ເລຂາທິການໃຫຍ່ອົງການສະຫະປະຊາຊາດ ທ່ານແອນໂຕນີ ກູແຕເຣສ ໃນວັນພຸດ
ວານນີ້ໄດ້ສະແດງຄວາມເປັນຫ່ວງວ່າ ຈະມີ "ໄພຫາຍະນະທາງດ້ານມະນຸດສະທໍາ"
ຢູ່ໃນແຂວງອິດລິບ (Idlib) ຂອງຊີເຣຍ ຖ້າຫາກວ່າ ມີການປະຕິບັດການທາງທະ
ຫານຢ່າງເຕັມອັດຕາ ຢູ່ໃນທີ່ນັ້ນ.
ລັດຖະບານຂອງປະທານາທິບໍດີ ບາຊາ ອາລ-ອາຊາດ (Bashar al-Assad) ໂດຍ
ໄດ້ຮັບການສະໜັບສະໜຸນຈາກຣັດເຊຍ ເວົ້າວ່າຕົນມີແຜນທີ່ຈະກວດລ້າງພວກຫົວ
ຮຸນແຮງນຸສຣາ (Nusrah Front) ອອກໄປຈາກແຂວງດັ່ງກ່າວ. ໄດ້ມີການໂຈມຕີທາງ
ອາກາດເພີ້ມຂຶ້ນ ແລະໄດ້ຍິງຖະຫລົ່ມ ໃນເດືອນນີ້ ຊຶ່ງໄດ້ເຮັດໃຫ້ມີການຢ້ານກົວວ່າ
ຈະມີການໂຈມຕີຢ່າງເຕັມອັດຕາ ຄ້າຍຄືກັນກັບສິ່ງທີ່ເກີດຂຶ້ນໃນເມື່ອກ່ອນ ຢູ່ເມືອງ
ອາເລັບໂປ (Aleppo) ແລະຢູ່ເຂດກູຕາ ຕາເວັນອອກ (Eastern Ghouta).
"ອິດລິບ (Idlib) ແມ່ນເປັນທີ່ໝັ້ນອັນສຸດທ້າຍ ຂອງພວກກໍ່ການຮ້າຍ ທີ່ພະຍາຍາມຈະ
ທໍາການພະນັນຕໍ່ສະພາບການໃນເຂດທີ່ຫລຸດຜ່ອນການສູ້ລົບແລະເອົາພວກພົນລະ
ເຮືອນ ມາເປັນເຄື່ອງກໍາບັງ ແລະເອົາອົງການຈັດຕັ້ງທາງທະຫານ ມາກຽມພ້ອມເພື່ອ
ທໍາການເຈລະຈາກັບລັດຖະບານຊີເຣຍ ໃຫ້ຍອມຕໍ່ພວກເຂົາ," ນັນຄືຄໍາເວົ້າຂອງທ່ານ
ເຊີເກ ລາວຣອບວ໌ (Sergey Lavrov) ລັດຖະມົນຕີກະຊວງການຕ່າງປະເທດຣັດເຊຍ
ທີ່ກ່າວຕໍ່ອົງການຂ່າວອີຕາ ທາສ (Itar Tass) ຂອງລັດຖະບານຣັດເຊຍໃນວັນພຸດ
ວານນີ້. ທ່ານກ່າວອີກວ່າ "ສະນັ້ນ, ເມື່ອເບິ່ງຈາກທຸກມຸມແລ້ວ ສິ່ງທີ່ເປັນບັນຫາດັ່ງກ່າວ
ນີ້ຕ້ອງຖືກກໍາຈັດໃຫ້ໝົດໄປ.”
ມີປະຊາຊົນປະມານ 3 ລ້ານຄົນ ທີ່ອາໄສຢູ່ໃນແຂວງອິດລິບ ທີ່ຢູ່ທາງພາກຕາເວັນຕົກ
ສຽງເໜືອຂອງປະເທດນັ້ນ, ລວມທັງພວກອົບພະຍົບຈາກບ່ອນອື່ນ ໃນຊີເຣຍມາຫລາຍ
ກວ່າ 1 ລ້ານຄົນ. ອົງການສະຫະປະຊາຊາດເວົ້າວ່າ ປະຊາຊົນຫລາຍກວ່າ 2 ລ້ານຄົນ
ຢູ່ໃນແຂວງອິດລິບ ຕ້ອງການການຊ່ວຍເຫລືອດ້ານມະນຸດສະທໍາ ແລະວ່າ ອົງການຊ່ວຍ
ເຫລືອຕ່າງໆກໍາລັງກະກຽມເອົາສະບຽງຕ່າງໆ ເພື່ອກຽມໄວ້ສໍາລັບສະພາບການ ທີ່ເຊື່ອມ
ໂຊມລົງໄປກວ່ານີ້.
ພວກທະຫານຂອງຣັດເຊຍ ແລະຊີເຣຍຢືນຍາມຢູ່ດ່ານເຂົ້າ-ອອກເມືອງອາບູດາຮູ ທາງຕາເວັນອອກຂອງແຂວງອິດລິບ ໃນທີ 20 ສິງຫາ, 2018
ໂຄສົກປະຈໍາອົງການສະຫະປະຊາຊາດ ທ່ານ ສະເຕັບເຟນ ດູຈາຣິກ (Stephane
Dujarric) ເວົ້າວ່າ "ທ່ານເລຂາທິການໃຫຍ່ ໄດ້ຮ້ອງຂໍຢ່າງຮີບດ່ວນ ໃຫ້ລັດຖະບານ
ຊີເຣຍ ແລະທຸກຝ່າຍພາກັນຢັບຢັ້ງຊັ່ງໃຈ ແລະ ໃຫ້ເອົາການປົກປ້ອງ ແກ່ພົນລະເຮືອນ
ເປັນບູລິມະສິດ. ທ່ານໄດ້ຮ້ອງຂໍໃຫ້ພວກປະເທດ ທີ່ໃຫ້ການຄ້ຳປະກັນຄວາມປອດໄພ
ແອສຕານາ (Astana) ເພີ້ມຄວາມພະຍາຍາມ ໃນການຊອກຫາການແກ້ໄຂສະພາບ ການໃນແຂວງອິດລິບຊຶ່ງເປັນເຂດທີ່ມີການຫລຸດຜ່ອນການສູ້ລົບ ເຂດສຸດທ້າຍທີ່ຍັງ
ເຫລືອຢູ່ນັ້ນ ຢ່າງສັນຕິວິທີ."
ຣັດເຊຍ, ອີຣ່ານ ແລະ ເທີກີ ເປັນປະເທດໃຫ້ການຄ້ຳປະກັນດ້ານຄວາມປອດໄພ ໃນ
ເຂດຫລຸດຜ່ອນການສູ້ລົບກັນ. ລັດຖະມົນຕີກະຊວງການຕ່າງປະເທດ ຣັດເຊຍ ແລະ
ເທີກີ ໄດ້ພົບປະກັນໃນວັນທີ 24 ສິງຫາຜ່ານມາ ເພື່ອຫາລືກັນກ່ຽວກັບບັນຫາດັ່ງກ່າວ.