ພວກຫົວແບ່ງແຍກ ນິຍົມຣັດເຊຍ ໃນພາກຕາເວັນອອກຂອງ
ຢູເຄຣນ ເລີ້ມທຳການປ່ອນບັດເລືອກຕັ້ງທີ່ເປັນການໂຕ້ແຍ້ງ
ກັນທີ່ລັດຖະບານ Kyiv ແລະບັນດາປະເທດຕາເວັນຕົກກ່າວ
ວ່າ ພວກຕົນຈະບໍ່ຮັບຮູ້ການເລືອກຕັ້ງນີ້.
ພວກຫົວແບ່ງແຍກທີ່ຄວບຄຸມພາກສ່ວນຕ່າງໆໃນຂົງເຂດ
Luhansk ແລະ Donetsk ໃນພາກຕາເວັນອອກຂອງຢູເຄຣນ
ພາກັນຈັດການເລືອກຕັ້ງຂຶ້ນເພື່ອເລືອກເອົາຄະນະນຳພາ ແລະ
ສະພານິຕິບັນຍັດຂອງຕົນໃນຂົງເຂດທີ່ພວກຕົນຄວບຄຸມໃນເວ
ລານີ້.
ສະຫະພາບຢູໂຣບ ແລະສະຫະລັດ ເອີ້ນການປ່ອນບັດເລືອກຕັ້ງຂອງພວກກະບົດນັ້ນວ່າ
ຜິດກົດໝາຍ ໂດຍກ່າວວ່າ ມັນລະເມີດລັດຖະທຳມະນູນຂອງຢູເຄຣນ ແລະຂໍ້ຕົກລົງຢຸດ
ຍິງ ທີ່ໄດ້ບັນລຸກັນໃນວັນທີ 5 ກັນຍາຜ່ານມາ ລະຫວ່າງພວກຫົວແບ່ງແຍກ ແລະລັດຖະ
ບານຢູເຄຣນ.
ຣັດເຊຍ ກ່າວວ່າ ຕົນຈະຮັບຮູ້ ຜົນການເລືອກຕັ້ງຂອງພວກຫົວແບ່ງແຍກ. ບັນດາຜູ້ນຳຂອງສະຫະພາບຢູໂຣບ ໄດ້ຮຽກຮ້ອງຣັດເຊຍບໍ່ໃຫ້ຮັບຮູ້ຜົນຂອງການເລືອກຕັ້ງນີ້.
ບັນດາເຈົ້າໜ້າທີ່ປະເທດຕາເວັນຕົກ ກ່າວວ່າ ການປ່ອນບັດນີ້ສາມາດສ້າງຄວາມຫຍຸ້ງ
ຍາກຂຶ້ນຕື່ມອີກ ໃຫ້ແກ່ຄວາມພະຍາຍາມເພື່ອຍຸດຕິວິກິດການໃນພາກຕາເວັນອອກຂອງ
ຢູເຄຣນ ບ່ອນທີ່ພວກກະບົດນິຍົມຣັດເຊຍ ຢາກເຂົ້າຮ່ວມກັບຣັດເຊຍນັ້ນ.
ສະຫະປະຊາຊາດກ່າວວ່າ ປະຊາຊົນຫຼາຍກວ່າ 4 ພັນຄົນໄດ້ເສຍຊີວິດໄປໃນການສູ້ລົບກັນລະຫວ່າງກຳລັງລັດຖະບານຢູເຄຣນ ແລະພວກກະບົດນິຍົມຣັດເຊຍນັ້ນ.
Your browser doesn’t support HTML5
ukraine2november14