ການໂຈມຕີທາງອາກາດຢ່າງໜັກ ໂດຍກຳລັງປະສົມ ພາຍໃຕ້
ການນຳພາຂອງ ຊາດອຸດີຍັງດຳເນີນຢູ່ຕໍ່ມາໃນເຢເມນ ໃນວັນ
ສຸກວານນີ້ໃນຂະນະທີ່ກຸ່ມກໍ່ການ ຮ້າຍ al-Qaida ເຂົ້າຍຶດເອົາ
ບາງເຂດ ໃນພາກຕາເວັນອອກຂອງປະເທດ.
ກຳລັງປະສົມ ພາຍໃຕ້ການນຳພາຂອງບັນດາປະເທດອາຣັບ
ທີ່ນັບຖືນິກາຍ Sunni ໄດ້ທຳການຖີ້ມລະເບີດ ໃສ່ຫລາຍໆເມືອງ
ຮວມທັງຄະຄອນຫລວງ Sanaa’s ເມືອງ Taiz ທີ່ເປັນເມືອງໃຫຍ່
ອັນດັບສອງຂອງປະເທດ ແລະເມືອງທ່າ Aden ຢູ່ທາງພາກໃຕ້
ຂອງປະເທດ.
ກຳລັງປະສົມ ໄດ້ແນເປົ້າໝາຍໃສ່ພວກກະບົດ Houthi ຂອງຊາວ Shi’ite ທີ່ເຊື່ອວ່າ ໄດ້
ຮັບການໜູນຫລັງຈາກອີຣ່ານ.
ຢູ່ໃນພິທີສະຫລອງວັນກອງທັບແຫ່ງຊາດອີຣ່ານ ໃນວັນເສົາມື້ນີ້ ປະທານາທິບໍດີ Hassan
Rouhani ໄດ້ຕຳໜິຕິຕຽນຢ່າງແຮງຕໍ່ ຊາອຸດີ ອາຣາເບຍ ໃນການ ໂຈມຕີທາງອາກາດ ໂດຍກ່າວວ່າ “ຊາອຸດີ ອາຣາເບຍ ໄດ້ຝັງແກ່ນຂອງຄວາມກຽດຊັງໃສ່ຫົວໃຈ “ຂອງປະຊາ
ກອນຢູ່ໃນຂົງເຂດ “ແລະ ຊາອຸດີ ອາຣາເບຍຈະເຫັນການຕອບໂຕ້ ໃນບໍ່ຊ້າກໍໄວ.”
ລັດຖະມົນຕີຕ່າງປະເທດ ອີຣ່ານ ທ່ານ Hohammed Javad Zarif ໄດ້ສະເໜີແຜນສັນ
ຕິພາບເຢເມນ ຕໍ່ ສະຫະປະຊາຊາດ ໃນວັນສຸກວານນີ້. ແຜນດັ່ງ ກ່າວ ຮຽກຮ້ອງໃຫ້ຍຸດ
ຕິການໂຈມຕີຂອງຕ່າງປະເທດທັງໝົດ ຮື້ຟື້ນການເຈລະ ຈາພາຍໃຕ້ການນຳພາຂອງ
ເຢເມນ ແລະສ້າງຕັ້ງລັດຖະບານສາມັກຄີຊາດ.
ຊາວອົພພະຍົບ ເຢເມນ ອູ້ມລູກຢູ່ສຸນອົບພະຍົບຊົ່ວຄາວ
ກຸ່ມ Al Qaida ແມ່ນໄດ້ຮັບຜົນປະໂຫຍດ ຈາກຄວາມວຸ້ນວາຍຢູ່ໃນເຢເມນ ໂດຍເສີມຂະຫຍາຍທີ່ໝັ້ນຂອງຕົນຢູ່ທາງພາກຕາເວັນອອກຂອງປະເທດ. ໃນວັນສຸກວານນີ້ ພວກນັກລົບຂອງກຸ່ມ al-Qaida ໄດ້ເຂົ້າຍຶດເອົາຄ້າຍທະຫານ ແຫ່ງນຶ່ງ ຢູ່ໃນເມືອງ Mukalla ຊຶ່ງເປັນເມືອງເອກຂອງແຂວງ Hadramawt. ບັນດາເຈົ້າໜ້າທີ່ກ່າວວ່າ ກຸ່ມດັ່ງກ່າວໄດ້ຍຶດເອົາລົດຖັງ ປືນຍິງຈະຫລວດ ແລະປືນນ້ອຍ.
ໃນວັນສຸກວານນີ້ເຊັ່ນດຽວກັນ ປະທານາທິບໍດີສະຫະລັດ ທ່ານ Barack Obama ໄດ້ໂອ້ລົມທາງໂທລະສັບ ກັບກະສັດ Salman ແຫ່ງຊາອຸດີ ອາຣາເບຍ. ທຳນຽບຂາວກ່າວວ່າ ຜູ້ນຳທັງສອງເຫັນດີກ່ຽວກັບຄວາມຈຳເປັນໃນການ ແກ້ໄຂທາງດ້ານການເມືອງຕໍ່ບັນຫາເຢເມນ ທີ່ໄກ່ເກ່ຍໂດຍສະຫະປະຊາຊາດ.
ເຫດການ ຢູ ເຢເມນ