ສະຫະປະຊາຊາດກ່າວວ່າ ປັດຈຸບັນນີ້ ມີຢ່າງໜ້ອຍ 25 ຄົນໄດ້
ເສຍຊີວິດແລະ ອີກປະມານ 120 ຄົນໄດ້ຮັບບາດເຈັບຈາກການ
ໂຈມຕີໃນເດືອນແລ້ວນີ້ ຢູ່ສູນຫລົບໄພພົນລະເຮືອນຂອງສະຫະ
ປະຊາຊາດ ທີ່ເມືອງ Malakai ປະເທດຊູດານໃຕ້.
ອົງການປະສານງານດ້ານມະນຸດສະທຳຂອງສະຫະປະຊາຊາດ
ຫຼື OCHA ໄດ້ປັບປ່ຽນໂຕເລກດັ່ງກ່າວ ໃນວັນສຸກມື້ນີ້ ສອງອາ
ທິດຫລັງຈາກໄດ້ມີການໂຈມຕີສູນຫລົບໄພ ເມື່ອວັນທີ 17 ແລະ
18 ກຸມພາຜ່ານມາ ຊຶ່ງມີປະມານ 47,000 ຄົນໄດ້ພາກັນເຂົ້າໄປ
ລີ້ໄພ ສົງຄາມກາງເມືອງໃນຊູດານໃຕ້.
ອົງການ OCHA ກ່າວວ່າ ບັນດາຄູ່ຮ່ວມງານດ້ານມະນຸດສະທຳໄດ້ “ລະດົມພະນັກງານ
ແລະອຸບປະກອນຢ່າງຣີບດ່ວນ” ເພື່ອເພີ້ມການໃຫ້ການຊ່ວຍເຫລືອສະໜອງຕອບຄວາມ
ຕ້ອງການຢູ່ທີ່ສູນທີ່ມີເພີ້ມຂຶ້ນ ນັບແຕ່ໄດ້ເກີດການໂຈມຕີ. ລາຍງານກ່າວວ່າ ນອກຈາກ
25 ຄົນທີ່ໄດ້ເສຍຊີວິດແລະ120 ຄົນໄດ້ຮັບບາດເຈັບແລ້ວບ່ອນພັກພາອາໄສາຂອງຄອບ
ຄົວປະມານ 3,700 ຫລັງໄດ້ຖືກທຳລາຍ ຫລືໄດ້ຮັບຄວາມເສຍຫາຍ ພ້ອມທັງບັນດາຄລີ
ນິກ ຖັງນໍ້າ ສູນກາງແຈກຢາຍອາຫານ ແລະໂຮງຮຽນ.
ອົງການ OCHA ຍັງກ່າວວ່າ ມີ “ລາຍງານທີ່ເຊື່ອຖືໄດ້” ວ່າ ພວກຜູ້ຊາຍຕິດອາວຸດ ຈາກ
ກອງທັບປົດປ່ອຍປະຊາຊົນຊູດານໄດ້ເຂົ້າໄປໃນສູນແລະຍິງປືນໃສ່ພົນລະເຮືອນລະຫວ່າງ
ການໂຈມຕີເປັນເວລາສອງມື້.