ຫົວໜ້າຊ່ວຍເຫລືອສະຫະປະຊາດ ໄດ້ເຕືອນໃນວັນຈັນວານນີ້ວ່າ ຊີເຣຍແມ່ນວິກິດການດ້ານມະນຸດສະທຳທີ່ໃຫຍ່ສຸດໃນຍຸກສະໄໝຂອງພວກເຮົາແລະ “ກຳລັງແຂ່ງກັບເວລາ” ເພື່ອຊ່ວຍເຫລືອພົນລະເຮືອນຫລາຍຮ້ອຍພັນຄົນ ທີ່ຖືກປິດລ້ອມດ້ວຍອາຫານ ນໍ້າກິນນ້ຳໃຊ້ ແລະອຸບປະກອນການແພດ.
ທ່ານ Stephen O’Brien ກ່າວຕໍ່ສະພາຄວາມໝັ້ນຄົງສະຫະປະຊາຊາດ ຢູ່ໃນລາຍງານປະຈຳເດືອນ ກ່ຽວກັບສະພາບການວ່າ “ຢູ່ໃນເມືອງ Aleppo ພວກເຮົາສ່ຽງຕໍ່ການເຫັນໄພພິບັດທາງດ້ານມະນຸດສະທຳເກີດຂຶ້ນ ແບບທີ່ບໍ່ເຫັນມາກ່ອນ ໃນໄລຍະຫ້າປີທີ່ຜ່ານມາຂອງການນອງເລືອດ ແລະ ບັນຫາຂັດແຍ້ງທີ່ ໂຫດຮ້າຍໃນຊີເຣຍ. ອີກເທຶ່ອນຶ່ງ ຂ້າພະເຈົ້າບໍ່ສາມາດເນັ້ນໜັກໄດ້ຢ່າງພຽງພໍໃນຄວາມຈຳເປັນ ເພື່ອໃຫ້ມີການຢຸດຍິງ ເປັນເວລາ 48 ຊົ່ວໂມງ ທີ່ເຫັນດີຈາກທຸກພັກຝ່າຍ ແລະເລີ້ມມີຜົນບັງຄັບໃຊ້ ດັ່ງນັ້ນ ເພື່ອໃຫ້ມີຄວາມປອດໄພ ແລະການເຂົ້າເຖິງການຊ່ວຍເຫລືອທາງດ້ານມະນຸດສະ ແມ່ນເປິດກວ້າງໃຫ້ແກ່ ທຸກເຂດ ໃນເມືອງ Aleppo.”
ນັບແຕ່ເດືອນແລ້ວນີ້ມາ ສະຫະປະຊາຊາດໄດ້ຮຽກຮ້ອງໃຫ້ມີການຢຸດຍິງ 48 ຊົ່ວໂມງ ທຸກໆອາທິດ ຢູ່ໃນເມືອງ Aleppo ເພື່ອນຳເອົາການຊ່ວຍເຫລືອເຂົາໄປ ແລະນຳເອົາຄົນບໍ່ສະບາຍ ແລະໄດ້ຮັບບາດເຈັບອອກມາ.
ທ່ານ O’Brien ກ່າວວ່າ ສະຫະປະຊາຊາດຕຽມພ້ອມແລ້ວ ທີ່ຈະເຄື່ອນຍ້າຍລົດບັນທຸກ 70 ຄັນ ພ້ອມດ້ວຍການຊ່ວຍເຫລືອໄປຍັງພາກຕາເວັນອອກຂອງ ເມືອງ Aleppo ໂດຍໄວເທົ່າທີ່ຈະໄວໄດ້ໃນເວລາທີ່ໄດ້ຮັບການຄໍ້າປະກັນດ້ານຄວາມປອດໄພທີ່ຈຳເປັນ. ພາກຕາເວັນອອກຂອງເມືອງ ໄດ້ຖືກຍຶດໂດຍກຳລັງຕໍ່ຕ້ານ ແຕ່່ໄດ້ຖືກປິດລ້ອມ ໂດຍກຳລັງລັດຖະບານເປັນເວລາຫຼາຍອາທິດແລ້ວ ທີ່ເຮັດໃຫ້ຄົນຕົກຄ້າງຢູ່ໃນນັ້ນຈຳນວນ 250,000 ຄົນ. ລັດຖະບານໄດ້ຄວບຄຸມ ພາກຕາເວັນຕົກຂອງເມືອງດັ່ງກ່າວ ບ່ອນທີ່ມີຫລາຍກວ່ານຶ່ງລ້ານຄົນຍັງຢູ່ອາໄສຢູ່ທີ່ນັ້ນ. ເມືອງ Aleppo ເປັນເມືອງໃຫຍ່ສຸດຂອງຊີເຣຍແລະກ່ອນສົງຄາມກາງ ເມືອງໄດ້ເກີດຂຶ້ນນັ້ນ ໄດ້ເປັນສູນກາງການຄ້າຂອງປະເທດ ນຳດ້ວຍ.
ທ່ານ O’Brian ກ່າວວ່າ ວິກິດການມະນຸດສະທຳ ແມ່ນກວມລວມເກີນໄປກວ່າເມືອງ Aleppo. ເຖິງແມ່ນວ່າ ໄດ້ມີການຮ້ອງຂໍໃຫ້ລັດຖະບານຊີເຣຍ ໃຫ້ອະນຸ ຍາດສົ່ງການຊ່ວຍເຫລືອໄປຍັງ 32 ແຫ່ງ ຝຍທົ່ວປະເທດ ເມື່ອເດືອນສິງຫານີ້ ກໍຕາມ ແຕ່ທ່ານກ່າວວ່າ ລັດຖະບານໄດ້ປະຕິເສດ ບໍ່ໃຫ້ສະຫະປະຊາຊາດເຂົ້າໄປ ຫລາຍກວ່າ 50 ເປີເຊັນຕາມທີ່ໄດ້ຮ້ອງຂໍໄປນັ້ນ. ຍິ່ງກວ່ານັ້ນ ການສູ້ລົບ ແລະການຊັກຊ້າດ້ານການປົກຄອງ ໄດ້ເຮັດໃຫ້ບໍ່ມີຂະບວນລົດແມ່ນແຕ່ຂະບວນ ດຽວສາມາດເຄື່ອນຍ້າຍໃນເດືອນນີ້.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
UN Syria Aleppo