ທ່ານ Malcolm Turnbull ໄດ້ສາບານໂຕເຂົ້າຮັບຕຳແໜ່ງ ໃນ
ວັນອັງຄານມື້ນີ້ ເປັນ ນາຍົກລັດຖະມົນຕີອອສເຕຣເລຍຄົນໃໝ່
ຊຶ່ງເປັນຜູ້ນຳຂອງປະເທດຄົນທີສີ່ໃນພຽງເວລາສອງປີ.
ທ່ານ Tumbull ໄດ້ຂຶ້ນມາເປັນຜູ້ນຳພັກເສລີ ຫລັງຈາກການລົງ
ຄະແນນສຽງທີ່ບໍ່ຄາດຝັນ ໃນຕອນແລງວັນຈັນວານນີ້ ເພື່ອປົດ
ນາຍົກລັດຖະມົນຕີີ Tony Abbott ອອກຈາກໜ້າທີ່.
ທ່ານ Tumbull ອາຍຸ 60 ປີ ອະດີດນັກທະນາຄານ ທະນາຍຄວາມແລະນັກຂ່າວ ໄດ້ກ່າວຕໍ່ບັນດານັກຂ່າວວ່າ ທ່ານແມ່ນ “ເຕັມໄປດ້ວຍການມອງເຫັນໃນແງ່ດີ” ໃນຂະນະທີ່ທ່ານ ມຸ່ງໜ້າໄປສູ່ພິທີສາບານໂຕເຂົ້າຮັບຕຳແໜ່ງ.
ທ່ານ Tumbull ໄດ້ກ່າວວ່າ “ນີ້ເປັນການຫັນປ່ຽນເຫດການ ທີ່ຂ້າພະເຈົ້າບໍ່ໄດ້ຄາດຝັນ ຂ້າພະເຈົ້າຕ້ອງບອກໃຫ້ທ່ານຮູ້ ແຕ່ມັນເປັນກຽດອັນນຶ່ງ ທີ່ຂ້າພະເຈົ້າຮັບເອົາ ແລະເປັນສິ່ງ
ນຶ່ງທີ່ ຂ້າພະເຈົ້າຕຽມພ້ອມຢູແລ້ວ”
ທ່ານ Tumbull ໄດ້ໃຫ້ຄຳໝັ້ນສັນຍາ ທີ່ຈະເປັນຜູ້ນຳພາລັດຖະບານ ທີ່ມີການແບ່ງແຍກ
ໜ້ອຍລົງ ກວ່າສະໄໝທ່ານ Abbottທີ່ນິຍົມແນວທາງເດີມ ຜູ້ທີ່ໃນວັນອັງຄານໄດ້ປະກາດ
ວ່າ ຈະເຮັດການໂອນອຳນາດຂອງຜູ້ນຳພາເປັນໄປຢ່າງລາບລື່ນທີ່ສຸດເທົ່າທີ່ເປັນໄປໄດ້.
ທ່ານ Abbott ກ່າວວ່າ “ຈະບໍ່ມີຄວາມເສຍຫາຍ ບໍ່ມີການບ່ອນທຳລາຍ ແລະບໍ່ມີການດັກ
ຍິງ. ຂ້າພະເຈົ້າ ບໍ່ເຄີຍປ່ອຍຂ່າວຫລືມີພື້ນຖານຕ້ານໃຜທັງໝົດ ແລະ ຂ້າພະເຈົ້າ ຈະບໍ່ເລີ້ມ ໃນຂະນະນີ້”
ນອກນັ້ນ ຜູ້ນຳທີ່ອອກຈາກໜ້າທີ່ ຍັງໄດ້ປະນາມ “ການຢັ່ງສຽງທີ່ສ້າງຄວາມຕື່ນ ຕົກໃຈ” ທີ່ທ່ານກ່າວວ່າໄດ້ສ້າງ “ປະຕູຫັນປ່ຽນນາຍົກລັດຖະມົນຕີ” ແລະ“ການ ປະເພດນີທີ່ເປັນ
ໄຂ້ຂອງມວນຊົນ” ທີ່ທ່ານອ້າງວ່າ “ໃຫ້ລາງວັນແກ່ຄົນທໍລະຍົດຫັກຫລັງ."
ທ່ານ Abbott ທີ່ໄດ້ຖືກເລືອກຕັ້ງເຂົ້າຮັບຕຳແໜ່ງໃນເດືອນກັນຍາປີ 1013 ໄດ້ພົບເຫັນ
ວ່າຄະແນນນິຍົມຂອງທ່ານໄດ້ຕົກຕ່ຳລົງຫວ່າງມໍ່ໆມານີ້ ສ່ວນນຶ່ງແມ່ນເປັນຍ້ອນການຮົ່ວ
ໄຫລຢ່າງຕໍ່ເນື່ອງ ຢູ່ພາຍໃນວົງການລັດຖະບານ ການຕັດງົບ ປະມານຊຶ່ງບໍ່ເປັນທີ່ນິຍົມ
ຂອງປະຊາຊົນ ແລະຄວາມບໍ່ສາມາດ ໃນການເຮັດໃຫ້ເສດຖະກິດເຕີບໂຕ.
Your browser doesn’t support HTML5
Australia Politics