ໃນວັນພະຫັດວານນີ້ ສານສູງສຸດອູການດາ ໄດ້ຕັດສິນເຫັນພ້ອມກັບການທີ່ປະທານາທິບໍ ດີ Yoweri Museveni ຖືກເລືອກໃຫ້ເຂົ້າຮັບຕຳແໜ່ງຄືນອີກໃນການເລືອກຕັ້ງແຫ່ງຊາດ ເມື່ອວັນທີ 18 ເດືອນກຸມພາ. ສານໄດ້ປະຕິເສດການຍື່ນໜັງສືຮ້ອງຮຽນ ທີ່ໄດ້ນຳພາ ໂດຍ ອະດີດນາຍົກລັດຖະມົນຕີ ແລະຜູ້ສະໝັກປະທານາທິບໍດີທ່ານ Amama Mbabazi.
ຄະນະກຳມາທິການເລືອກຕັ້ງໄດ້ປະກາດໃນວັນທີ 20 ກຸມພາຜ່ານມານີ້ວ່າ ທ່ານ Muse- veni ໄດ້ຊະນະຄະແນນສຽງ 60 ເປີເຊັນຂອງການປ່ອນບັດຊຶ່ງຜູ້ທ້າທາຍຝ່າຍຄ້ານທ່ານ Kizza Besilgye ໄດ້ຮັບ 30.5 ເປີເຊັນ.
ທ່ານ Mbabazi ໄດ້ຮ້ອງຂໍໃຫ້ສານປະກາດເປັນໂມຄະຜົນການເລືອກຕັ້ງຍ້ອນວ່າ ຄະນະກຳມາທິການເລືອກຕັ້ງ ບໍ່ໄດ້ປະຕິບັດຕາມກົດໝາຍເລືອກຕັ້ງ ຂອງປະເທດ. ແຕ່ວ່າສານ ໄດ້ໃຫ້ຂໍ້ສັງເກດວ່າ ໃນຂະນະທີ່ມີການເຮັດຜິດກົດລະບຽບ ບາງຢ່າງເກີດຂຶ້ນ ແຕ່ກໍບໍ່ໄດ້ ເປັນຜົນກະທົບຕໍ່ຜົນການເລືອກຕັ້ງຂັ້ນສຸດທ້າຍທີ່ມີເຫດຜົນສົມຄວນເພື່ອຈະປະກາດໃຫ້ ຜົນການເລືອກຕັ້ງເປັນໂມຄະ.
ຜູ້ນຳຝ່າຍຄ້ານທີ່ສຳຄັນທ່ານ Kizza Besigye, ກາງ, ຖືກຕຳຫລວດຈັບ ແລະນັ່ງຢູ່ລົດຕຳຫລວດນອກເຮືອນຂອງທ່ານ ທີ່ເມືອງ Kasangati, Uganda.
ນາຍພົນເບ້ຍບຳນານ ທ່ານ Jim Mauhweri ລັດຖະມົນຕີກະຊວງຖະແຫລງຂ່າວ ແລະ ໃຫ້ແນະນຳຂອງອູການດາກ່າວວ່າ ສານສູງສຸດໄດ້ຕັດສິນເຫັນພ້ອມກ່ຽວກັບການເລືອກ ເອົາຂອງຊາວອູການດາ ເວລາເຂົາເຈົ້າເລືອກເອົາປະທານາ ທິບໍດີ Museveni ເຂົ້າຮັບ ຕຳແໜ່ງຕື່ມອີກ. ທ່ານ Muhwezi ກ່າວວ່າ “ລັດ ຖະບານ ແນ່ນອນວ່າ ມີຄວາມດີໃຈ ຫລາຍເພາະວ່າ ມັນເປັນການຢືນຢັນໃນອັນທີ່ເຮົາຮູ້ເປັນຢ່າງດີ ທີ່ປະຊາຊົນອູການດາ ໄດ້ ສະແດງອອກໃນການເລືອກຂອງເຂົາເຈົ້າ ແລະປະທານາທິບໍດີ Mesuveni ໄດ້ ຮັບ ໄຊຊະນະ ໃນການເລືອກຕັ້ງກາຍ 50 ເປີເຊັນ. ເພາະສະນັ້ນ ສານສູງສຸດໄດ້ໃຫ້ການຢືນ ຢັນໃນອັນທີ່ພວກເຮົາເຊື່ອ.”
ທ່ານ Muhweri ກ່າວວ່າ ມັນຂຶ້ນກັບທ່ານ Museveni ແລະຝ່າຍຄ້ານທີ່ຈະຮຳບາດແຜ ແລະບັດນີ້ທ້ອນໂຮມປະເທດຊາດ ທີ່ສານໄດ້ຕັດສິນໄປແລ້ວນັ້ນ.“
Your browser doesn’t support HTML5
Uganda Election Court