ການດຳເນີນຄວາມພະຍາຍາມເພື່ອຊັກຊວນໃຫ້ພັກຝ່າຍຕ່າງໆ ໃນສົງຄາມກາງເມືອງ ຢູ່ຊີເຣຍ ໃຫ້ຄວາມໝັ້ນໝາຍອີກເທື່ອນຶ່ງ ເພື່ອຢຸດເຊົາການເປັນປໍລະປັກກັນນັ້ນ ໃນວັນອັງຄານມື້ນີ້ ໄດ້ມີຂຶ້ນຢູ່ນະຄອນມົສກູ ບ່ອນທີ່ລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ໄດ້ເປັນເຈົ້າພາບຕ້ອນຮັບທູດພິເສດສະຫະປະຊາຊາດ ທ່ານ Staffan de Mistura ເພື່ອປຶກສາຊອກຫາຊ່ອງທາງໃຫ້ມີການຢຸດຍິງຄືນໃໝ່ ຢູ່ໃນຊີເຣຍ.
ການຢຸດຍິງລະຫວ່າງກຳລັງນິຍົມລັດຖະບານ ແລະພວກນັກລົບຕໍ່ຕ້ານໄດ້ມີຜົນບັງຄັບໃຊ້ເມື່ອທ້າຍເດືອນກຸມພາຜ່ານມາ ຊຶ່ງໄດ້ເຮັດໃຫ້ຄວາມຮຸນແຮງຫລຸດລົງຢ່າງຫລວງຫຼາຍ ແຕ່ການຢຸດຍິງໄດ້ຄ່ອຍໆໝົດປະສິດທິພົບລົງ ໃນຂະນະທີ່ມີ ການກ່າວຫາວ່າ ທັງສອງຝ່າຍຕ່າງກໍໄດ້ລະເມີດການຢຸດຍິງ ຊ້ຳແລ້ວຊ້ຳອີກ. ການສູ້ລົບກັນແມ່ນຮ້າຍແຮງສຸດຢູ່ທີ່ເມືອງ Aleppo ໃນພາກເໜືອຂອງປະເທດ ບ່ອນທີ່ຝ່າຍລັດຖະບານໄດ້ທຳການໂຈມຕີທາງອາ ກາດແລະພວກກະບົດກໍໄດ້ຍິງປືນໃຫຍ່ຖະຫລົ່ມ ທີ່ເຮັດໃຫ້ມີຜູ້ເສຍຊີວິດຫຼາຍ ຮ້ອຍຄົນໃນຮອບອາທິດທີ່ຜ່ານມານີ້.
ທູດພິເສດອົງການສະຫະປະຊາຊາດ ທ່ານ Staffan de Mistura, ຂວາ, ຮັບຟັງຄຳລາຍງານຂອງພະນັກງານຂອງທ່ານ ກ່ອນກອງປະຊຸມກ່ຽວກັບ ການເຈລະຈາສັນຕິພາບໃນຊິເຣຍ ໃນນະຄອນ Geneva, Switzerland, 26 ເມສາ, 2016.
ທຳນຽບຂອງທ່ານ Lavrov ກ່າວວ່າ ທ່ານໄດ້ໂອ້ລົມທາງໂທລະສັບໃນວັນຈັນ ວານນີ້ກັບລັດຖະມົນຕີການຕ່າງປະເທດສະຫະລັດ ທ່ານ John Kerry ແລະ ພວກທ່ານທັງສອງໄດ້ຮຽກຮ້ອງໃຫ້ທຸກໆຝ່າຍ ປະຕິບັດຕາມການຢຸດຍິງຢ່າງເຄັ່ງຄັດ.
ການຮຽກຮ້ອງດັ່ງກ່າວໄດ້ມີຂຶ້ນ ຫຼັງຈາກທ່ານ Kerry ໄດ້ພົບປະກັບທ່ານ de Mistura ທີ່ນະຄອນເຈນີວາ ບ່ອນທີ່ທ່ານກ່າວວ່າ ສະຫະລັດແລະບັນດາປະ ເທດພາຄີໄດ້ປຶກສາຫາລືກັນ ກ່ຽວກັບຂໍ້ສະເໜີຫລາຍໆສະບັບ ເພື່ອຍຸຕິຄວາມ ຮຸນແຮງທີ່ກຳລັງເພີ້ມທະວີຂຶ້ນຢູ່ນັ້ນ. ທ່ານ Kerry ບໍ່ໄດ້ໃຫ້ລາຍລະອຽດໃດໆ ວ່າ ຂໍ້ສະເໜີເຫລົ່ານັ້ນມີຫຍັງແດ່.
ລາຍງານຂ່າວທີ່ອ້າງຄຳເວົ້າຂອງເຈົ້າໜ້າທີ່ສະຫະລັດ ທີ່ຂໍສະຫງວນຊື່ ທີ່ກ່າວວ່າ ສະຫະ ລັດກຳລັງພິຈາລະນາວາງແຜນທີ່ຈະຈັດຕັ້ງ ເຂດປອດໄພຂຶ້ນ ທີ່ໄດ້ໝາຍໄວ້ໂດຍພວກຫົວແຂງກະດ້າງ ທີ່ຈະສະໜອງບ່ອນລີ້ໄພ ສຳລັບພົນລະ ເຣືອນແລະສະມາຊິກຂອງພວກຕໍ່ ຕ້ານທີ່ນິຍົມແນວທາງປານກາງ.
ພະນັກງານສະພາກາແດງທຳການສຳຫຼວດເບິ່ງອຸບປະກອນທາງການແພດ ໃນະຖານທີ່ທີ່ຖືກທຳລາຍໃນເຂດ Tariq al-Bab ຄຸ້ມບ້ານໃນເມືອງ Aleppo, Syria, 30 ເມສາ, 2016.
ການຮຽກຮ້ອງດັ່ງກ່າວໄດ້ມີຂຶ້ນ ຫຼັງຈາກທ່ານ Kerry ໄດ້ພົບປະກັບທ່ານ de Mistura ທີ່ນະຄອນເຈນີວາ ບ່ອນທີ່ທ່ານກ່າວວ່າ ສະຫະລັດແລະບັນດາປະ ເທດພາຄີໄດ້ປຶກສາຫາລືກັນ ກ່ຽວກັບຂໍ້ສະເໜີຫລາຍໆສະບັບ ເພື່ອຍຸຕິຄວາມຮຸນແຮງທີ່ກຳລັງເພີ້ມທະວີຂຶ້ນຢູ່ນັ້ນ. ທ່ານ Kerry ບໍ່ໄດ້ໃຫ້ລາຍລະອຽດໃດໆ ວ່າ ຂໍ້ສະເໜີເຫລົ່ານັ້ນມີຫຍັງແດ່.
ລາຍງານຂ່າວທີ່ອ້າງຄຳເວົ້າຂອງເຈົ້າໜ້າທີ່ສະຫະລັດ ທີ່ຂໍສະຫງວນຊື່ ທີ່ກ່າວວ່າ ສະຫະ ລັດກຳລັງພິຈາລະນາວາງແຜນທີ່ຈະຈັດຕັ້ງ ເຂດປອດໄພຂຶ້ນ ທີ່ໄດ້ໝາຍໄວ້ໂດຍພວກຫົວແຂງກະດ້າງ ທີ່ຈະສະໜອງບ່ອນລີ້ໄພ ສຳລັບພົນລະ ເຣືອນແລະສະມາຊິກຂອງພວກຕໍ່ຕ້ານທີ່ນິຍົມແນວທາງປານກາງ.