ພວກແບ່ງແຍກດິນແດນນິຍົມຣັດເຊຍ ຢູ່ທາງພາກຕາເວັນອອກ
ຂອງຢູເຄຣນ ກ່າວວ່າ ພວກເຂົາເຈົ້າ ໄດ້ເລີ້ມຖອນປືນໃຫຍ່
ຈາກທີ່ຕັ້ງໃນເຂດແນວໜ້າ ທີ່ເປັນຂໍ້ບັງຄັບ ຂອງແຜນສັນຕິພາບ
ທີ່ມີເປົ້າໝາຍເພື່ອຍຸດຕິວິກິດການອັນແກ່ຍາວມາເປັນເວລາ 5
ເດືອນ ກັບ Kyiv ນັ້ນ.
ຫົວໜ້າພວກກະບົດ ທ່ານ Alexander Zakharchenko ກ່າວ
ຕໍ່ອົງການຂ່າວ Interfax ຂອງຣັດເຊຍ ໃນວັນອັງຄານມື້ນີ້ວ່າ
ການຖອນປືນໃຫຍ່ອອກນັ້ນ ເປັນການຕອບສະໜອງ ຕໍ່ການ
ເຄື່ອນໄຫວແບບດຽວກັນຂອງກອງກຳລັງຢູເຄຣນ. ທ່ານກ່າວວ່າ
ເຖິງຢ່າງໃດກໍ່ຕາມ ການຖອນປືນໃຫຍ່ອອກນັ້ນ ຈະມີຂຶ້ນຢູ່ບໍລິເວນບ່ອນທີ່ທະຫານຢູເຄຣນ ໄດ້ປະຕິບັດເຊັ່ນດຽວກັນ ແຕ່ບໍ່ແມ່ນຢູ່ໃນບໍລິເວນບ່ອນທີ່ພວກເຂົາເຈົ້າຍັງຄົງມີໜ້າຢູ່ຕໍ່ໄປ.
ວິກິດການ ໃນ ຢູເຄຣນ
ໃນວັນຈັນວານນີ້ ເຈົ້າໜ້າທີຢູເຄຣນກ່າວວ່າ ຕົນໄດ້ເລີ້ມຖອນທະຫານ ແລະປືນໃຫຍ່ຕ່າງໆ ອອກຈາກເຂດແນວໜ້າ ພາຍໃຕ້ເງື່ອນໄຂ ຂອງຂໍ້ຕົກລົງທີ່ຮຽກຮ້ອງໃຫ້ຈັດຕັ້ງເຂດກັນຊົນຂຶ້ນ ໄລຍະ 30 ຫລັກກິໂລແມັດນັ້ນ.
ເຖິງແມ່ນວ່າໄດ້ມີການເຊັນສັນຍາຢຸດຍິງກັນ ໃນວັນທີ 5 ກັນຍາຜ່ານມານີ້ ແລ້ວກໍຕາມ
ແຕ່ການຍິງປືນໃຫຍ່ໂຈມຕີ ແລະການຍິງກັນ ຍັງດຳ ເນີນຢູ່ຕໍ່ມາ ພາຍໃນແລະອ້ອມບໍລິເວນຈຸດເດືອດເຂດເມືອງ Donetsk ນັ້ນ.
Your browser doesn’t support HTML5
UKRAINE VOSOT