ລູກສາວຂອງອະດີດນາຍົກລັດຖະມົນຕີ Yulia Tymoshenko ແຫ່ງຢູເກຣນທີ່ກໍາລັງຖືກຂັງຄຸກຢູ່ນັ້ນກ່າວວ່າ ຍາແມ່ຂອງນາງຈະຍຸດຕິການອົດອາຫານເພື່ອເປັນການປະທ້ວງຫຼັງຈາກທ່ານນາງຕົກລົງທີ່ຈະໄປເຂົ້າໂຮງໝໍແລະໄດ້ຮັບການປິ່ນປົວຈາກນາຍແພດເຢຍຣະມັນນັ້ນ.
ນາງ Yevgenia Tymoshenko ກ່າວວ່າ ຍາແມ່ຂອງລາວຈະຖືກສົ່ງໄປໂຮງໝໍໃນວັນພຸດມື້ນີ້ຢູ່ໃນເມືອງ Kharkiv ບ່ອນທີ່ທ່ານນາງກໍາລັງຖືກຂັງຢູ່ໃນຄຸກນັ້ນ.
ທ່ານນາງ Tymoshenko ໄດ້ອົດອາຫານເພື່ອເປັນການປະທ້ວງມາ ເປັນເວລາປະມານ 2 ສັບປະດາ ຫຼັງຈາກທ່ານນາງກ່າວວ່າ ໄດ້ຖືກພວກຍາມຄຸກທຸບຕີ.
ທ່ານນາງໄດ້ປວດຫຼັງ ທີ່ພວກທ່ານໝໍເຢຍຣະມັນໄດ້ກວດເຫັນພະຍາດ ນັ້ນ ແຕ່ຢູເກຣນບໍ່
ຍອມອະນຸຍາດໃຫ້ທ່ານນາງໄປປິ່ນປົວຢູ່ໃນເຢຍຣະມັນ ແຕ່ໄດ້ຕົກລົງໃຫ້ທ່ານໝໍເຢຍຣະ
ມັນມາປິ່ນປົວທ່ານນາງໄດ້ທີ່ໂຮງໝໍໃນຢູເກຣນ.
ໃນວັນອັງວານນີ້ເຊ່ນກັນ ຢູເກຣນໄດ້ເລື່ອນກໍານົດເວລາເປີດກອງປະ ຊຸມສຸດຍອດຂອງບັນ
ດາຜູ້ນໍາປະເທດໃນພາກກາງແລະພາກຕາເວັນອອກຂອງຢູໂຣບອອກໄປ ຫຼັງຈາກພວກຜູ້
ນໍາບາງຄົນ ຖອນໂຕອອກເພື່ອທໍາການປະທ້ວງຕໍ່ການປິ່ນປົວທ່ານນາງ Tymoshenko
ນັ້ນ.
ກະຊວງການຕ່າງປະເທດຢູເກຣນ ກ່າວວ່າ ກອງປະຊຸມສຸດຍອດຈະໄຂຂຶ້ນໃນເວລາຕໍ່ໄປ.
ກ່ອນໜ້ານີ້ ກອງປະຊຸມດັ່ງກ່າວ ໄດ້ກໍານົດຈະ ມີຂຶ້ນທີ່ເມືອງ Yalta ໃນວັນສຸກແລະວັນເສົາ
ສັບປະດານີ້.