ການຢັ່ງຫາງສຽງປະຊາຊົນຫລາຍໆບັ້ນ ໄດ້ສະແດງໃຫ້ເຫັນ
ວ່າ ພັກຝ່າຍຄ້ານຂອງລັດຖະບານ ຊຶ່ງກໍຄືພັກ
Republican ນັ້ນ ກໍາລັງມີຄະແນນນໍາໜ້າໄດ້ປຽບຢ່າງ
ໃຫຍ່ຫລວງໃນຊ່ວງເວລາກ້າວໄປສູ່ວັນເລືອກຕັ້ງກາງສະ
ໄໝໃນປີນີ້. ນັບເປັນເວລາຫລາຍເດືອນມາແລ້ວ ທີ່ການ
ສໍາຫຼວດໄດ້ສະແດງໃຫ້ເຫັນວ່າ ຜູ້ເລືອກຕັ້ງທີ່ເປັນສະມາ
ຊິກຂອງພັກ Republican ໂດຍສະເພາະຢ່າງຍິ່ງກໍແມ່ນ
ພວກອານຸລັກນິຍົມ ຫລື ພວກນິຍົມແນວທາງເດີມນັ້ນ
ແມ່ນມີກໍາລັງໃຈຫ້າວຫັນຕໍ່ການເລືອກຕັ້ງປີນີ້ແລະ ຕັ້ງໃຈ
ທີ່ຈະອອກໄປໃຊ້ສິດເລືອກຕັ້ງກັນຢ່າງພ້ອມພຽງເປັນຈໍານວນຫລວງຫລາຍ.
ເມື່ອຮູ້ວ່າເປັນເຊັ່ນນັ້ນ, ທ່ານປະທານາທິບໍດີ ບາຣັກໂອບາມາ ແລະພວກຜູ້ນໍາພັກ
Democrats ຄົນອື່ນໆກໍໄດ້ພາກັນເຂົ້າ ຮ່ວມການໃຊ້ຄວາມພະຍາຍາມຢ່າງດຸເດືອດ
ໃນນາທີສຸດທ້າຍ ກໍວ່າໄດ້ ເພື່ອຊຸກຍູ້ກຸ່ມຜູ້ລົງຄະແນນຫລັກຂອງພັກ Democrat
ຊຶ່ງເປັນກຸ່ມທີ່ມີບົດບາດສໍາຄັນ ໃນການນໍາໄຊຊະນະມາໃຫ້ການເລືອກຕັ້ງປະທານາທິ
ບໍດີ ຂອງທ່ານໂອບາມາ ເມື່ອ 2 ປີ ກ່ອນນັ້ນ. ທ່ານກ່າວປຸກໃຈປະຊາຊົນໃນການໂຄ
ສະນາຫາສຽງວ່າ:
“ດັ່ງດຽວກັນກັບທີ່ພວກທ່ານໄດ້ເຮັດ ໃນປີ 2008 ນັ້ນ ທ່ານສາມາດທ້າທາຍຕໍ່
ຄວາມເຊື່ອ ຖືຂອງຄົນທົ່ວໄປນັ້ນໄດ້. ແມ່ນແລ້ວ ທ່ານສາມາດເຮັດແນວນັ້ນໄດ້!
ແມ່ນແລ້ວ ທ່ານສາມາດເຮັດນັ້ນໄດ້!”
ການຢັ່ງຫາງສຽງຄັ້ງຫລ້າສຸດ ໄດ້ສະແດງໃຫ້ເຫັນວ່າ ການແຂ່ງ ຂັນກັນຍາດເອົາບ່ອນນັ່ງ
ໃນສະພາສູງ ຫລາຍໆບ່ອນ ແມ່ນສູສີກັນຫລາຍຂຶ້ນເລື້ອຍໆ ໃນໄລຍະຫລາຍໆມື້ສຸດທ້າຍ
ຂອງການໂຄສະນາຫາສຽງ, ຊຶ່ງໄດ້ເຮັດໃຫ້ພວກ Democrats ມີກຳລັງໃຈຂຶ້ນ. ນັກວິເຄາະ
ສ່ວນໃຫຍ່ຄາດວ່າ ພັກ Republican ຈະຍາດໄດ້ບ່ອນນັ່ງເປັນຈໍານວນຫລວງຫລາຍໃນ
ສະພາຕໍ່າ, ແລະ ກໍມີອີກຫຼາຍຄົນທີ່ທໍານາຍໄວ້ແລ້ວວ່າ ພວກພັກRepublican ຈະໄດ້
ບ່ອນນັ່ງ 39 ບ່ອນ ທີ່ຕ້ອງການເພື່ອໃຫ້ສາມາດຍາດເອົາການຄວບຄຸມສະພາຕໍ່າ ຄືນມາ
ໄດ້ນັ້ນ.
ທັງພັກ Republican ຊຶ່ງນໍາໜ້າໂດຍ ທ່ານ ບາຣັກ ໂອບາມາ ແລະ ພັກ Republican ຊຶ່ງລວມມີທ່ານ ນາງ ຊາຣາ ເພລິນ (ເບື້ອງຂວາລຸ່ມ) ກໍາລັງພາກັນ ແຂ່ງຂັນກັນຫາສຽງ ຢ່າງແຂງຂັນ.
ພັກ Republican ຕ້ອງໄດ້ບ່ອນນັ່ງໃນສະພາ
ສູງ ຄືນມາ 10 ບ່ອນ ເພື່ອໃຫ້ໄດ້ເປັນພັກ
ສຽງສ່ວນຫລາຍໃນສະພາສູງ ແຕ່ວ່ານັກວິ
ເຄາະສ່ວນຫຼາຍເຊື່ອວ່າ ມັນຈະຍາກຫລາຍ
ກວ່າສໍາລັບພັກ Republican ທີ່ຈະຍາດເອົາ
ສຽງສ່ວນຫລາຍໃນສະພາສູງນີ້ໄດ້.
ພັກການເມືອງໃຫຍ່ທັງສອງ ແມ່ນກາງຕໍ່ນໍາ
ການສະໜັບສະໜຸນຢ່າງແຮງກ້າ ຈາກກຸ່ມຜູ້
ເລືອກຕັ້ງຫລັກ ທີ່ມີແນວໂນ້ມວ່າ ຈົງຮັກພັກດີ
ຕໍ່ພັກນຶ່ງພັກດຽວ ຈາກການເລືອກຕັ້ງບັ້ນນຶ່ງ
ໄປຫາອີກບັ້ນນຶ່ງ.
ທ່ານ Mike O’Brien ນັກສື່ຂ່າວການເມືອງ
ໃຫ້ໜັງສືພີມ The Hill ໃນນະຄອນ ຫລວງ
ວໍຊິງຕັນ ກ່າວວ່າ ພັກ Democrat ໄດ້ເພັ່ງ
ເລັງການຫາສຽງສະໜັບສະໜູນ ໃສ່ບັນດາ
ກຸ່ມຜູ້ປ່ອນບັດເລືອກຕັ້ງຫລັກ ກຸ່ມດຽວກັນກັບພວກທີ່ເຄີຍມີບົດບາດສໍາຄັນ ໃນການນໍາໄຊ
ຊະນະມາໃຫ້ທ່ານບາຣັກ ໂອບາມາ ເມື່ອສອງປີ ຜ່ານມານັ້ນ ເພື່ອໃຫ້ເຂົາເຈົ້າພາກັນອອກ
ມາປ່ອນບັດໃນເດືອນພະຈິກ.
“ພວກເລືອກຕັ້ງເຫລົ່ານັ້ນຈະແມ່ນພວກຊາວໜຸ່ມ ພວກມີສິດປ່ອນບັດເທື່ອທໍາອິດ
ທີ່ໄດ້ອອກມາ ປ່ອນບັດໃນການເລືອກຕັ້ງຄັ້ງປີ 2008 ນັ້ນ. ພວກແມ່ຍິງພວກ
ຄົນຈາກ ປະຊາຄົມຊົນກຸ່ມນ້ອຍຕ່າງໆ ທໍານອງນັ້ນ. ພວກເລືອກຕັ້ງເຫລົ່ານີ້ໄດ້
ພາກັນອອກໄປປ່ອນບັດຢ່າງຫລວງຫລາຍ ໃນປີ 2008 ຊຶ່ງນັບວ່າເປັນສິ່ງທີ່ບໍ່
ເຄີຍມີມາກ່ອນ.”
ຜູ້ເລືອກຕັ້ງທີ່ເປັນແມ່ຍິງ ແມ່ນມີຄວາມສໍາຄັນເປັນພິເສດຕໍ່ພັກ Democrats ໃນການ
ເລືອກຕັ້ງປີນີ້. ພວກເຂົາເຈົ້າກວາມເອົາສ່ວນໃຫຍ່ຂອງພົນລະເມືອງໃນຊາດ ແລະ ກໍນິ
ຍົມຜູ້ສະໝັກເລືອກຕັ້ງທີ່ສັງກັດພັກ Democratic ແຕ່ໃດໆມາແລ້ວ. ແຕ່ ທ່ານ
Andy Barr ທີ່ເວັບໄຊ້ Politico ເວົ້າວ່າ ປີນີ້ຕ່າງກັບປີອື່ນໆ ຊຶ່ງທ່ານໃຫ້ຄຳເຫັນວ່າ:
“ພວກແມ່ຍິງທີ່ນິຍົມແນວທາງປານກາງ ແມ່ນພວກທີ່ພັກໃດກໍສາມາດຍາດເອົາ
ໄດ້ ໃນການເລືອກຕັ້ງຄັ້ງນີ້. ເຂົາເຈົ້າໄດ້ປ່ອນບັດເອົາທ່ານໂອບາມາ ຢ່າງຫລວງ
ຫລາຍ ໃນການເລືອກຕັ້ງເທື່ອແລ້ວນີ້ ຊຶ່ງກໍໄດ້ເປັນຜົນດີຕໍ່ພັກ Democrat.
ແຕ່ບັດນີ້ ການສໍາຫລວດຫາງສຽງສະແດງໃຫ້ເຫັນວ່າ ເຂົາເຈົ້າມີແນວໂນ້ມໄປ
ທາງພວກສະມາຊິກພັກ Republican. ດັ່ງນັ້ນ ພວກ Democrats ຈຶ່ງກໍາລັງ
ເຮັດທຸກວີທີທາງ ທີ່ພວກເຂົາເຈົ້າສາມາດເຮັດໄດ້ ເພື່ອພະຍາຍາມດຶງດູດເອົາສຽງ
ຈາກພວກແມ່ຍິງ ທີ່ນິຍົມແນວທາງປານກາງນັ້ນ.”
ຝ່າຍສະມາຊິກພັກ Republican ນັ້ນ ແມ່ນອາໃສກາງຕໍ່ການອອກໄປປ່ອນບັດໃນຈໍານວນ
ຫລວງຫລາຍ ຂອງຜູ້ເລືອກຕັ້ງທີ່ເປັນຄົນຜິວຂາວ, ຜູ້ຊາຍ ແລະກໍມີອາຍຸແກ່ ທີ່ ພວກເຂົາ
ເຈົ້າຫວັງວ່າ ຈະນໍາພາໄປສູ່ໄຊຊະນະ ໃນວັນທີ 2 ພະຈິກທີ່ຈະມາເຖິງນີ້.
ກຸ່ມເຫລົ່ານັ້ນໄດ້ດຶງດູດເປັນພິເສດໂດຍຂະບວນການ Tea Party ໃນປີນີ້, ຊຶ່ງເປັນອົງການ
ຈັດຕັ້ງປະສົມ ແບບຫລວມໆ ຂອງກຸ່ມຮາກຖານ ທີ່ນິຍົມແນວທາງເດີມ ແລະ ກຸ່ມຫົວນິຍົມ
ຄວາມເປັນອິດສະລະ ຫລືແນວຄິດແປກໃໝ່ ທີ່ຢາກໃຫ້ລັດຖະບານມີບົດບາດຄວບຄຸມໜ້ອຍ
ລົງ ແລະ ມີການເກັບພາສີຕໍ່ານັ້ນ.
ທ່ານ Marco Rubio ຊຶ່ງເປັນຜູ້ສະໝັກຜູ້ແທນຈາກພັກ Replublican ທີ່ລົງແຂ່ງຂັນເອົາ
ບ່ອນນັ່ງໃນສະພາສູງໃນລັດ Florida ເປັນຜູ້ນຶ່ງທີ່ໄດ້ຮັບການສະໜັບສະໜູນຈາກສະມາຊິກ
ຂອງ Tea Party ໃນລະດັບຊາດ.
ທ່ານ Andy Barr ຈາກເວັບໄຊ້ Politico ກ່າວວ່າ ຜູ້ປ່ອນບັດເລືອກຕັ້ງທີ່ເປັນຜູ້ຊາຍຄົນ
ຂາວ ແລະຜູ້ມີອາຍຸແກ່ ແມ່ນເປັນກຸ່ມຜູ້ປ່ອນບັດ ທີ່ມີຄວາມຫ້າວຫັນຫຼາຍ ທີ່ສຸດ ໃນປີນີ້,
ແລະປາກົົດວ່າ ພວກເຂົາເຈົ້າ ແມ່ນກຽມພ້ອມທີ່ຈະອອກໄປໃຫ້ການສະໜັບສະ ໜຸນຜູ້ສະ
ໝັກເລືອກຕັ້ງ ຈາກພັກ Replublican ເປັນຈໍານວນຫລວງຫຼາຍ.
“ກ່ອນນີ້ ພວກຄົນກຸ່ມນີ້ ໄດ້ປ່ອນບັດເອົາທ່ານບາຣັກໂອບາມາ ເປັນຈໍານວນ
ຫລວງຫລາຍ. ແຕ່ບັດນີ້ ພວກເຮົາກໍາລັງເຫັນວ່າ ມີຈໍານວນສູງທີ່ສຸດໃນບັນ
ດາພວກຜູ້ຊາຍຜິວຂາວແລະພວກອາຍຸສູງ ທີ່ຈະປ່ອນບັດເອົາພວກສະມາຊິກ
ພັກ Republican.”
ນັກວິເຄາະສ່ວນໃຫຍ່ເຊື່ອວ່າ ປະເດັນສໍາຄັນອັນດັບນຶ່ງ ໃນການເລືອກຕັ້ງປີນີ້ ແມ່ນຄວາມ
ຮູ້ສຶກໃນທາງລົບຂອງປະຊາຊົນກ່ຽວກັບສະພາບເສດຖະກິດຂອງສະຫະລັດ, ແລະ ອັດຕາ
ການຫວ່າງງານ ທີ່ສູງຢູ່ໃນປັດຈຸບັນນີ້.
ທ່ານ Ted Strickland (ຜູ້ເຄິ່ງກາງ) ເຈົ້າປົກຄອງລັດ Ohio, ໂອ້ ລົມກັບຄະນະກໍາມະບານ ທີ່ເປັນຜູ້ສະໜັບ ສະໜູນການຫາສຽງໃຫ້ທ່ານ Strickland ໄດ້ຮັບການເລືອກຕັ້ງຄືນ ຢູ່ທີ່ຫ້ອງປະຊຸມຂອງກໍາມະ ກອນ ເມືອງ Cleveland, ໃນວັນທີ 19 ຕຸລາ Oct 2010
ທ່ານ John Fortier ຊຶ່ງເປັນ
ຜູ້ຊ່ຽວຊານຈາກສະຖາບັນ
American Enterprise ແລະ
ເປັນແຂກຮັບເຊີນ ໃນລາຍການ
Encounter ຂອງ VOA ໃຫ້ຂໍ້ສັງເກດວ່າ:
“ຂ້າພະເຈົ້າຄິດວ່າ ຜົນສ່ວນ
ໃຫຍ່ຂອງການເລືອກຕັ້ງຄັ້ງນີ້
ແມ່ນລົງຕົວໄປແລ້ວ. ເວລາ
ນີ້ມີຄວາມຮູ້ສຶກຢູ່ໃນອາເມຣິ
ກາ ທີ່ໄດ້ຫັນໄປຕໍ່ຕ້ານພັກ
ເດໂມແຄຣທ ແລະກໍຄົງຈະ
ນໍາເອົາ ສະມາຊິກພັກຣີພັບ
ບລິກັນ ເຂົ້າໄປນັ່ງໃນສະພາຫລາຍຄົນ. ເນື່ອງຈາກວ່າ ສະພາວະເສດຖະກິດບໍ່
ຄ່ອຍດີປານໃດ ການເລືອກຕັ້ງກາງສະໄໝຈຶ່ງມັກຈະຕໍ່ຕ້ານພັກທີ່ຄອງອໍານາດ
ແລະພັກທີ່ຢູ່ໃນທໍານຽບຂາວ ໃນເວລານີ້.”
ນອກຈາກການເລືອກຕັ້ງເອົາຜູ້ແທນລັດຖະສະພາສະຫະລັດແລ້ວ ໃນປີນີ້ແລ້ວ ກໍຍັງມີ 37
ລັດໃນຈໍານວນ 50 ລັດ ຂອງປະເທດ ທີ່ທຳການເລືອກຕັ້ງເອົາເຈົ້າແຂວງ ຫລື ຜູ້ປົກຄອງ
ລັດຂອງພວກເຂົາເຈົ້າ.