ປະທານາທິບໍດີຢູເຄຣນ ທ່ານ ໂວໂລດີເມຍ ເຊເລັນສກີ ກ່າວວ່າ ປະຈຸບັນນີ້ ກອງກໍາລັງຂອງປະເທດ ໄດ້ຄວບຄຸມ 92 ທີ່ຕັ້ງ ແລະເນື້ອທີ່ຫຼາຍກວ່າ 1,250 ກິໂລຕາແມັດ ໃນພາກພື້ນ ເຄີດ (Kursk) ຂອງຣັດເຊຍ, ຫລັງຈາກການຕອບໂຕ້ຂອງຢູເຄຣນ ຕໍ່ການໂຈມຕີຂ້າມຊາຍແດນຂອງຣັດເຊຍ ໄດ້ກາຍເປັນການໂຈມຕີທີ່ໜ້າປະຫລາດໃຈ. ນັກຂ່າວວີໂອເອ ຄາລາ ບາບ (Carla Babb) ມີລາຍງານຫຼ້າສຸດກ່ຽວກັບເລື້ອງນີ້ ເຊິ່ງອາດນະສັກ ຈະນຳເອົາລາຍລະອຽດມາສະເໜີທ່ານໃນອັນດັບຕໍ່ໄປ.
Your browser doesn’t support HTML5
ກອງກຳລັງຂອງຢູເຄຣນ ຍຶດດິນແດນຂອງຣັດເຊຍ ໄດ້ຕື່ມອີກ
ພາກພື້ນເຄິດ (Kursk) ຂອງຣັດເຊຍ ທີ່ຢູ່ລະຫວ່າງຊາຍແດນຕິດກັບຢູເຄຣນ ໄດ້ຖືກໂຈມຕີ...
ຢູເຄຣນໄດ້ທຳລາຍຂົວຫຼາຍແຫ່ງໃນພາກພື້ນດັ່ງກ່າວ ໃນອາທິດນີ້ ເພື່ອປິດກັ້ນເສັ້ນທາງການສະໜອງເສີມກຳລັງ.
ຣັດເຊຍໄດ້ຍິງຕອບໂຕ້ກັບ ໄປໃສ່ພາກພື້ນຊູມີ ທີ່ເປັນພາກພື້ນເຂດຊາຍແດນຂອງຢູເຄຣນ, ເຮັດໃຫ້ລົດຫຼາຍຄັນ ໄດ້ຮັບຄວາມເສຍຫາຍ ແຕ່ບໍ່ມີຜູ້ໄດ້ຮັບບາດເຈັບ ຫຼືເສຍຊີວິດ.
ປະຈຸບັນນີ້ ທຳນຽບຫ້າແຈ ໄດ້ເລີ້ມເຫັນສັນຍານທີ່ບົ່ງບອກວ່າ ຣັດເຊຍ ກຳລັງເຄື່ອນຍ້າຍກຳລັງຈຳນວນເລັກນ້ອຍເຂົ້າໄປໃນພາກພື້ນເຄິດ (Kursk) ເພື່ອຕ້ານການບຸກໂຈມຕີຂອງຢູເຄຣນ.
ພົນຕີ ແພັທ ຣາຍເດີ (Pat Ryder), ໂຄສົກທຳນຽບຫ້າແຈ້ ກ່າວວ່າ:
"ຣັດເຊຍໄດ້ພະຍາຍາມຢ່າງໜັກໃນການຕອບໂຕ້, ແລະທ່ານຍັງສືບຕໍ່ເຫັນຄວາມກ້າວຫນ້າຂອງຢູເຄຣນໃນເລື່ອງນີ້."
ຣັດເຊຍກ່າວວ່າ ມີພົນລະເຮືອນຫຼາຍພັນຄົນໄດ້ຫລົບໜີອອກຈາກພາກພື້ນເຄີດ ທີ່ເປັນພາກພື້ນທີ່ຢູ່ເຂດຊາຍແດນ. ນັກຂ່າວຊາວຢູເຄຣນຄົນນຶ່ງ ທີ່ຫາກໍກັບຄືນມາຈາກເມືອງ ຊຸດຈາ (Sudzha [sud-ja]) ທີ່ຖືກຍຶດໄດ້ ກ່າວຕໍ່ VOA ວ່າ ກອງກຳລັງຂອງຢູເຄຣນ ໄດ້ເຂົ້າຍຶດເອົາເມືອງຂອງຣັດເຊຍ ໂດຍເກືອບວ່າບໍ່ໄດ້ສ້າງຄວາມເສຍຫາຍໃດໆເລີຍ.
ນັກຂ່າວຢູເຄຣນ ໄດອານາ ບັທສກີ (Diana Butsko) ທີ່ຫາກໍກັບຄືນມາຈາກເມືອງ ຊຸດຈາ (Sudzha) ທີ່ຖືກຍຶດຄອງ, ກ່າວຜ່ານ SKYPE ວ່າ:
“ຂ້າພະເຈົ້າປະຫລາດໃຈທີ່ໄດ້ເຫັນວ່າຕົວເມືອງດັ່ງກ່າວ ເບິ່ງຄືວ່າມີຄວາມສະຫງົບຫລາຍ ແລະເກືອບວ່າບໍ່ມີຫຍັງເກີດຂຶ້ນເລີຍແທ້ໆ. ນັ້ນໝາຍຄວາມວ່າ ກອງກຳລັງຂອງຢູເຄຣນ, ເຄື່ອນຕົວໄປໄກຈາກບ່ອນນັ້ນຫຼາຍຂຶ້ນ.”
ການໂຈມຕີໃນເດືອນນີ້ຖືເປັນການບຸກໂຈມຕີຣັດເຊຍ ຄັ້ງໃຫຍ່ທີ່ສຸດ ນັບຕັ້ງແຕ່ສົງຄາມໂລກຄັ້ງທີ 2 ເປັນຕົ້ນມາ. ບັນດານັກວິເຄາະກ່າວວ່າ ການໂຈມຕີດັ່ງກ່າວ ໄດ້ເຮັດໃຫ້ຢູເຄຣນມີຄວາມກ້າວໜ້າ.
ທ່ານ ຊາລສ໌ ຄູປຊານ (Charles Kupchan), ນັກຄົ້ນຄວ້າອາວຸໂສຂອງສະພາການພົວພັນຕ່າງປະເທດກ່າວວ່າ:
“ຕອນນີ້, ມັນເຮັດໃຫ້ຢູເຄຣນສາມາດກົດດັນຣັດເຊຍໄດ້. ມັນເປັນຄວາມອັບອາຍສໍາລັບວັງ ເຄຣມລິນ."
ແຕ່ ການເຄື່ອນໄຫວນີ້ ຈະສົ່ງຜົນຕໍ່ສົງຄາມພາຍໃນຢູເຄຣນຄືແນວໃດນັ້ນ ຍັງບໍ່ເປັນທີ່ຈະແຈ້ງເທື່ອ.
ທ່ານ ຊາລສ໌ ຄູປຊານ (Charles Kupchan), ຈາກສະພາການພົວພັນຕ່າງປະເທດ:
“ກອງກຳລັງຈຳນວນຫຼາຍ ທີ່ຝ່າຍຣັດເຊຍໃຊ້ເພື່ອປ້ອງກັນການບຸກໂຈມຕີຢູ່ພາກພື້ນ ເຄີດ (Kursk) ນັ້ນ ແມ່ນມາຈາກຣັດເຊຍ. ພວກເຂົາບໍ່ໄດ້ຖອນກຳລັງອອກຈາກແນວຫນ້າໃນຢູເຄລນເອງ, ເຖິງແມ່ນວ່າຈະມີທະຫານຈຳນວນນຶ່ງໄດ້ຖືກຖອນອອກໄປແລ້ວກໍຕາມ."
ຢູເຄຣນ ກ່າວວ່າ ຕົນໄດ້ເກັບຮັກສາແຜນການນີ້ຂອງຕົນໄວ້ເປັນຄວາມລັບຈາກບັນດາພັນທະມິດ ເນື່ອງຈາກວ່າ ພັນທະມິດຫຼາຍປະເທດອາດຈະພະຍາຍາມທີ່ຈະຍົກເລີກແຜນການດັ່ງກ່າວ ເນື່ອງຈາກມັນເບິ່ງຄືວ່າຈະເປັນໄປບໍ່ໄດ້. ທຳນຽບຫ້າແຈ ກ່າວວ່າ ສະຫະລັດຈະຍັງສືບຕໍ່ສະໜັບສະໜູນການຕໍ່ສູ້ເພື່ອເສລີພາບຂອງຢູເຄຣນ ຢ່າງແຂງແກ່ນ.
ອ່ານລາຍງານເປັນພາສາອັງກິດລຸ່ມນີ້:
Ukrainian President Volodymyr Zelenskyy says the country’s forces now control 92 settlements and more than 1,250 square kilometers in Russia’s Kursk region, after Ukrainian responses to Russia’s cross-border attacks evolved into a surprising offensive. VOA Pentagon correspondent Carla Babb has the latest.
Russia’s Kursk region on the border with Ukraine under attack…
Ukraine destroyed multiple bridges in the region this week to block supply routes.
Russia firing back into the Ukrainian border region of Sumy, damaging cars but causing no casualties.
The Pentagon now seeing indications that Russia is moving small numbers of forces into Kursk to repel the Ukrainian offensive.
Major General Pat Ryder, Pentagon Press Secretary:
“Russia has really struggled to respond, and you continue to see some Ukrainian advances in that regard.”
Russia says thousands of civilians have fled the Kursk border region. A Ukrainian journalist who just returned from the seized town of Sudzha [sud-ja] telling VOA Ukraine's forces took the Russian town with little collateral damage.
Ukrainian journalist Diana Butsko just returned from the seized town of Sudzha, said through SKYPE:
“I was surprised to see that the city itself looked very calm and literally nothing was going on. It meant that Ukrainian forces, they advanced even further from there.”
The raid this month now the biggest invasion of Russia since World War II. Analysts say the strike gives Ukraine the momentum.
Charles Kupchan, a senior fellow at the Council on Foreign Relations:
“It now enables the Ukrainians to put pressure on Russia. It’s an embarrassment for the Kremlin.”
But exactly how this move will shape the war inside Ukraine remains unclear.
Charles Kupchan, Council on Foreign Relations:
“A lot of the forces that the Russians are using to defend against this incursion into the Kursk region are coming from Russia. They’re not being withdrawn from the frontline in Ukraine itself, although some small numbers of soldiers have been withdrawn.”
Ukraine said it kept its plan secret from allies because many allies might have tried to disregard it as unrealistic. The Pentagon says the United States will continue to strongly support Ukraine’s fight for freedom.