ເລຂາທິການໃຫຍ່ ຂອງອົງການ ສະຫະປະຊາຊາດ ທ່ານ BAN KI MOON ໄດ້ສະແດງຄວາມ ບໍ່ພໍໃຈ ໃນມື້ວັນຈັນວານນີ້ ນໍາ ການທີ່ລັດຖະບານມຽນມາ ບໍ່ໄດ້ ສະໜອງຕອບຕໍ່ການດໍາເນີນ ຄວາມພະຍາຍາມຂອງທ່ານ ເພື່ອຫາທາງພົວພັນກັນນັ້ນ.
ໃນກອງປະຊຸມຖະແຫຼງຂ່າວ ທີ່ນະຄອນນິວຢອກ ທ່ານ BAN ກ່າວວ່າ ທ່ານແລະທີ່ປຶກສາ ພິເສດ ກ່ຽວກັບມຽນມາຂອງທ່ານ ໄດ້ດຳເນີນທຸກຄວາມພະຍາຍາມ ເພື່ອສືບຕໍ່ຫາທາງພົວ ພັນກັບພວກເຈົ້າໜ້າທີ່ຂອງມຽນມາ.
ຜູ້ນຳຂອງອົງການສະຫະປະຊາຊາດເວົ້າວ່າ ທ່ານໄດ້ສະແດງອອກຢ່າງຈະແຈ້ງ ເຖິງຄວາມ ວິຕົກກັງວົນ ແລະຄວາມຄາດຫວັງ ກ່ຽວກັບຂັ້ນຕອນ ທາງດ້ານການເມືອງ ຮວມທັງການ ເລືອກຕັ້ງທີ່ມຽນມາ ຊຶ່ງມີແຜນການ ຈະຈັດຂຶ້ນພາຍໃນທ້າຍປີນີ້.
ທ່ານກ່າວຕື່ມວ່າ ແຫຼ່ງທີ່ມາຂອງຄວາມບໍ່ພໍໃຈ ກໍຄືມາຈົນເຖິງບັດນີ້ມຽນມາກໍບໍ່ໄດ້ສະໜອງ ຕອບຕໍ່ການດຳເນີນ ຄວາມພະຍາຍາມເຫຼົ່ານີ້.
ທ່ານ BAN ເອີ້ນການບໍ່ໃຫ້ຄວາມຮ່ວມມື ຂອງລັດຖະບານທະຫານມຽນມາວ່າ ບໍ່ມີຫຍັງ ເລີຍນອກໄປຈາກ ການສູນເສຍໂອກາດ ສຳລັບມຽນມາ.
ທ່ານກ່າວວ່າ ທ່ານຈະກ່າວເນັ້ນເພີ້ມຕື່ມ ເຖິງທັດສະນະຂອງທ່ານ ໃນລາຍງານປະຈຳປີ ຕໍ່ກອງປະຊຸມ ສະມັດຊາໃຫຍ່ ອົງການສະຫະປະຊາຊາດ.