ຢູເຄຣນ ໄດ້ຕໍ່ສູ້ບກັບຣັດເຊຍ ໃນຊ່ວງບໍ່ເທົ່າໃດມື້ທີ່ຜ່ານມາ, ແລະ ປະທານາທິບໍດີ ຢູເຄຣນ ທ່ານ ໂວໂລດີເມຍ ເຊເລັນສກີ ໄດ້ຢືນຢັນໃນວັນຈັນວານນີ້ວ່າ ກອງທັບຂອງທ່ານ ໄດ້ດຳເນີນການເຄື່ອນໄຫວ ເພື່ອ “ຍູ້ສົງຄາມເຂົ້າໄປໃນດິນແດນ ຂອງຜູ້ຮຸກຮານ” ໂດຍການໂຈມຕີຢູ່ໃນເຂດ ເຄີດ (Kursk) ຂອງຣັດເຊຍ. ນັກຂ່າວ ວີໂອເອ ປະຈຳທຳນຽບຂາວ ອານິຕາ ພາວ (Anita Powell) ມີລາຍງານມາຈາກ ນະຄອນຫຼວງ ວໍຊິງຕັນ.
Your browser doesn’t support HTML5
ການໂຈມຕີເຂົ້າໄປໃນຣັດເຊຍ ແບບບໍ່ໄດ້ຄາດຄິດຂອງຢູເຄຣນ ເຮັດໃຫ້ເກີດຄວາມກັງວົນ ກ່ຽວກັບຄວາມຮຸນແຮງທີ່ເພີ້ມຫຼາຍຂຶ້ນ
ສົງຄາມຢູເຄຣນ ແມ່ນບໍ່ສາມາດຄວບຄຸມໄດ້ອີກຕໍ່ໄປແລ້ວ.
ປະທານາທິບໍດີຢູເຄຣນ ທ່ານ ໂວໂລດີເມຍ ເຊເລັນສກີ ກ່າວເຊັ່ນນັ້ນ ໂດຍຢືນຢັນວ່າ ກອງທັບຂອງທ່ານໄດ້ບຸກເຂົ້າໄປໃນພາກພື້ນ ເຄີດ (Kursk) ທາງຕາເວັນຕົກໄກຂອງຣັດເຊຍ ໃນຊຸມມື້ຜ່ານມາ.
ທ່ານ ໄດ້ໃຫ້ເຫດຜົນວ່າ:
"ມັນເປັນເລື້ອງຍຸຕິທໍາທີ່ຈະທໍາລາຍພວກກໍ່ການຮ້າຍ ຣັດເຊຍ ໃນບ່ອນທີ່ພວກເຂົາຢູ່, ບ່ອນທີ່ພວກເຂົາເປີດການໂຈມຕີຂອງພວກເຂົາ. ສະໜາມບິນຂອງກອງທັບຣັດເຊຍ, ລະບົບການຂົນສົ່ງຂອງຣັດເຊຍ. ພວກເຮົາເຫັນວ່າສິ່ງນີ້ເປັນປະໂຫຍດຫຼາຍແນວໃດ ໃນການເຮັດໃຫ້ສັນຕິພາບໃກ້ເຂົ້າມາຍິ່ງຂຶ້ນ. ຣັດເຊຍຕ້ອງຖືກບັງຄັບໃຫ້ເຂົ້າມາໃນສັນຕິພາບຖ້າ ທ່ານ ປູຕິນ ຕ້ອງການສືບຕໍ່ ເຮັດສົງຄາມຢ່າງຮຸນແຮງຫຼາຍຂຶ້ນ."
ພົນລະເຮືອນຣັດເຊຍ ນຶ່ງແສນຄົນໄດ້ຫລົບໜີຈາກການບຸກໂຈມຕີຂອງຢູເຄຣນ, ແລະ ປະທານາທິບໍດີຣັດເຊຍ ທ່ານ ວລາດີເມຍ ປູຕິນ ໄດ້ອ້າງວ່າ ການບຸກໂຈມຕີດັ່ງກ່າວ ໄດ້ກະຕຸ້ນໃຫ້ມີການເພີ້ມຈຳນວນທະຫານຂຶ້ນ.
ທ່ານ ວລາດີເມຍ ປູຕິນ, ປະທານາທິບໍດີ ຣັດເຊຍ:
“ເບິ່ງຄືວ່າສັດຕູ ກຳລັງແນ່ໃສ່ການປັບປຸງຈຸດຢືນໃນການເຈລະຈາໃນອະນາຄົດ. ແລ້ວ, ພວກເຮົາຈະເຈລະຈາກັບບຸກຄົນທີ່ເປີດການໂຈມຕີແບບບໍ່ຈຳແນກຕໍ່ພົນລະເຮືອນ, ໂຄງສ້າງພື້ນຖານຂອງພົນລະເຮືອນ ແລະພະຍາຍາມສ້າງໄພຂົ່ມຂູ່ຕໍ່ສິ່ງອໍານວຍຄວາມ ສະດວກດ້ານພະລັງງານນິວເຄລຍ ໄດ້ແນວໃດ? ພວກເຈົ້າຈະສາມາດເຈລະຈາກັບພວກເຂົາ ໄດ້ແນວໃດ?”
ທັງທຳນຽບຂາວ ແລະກະຊວງການຕ່າງປະເທດ ໄດ້ອອກຄຳເຕືອນຢ່າງເຄັ່ງຄັດຕໍ່ມົສກູ ໃນວັນຈັນວານນີ້ ກ່ຽວກັບການນຳໃຊ້ອາວຸດຂອງອີຣ່ານ.
ທ່ານ ເວຕັນ ພາເທລ (Vedant Patel), ຮອງໂຄສົກກະຊວງການຕ່າງປະເທດ:
“ພວກເຮົາພ້ອມທີ່ຈະຕອບໂຕ້ຢ່າງວ່ອງໄວ ແລະ ຮຸນແຮງ ຖ້າຫາກວ່າອີຣ່ານ ຈະສືບຕໍ່ສົ່ງມອບລູກສອນໄຟຂີປະນາວຸດ, ເຊິ່ງໃນທັດສະນະຄະຕິຂອງພວກເຮົາແລ້ວ, ຖືກວ່າເປັນການຍົກລະດັບການສະໜັບສະໜູນຂອງອີຣ່ານໃນສົງຄາມຮຸກຮານຢູເຄຣນຂອງຣັດເຊຍ. ເຈົ້າໜ້າທີ່ອີຣ່ານ ຍັງສືບຕໍ່ປະຕິເສດການສະຫນອງ ໂດຣນ UAVs ໃດໆໃຫ້ກັບຣັດເຊຍ ເຖິງແມ່ນວ່າຈະມີຫຼັກຖານທີ່ຈະແຈ້ງ ທີ່ຄົນທັງໂລກສາມາດເຫັນໄດ້."
ໂຄສົກຂອງສະພາຄວາມໝັ້ນຄົງແຫ່ງຊາດຂອງທຳນຽບຂາວ ທ່ານ ຈອນ ເຄີບີ ກ່າວພຽງເລັກນ້ອຍ ເມື່ອຖືກຖາມໃນວັນຈັນວານນີ້ວ່າ ວໍຊິງຕັນ ມີຄວາມເປັນຫວ່ງ ຫຼືບໍ່ ວ່າຢູເຄຣນອາດຈະໃຊ້ອາວຸດທີ່ສະໜອງໃຫ້ໂດຍສະຫະລັດ ໃນການໂຈມຕີຣັດເຊຍ, ໂດຍທ່ານ ໄດ້ກ່າວວ່າ:
“ພວກເຮົາ ຍັງສືບຕໍ່ໂອ້ລົມກັບຄູ່ຮ່ວມມືຢູເຄຣນ ກ່ຽວກັບການປະຕິບັດງານເຫຼົ່ານີ້. ຂ້າພະເຈົ້າໃຫ້ພວກເຂົາເວົ້າກ່ຽວກັບການປະຕິບັດງານຂອງພວກເຂົາເອງ.”
ບັນດານັກວິເຄາະກ່າວວ່າ ການເຄື່ອນໄຫວດັ່ງກ່າວຂອງຢູເຄຣນ ຖືເປັນເລື້ອງທີ່ໜ້າປະຫລາດໃຈ, ແລະອາດຈະເປັນຍຸດທະສາດທີ່ຈະໃຊ້ໃນການທຳລາຍມົສກູ.
ທ່ານ ຊາລສ໌ ຄູປຊານ (Charles Kupchan), ນັກວິໄຈອາວຸໂສຂອງສະພາການພົວ ພັນຕ່າງປະເທດ ກ່າວຜ່ານທາງຊູມ:
"ຂ້າພະເຈົ້າຄິດວ່າ ຢູເຄຣນ ຕ້ອງການນຳເອົາສົງຄາມກັບຄືນໄປໃຫ້ ຣັດເຊຍ, ເພື່ອບອກ ກັບປະຊາຊົນຣັດເຊຍວ່າ ບໍ່, ພວກເຂົາບໍ່ໄດ້ປອດໄພຈາກສົງຄາມຄັ້ງນີ້. ພວກເຂົາຈະຮູ້ ສຶກມັນໄດ້ໃນທຸກມື້.”
ນັກວິເຄາະທີ່ກຳລັງລໍຖ້າການຕອບໂຕ້ຂອງທ່ານ ປູຕິນ ຢູ່ ກ່າວວ່າ ທ່ານປູຕິນ ອາດຈະໃຊ້ການຮຸກຮານຂອງຢູເຄຣນເປັນຂໍ້ອ້າງ ເພື່ອໂຈມຕີປະເທດສະມາຊິກເນໂຕ້ ທີ່ມີຊາຍແດນຕິດກັບຣັດເຊຍ.
ທ່ານ ລີອອນ ອາຣອນ (Leon Aron), ຈາກສະຖາບັນວິສາຫະກິດອາເມຣິກັນ ກ່າວຜ່ານທາງຊູມວ່າ:
"ຕອນນີ້ທ່ານປູຕິນ ມີຫຼັກຖານວ່າຢູເຄຣນ ທີ່ຖືກສະໜອງອາວຸດ ແລະ ທີ່ທ່ານອ້າງວ່າໄດ້ຮັບການຝຶກອົບຮົມ ແລະຍຸຍົງ ຈາກປະເທດຕາເວັນຕົກ ໃນຕອນນີ້ ກໍາລັງໂຈມຕີຣັດເຊຍ ເອງ. ນັ້ນ, ຄືວິທີທີ່ທ່ານ ປູຕິນ ຈະອະທິບາຍໃຫ້ຊາວ ຣັດເຊຍ ເຂົ້າໃຈວ່າ ນີ້ແມ່ນສິ່ງທີ່ເກີດຂຶ້ນ ແລະທ່ານບໍ່ໄດ້ເຮັດຫຍັງເລີຍ. ສະນັ້ນ, ຂ້າພະເຈົ້າຄິດວ່າ ແມ່ນແລ້ວ, ຂ້າພະເຈົ້າຄິດວ່າ ໃນບໍ່ເທົ່າໃດມື້ນີ້ ຈະເປັນຊ່ວງເວລາທີ່ອັນຕະລາຍຫຼາຍ.”
ສິ່ງເຫລົ່ານັ້ນ ແມ່ນສິ່ງທີ່ຊາວເມືອງ ເຄີດ (Kursk) ໄດ້ຮຽນຮູ້ໃນຊ່ວງສອງສາມມື້ຜ່ານມາ.
ອ່ານລາຍງານເປັນພາສາອັງກິດລຸ່ມນີ້:
Ukraine took the fight to Russia in recent days, and Ukrainian President Volodymyr Zelenskyy confirmed on Monday his army’s move to “push the war out into the aggressor's territory” with attacks in Russia’s Kursk region. VOA White House correspondent Anita Powell reports from Washington.
Ukraine’s war is no longer contained.
So says Ukrainian President Volodymyr Zelenskyy, confirming that his troops pushed into Russia’s far-western Kursk region in recent days.
Volodymyr Zelenskyy, Ukrainian President:
"It is only fair to destroy Russian terrorists where they are, where they launch their strikes from. Russian military airfields, Russian logistics. We see how useful this can be for bringing peace closer. Russia must be forced into peace if Putin wants to continue waging war so badly."
One hundred thousand Russian civilians fled the Ukrainian push, and Russian President Vladimir Putin claimed it spurred a rise in enlistments.
Vladimir Putin, Russian President:
“It appears that the enemy is aiming to improve its negotiating positions in the future. Well, what kind of negotiations can we even talk about with people who launch indiscriminate strikes on civilians, on civilian infrastructure and try to create threats to nuclear energy facilities? What can you talk to them about?”
Both the White House and the State Department issued stern warnings to Moscow on Monday over its use of Iranian munitions.
Vedant Patel, US State Department:
"We are prepared to deliver a swift and severe response if Iran were to move forward with the transfer of ballistic missiles, which would, in our view, represent a dramatic escalation in Iran's support for Russia's war of aggression against Ukraine. Iranian officials also continue to deny providing any UAVs to Russia when evidence is plain for the world to see."
White House National Security Council Spokesman John Kirby had little to say when asked Monday whether Washington was concerned that Ukraine might be using U.S.-supplied weapons against Russia
“We're continuing to speak to our Ukrainian counterparts about these operations. I'll let them speak to their operations.” – NSC spokesman John Kirby.
Analysts say that Ukraine’s move comes as a surprise, and that it is likely a tactic to wear down Moscow.
Charles Kupchan, Council on Foreign Relations ((Zoom)):
“I think the Ukrainians wanted to bring the war home to the Russians, to say to the Russian people, no, you are not immune from this war. You are going to feel it on a day-to-day basis.”
Analysts awaiting Putin’s response say he may use Ukraine's incursion as an excuse to attack a NATO nation that borders Russia.
Leon Aron, American Enterprise Institute ((Zoom)):
“He now has evidence that Ukrainians who are armed and – he claims trained and egged on – by the West are now attacking Russia itself. // That’s how he's going to explain to the Russians that this happened and he has done nothing. So I'm thinking that, yes, I think it is going to be a pretty dangerous few days.”
Something the residents of Kursk have learned in the past few days.