ້າຮ້ອນໃຈ ຫຼາຍໆສະບັບ
ກ່ຽວກັບການເສຍຊີວິດຂອງຊາວມຸສລິມ ຍ້ອນຂາດການຮັກສາເວລາສຸກເສີນ ແລະ
ຂາດການປິ່ນປົວ ພະຍາດຕ່າງໆ ທີ່ອາດສາມາດປ້ອງກັນໄດ້.
ທ່ານນາງເວົ້າວ່າ ຊາວມຸສລິມໃນມຽນມາ ຍັງສືບຕໍ່ປະເຊີນໜ້າກັບ ການຖືກຈຳແນກ
ກີດກັນ ຮວມທັງການຖືກຈຳກັດຮັດແຄບ ດ້ານອາຫານ ນ້ຳ ໂຮງຮຽນ ແລະບ່ອນຢູ່ອາໄສ
ທີ່ເຂົາເຈົ້າສາມາດຢູ່ໄດ້.
Your browser doesn’t support HTML5
MYANMAR RIGHTS SOT
ທ່ານນາງເຕືອນວ່າ ມຽນມາອາດກຳລັງຖອຍຫລັງ ຈາກຄວາມກ້າວໜ້າທີ່ໄດ້ຮັບເມື່ອໄວໆ
ມານີ້ ໃນດ້ານການປັບປຸງສິດທິມະນຸດ ແລະສິດເສລີພາບ ດ້ານການເມືອງນັ້ນ ຊຶ່ງຖ້າຫາກ
ບໍ່ມີການຍັບຍັ້ງແລ້ວ ທ່ານນາງກ່າວວ່າ ມັນກໍອາດສາມາດ ບ່ອນທຳລາຍຄວາມພະຍາ
ຍາມ ຂອງມຽນມາ ເພື່ອທີ່ຈະເປັນສະມາຊິກທີ່ມີຄວາມຮັບຜິດຊອບ ໃນປະຊາຄົມໂລກ.
ຄວາມຮຸນແຮງລະຫວ່າງຊາວພຸດຊົນກຸ່ມໃຫຍ່ ແລະຊາວມຸສລິມຊົນກຸ່ມນ້ອຍ ໃນມຽນມາ
ທີ່ພາໃຫ້ມີການເສຍຊີວິດໃນບາງຄັ້ງບາງຄາວນັ້ນ ໄດ້ບີບບັງຄັບໃຫ້ ຊາວມຸສລິມປະມານ
140,000 ຄົນ ຕ້ອງຫລົບໜີ ອອກຈາກເຮືອນຊານຂອງເຂົາເຈົ້າ ໄປຢູ່ໃນສູນແຫ່ງຕ່າງໆ.
Your browser doesn’t support HTML5
ວີດີໂອ ພາສາລາວ: ອົບພະຍົບມຽນມາ ຫລາຍໝື່ນຄົນ ຍັງລໍຖ້າ ກັບຄືນປະເທດ