ປະທານາທິບໍດີ ສະຫະລັດ ທ່ານ ໂຈ ໄບເດັນ ໄດ້ສັນຍາທີ່ຈະປ້ອງກັນ ຢູເຄຣນ ຢ່າງເຂັ້ມແຂງຕໍ່ການບຸກລຸກຂອງ ຣັດເຊຍ ຢູ່ກອງປະຊຸມສຸດຍອດອົງການ NATO ໃນນະຄອນຫຼວງວໍຊິງຕັນ ເມື່ອວັນອັງຄານວານນີ້, ໂດຍໃຊ້ເວທີໂລກດັ່ງກ່າວເພື່ອພະຍາຍາມທີ່ຈະສະແດງໃຫ້ບັນດາພັນທະມິດຢູ່ໃນປະເທດ ແລະ ຕ່າງປະເທດເຫັນວ່າທ່ານຍັງສາມາດນຳພາໄດ້ຢູ່.
ທ່ານ ໄບເດັນ ອາຍຸ 81 ປີ, ໄດ້ປະເຊີນກັບຄຳຖາມດົນ 12 ວັນ ກ່ຽວກັບຄວາມສາມາດຂອງທ່ານສຳລັບການດຳລົງຕຳແໜ່ງ ໃນຂະນະທີ່ເພື່ອຮ່ວມພັກເດໂມແຄຣັດຂອງທ່ານຈຳນວນນຶ່ງໃນຫໍລັດຖະສະພາ ແລະ ບັນດາຜູ້ບໍລິຈາກເງິນໂຄສະນາຫາສຽງຢ້ານວ່າ ທ່ານຈະຜ່າຍແພ້ໃນການເລືອກຕັ້ງວັນທີ 5 ພະຈິກນີ້ ຫຼັງຈາກຜົນງານການໂຕ້ວາທີທີ່ບໍ່ດີໃນວັນທີ 27 ມິຖຸນາທີ່ຜ່ານມາ.
ທ່ານ ໄບເດັນ ໄດ້ກ່າວໃນຄຳປາໄສຕ້ອນຮັບສູ່ກອງປະຊຸມສຸດຍອດຕໍ່ບັນດາປະເທດສະມາຊິກອົງການ NATO, ໂດຍອ້າງເຖິງປະທານາທິບໍດີ ຣັດເຊຍ ວ່າ “ທ່ານ ປູຕິນບໍ່ຢາກໄດ້ຫຍັງໜ້ອຍກວ່າ, ໜ້ອຍກວ່າການປາບປາມ ຢູເຄຣນ ທັງໝົດ. ຢູເຄຣນ ສາມາດ ແລະ ຈະຢຸດ ທ່ານ ປູຕິນ.”
ທຳນຽບຂາວຫວັງວ່າທ່ານຈະສາມາດພິກຜັນສະຖານະການໃນຊ່ວງເວລາທີ່ຫຍຸ້ງຍາກໃນການດຳລົງຕຳແໜ່ງປະທານາທິບໍດີຂອງທ່ານ ດ້ວຍຄຳປາໄສນະໂຍບາຍທີ່ມີຄວາມສຳຄັນສູງຂອງທ່ານນັບຕັ້ງແຕ່ການໂຕ້ວາທີ, ແນວໃດກໍຕາມບັນດານັກການທູດບາງຄົນຢູ່ກອງປະຊຸມສຸດຍອດໄດ້ກ່າວວ່າ ຄວາມເສຍຫາຍແມ່ນຍາກທີ່ຈະລຶບອອກໄດ້.
ໃນວັນອັງຄານວານນີ້, ທ່ານ ໄບເດັນ ໄດ້ກ່າວຄຳປາໄສດ້ວຍການອ່ານຈາກໜ້າຈໍ ດ້ວຍນ້ຳສຽງທີ່ເຂັ້ມແຂງ ແລະ ໝັ້ນໃຈ ແລະ ສ່ວນໃຫຍ່ໄດ້ຫຼີກລ່ຽງການເວົ້າກະຕຶກກະຕັກ ແລະ ສັນຍານຂອງຄວາມສັບສົນທີ່ໄດ້ເຫັນໃນການໂຕ້ວາທີຂອງທ່ານ.
ທ່ານ ໄບເດັນ ໄດ້ກ່າວຄຳປາໄສຢູ່ໃນຫ້ອງທີ່ມີຝາກຳແພງຫີນຂອງຕຶກລັດຖະບານກາງ ບ່ອນທີ່ສົນທິສັນຍາເພື່ອສ້າງຕັ້ງອົງການ NATO ຖືກລົງນາມ, ໃນຄຳປາໄສທີ່ມີສຽງເພງຈາກວົງດົນຕີນາວິກະໂຍທິນ ສະຫະລັດ.
ທ່ານໄດ້ກ່າວວ່າ “ມື້ນີ້ອົງການ NATO ແມ່ນແຂງແກ່ນກວ່າທີ່ໄດ້ເປັນໃນປະຫວັດສາດຂອງພວກເຮົາ.”
ອ່ານຂ່າວນີ້ເປັນພາສາອັງກິດ
U.S. President Joe Biden pledged to forcefully defend Ukraine against Russia's invasion at the NATO summit in Washington on Tuesday, using the global stage to try to show allies at home and abroad that he can still lead.
Biden, 81, has endured 12 days of withering questions about his fitness for office as some of his fellow Democrats on Capitol Hill and campaign donors fear that he will lose the Nov. 5 election after a halting debate performance on June 27.
"(Vladimir) Putin wants nothing less, nothing less, than Ukraine's total subjugation ... and to wipe Ukraine off the map," Biden said in his welcome to NATO member states to the summit, referring to the Russian president. "Ukraine can and will stop Putin."
The White House is hoping he can turn the page on a difficult period in his presidency with his highest profile policy speech since the debate, although some diplomats at the summit said the damage was hard to erase.
On Tuesday, Biden spoke off of a teleprompter with a strong and confident voice and largely avoided the verbal flubs and signs of confusion that marked his debate performance.
Biden was framed by the gilded walls of the federal hall where the treaty creating NATO was signed, his speech bookended by stirring musical performances by the U.S. Marine Corp band.
"Today NATO is stronger than it's ever been in its history," he said.