ຄຸນພໍ່ອາເມຣິກັນຄົນນຶ່ງທີ່ຖືກກັກຂັງຢູ່ໃນເທີກີເປັນເວລາສອງປີ ກຳລັງເດີນທາງກັບມາ
ສະຫະລັດ ຫຼັງຈາກໄດ້ຖືກປ່ອຍໂຕໂດຍສານເທີກີ.
ການປ່ອບໂຕທານແອນດຣູ ບຣັນສັນ ໃນວັນສຸກວານນີ້ ໄດ້ເປັນຂີດໝາຍຂອງການສິ້ນ
ສຸດລົງໃນການໂຕແຍ້ງທາງການທູດທີ່ຂົມຂື່ນລະຫວ່າງວໍຊິງຕັນ ແລະອັງກາຣາ. ທ່ານ
ບຣັນສັນ ໄດ້ປະເຊີນໜ້າກັບການຕິດຄຸກ 35 ປີ ຖ້າຫາກທ່ານຖືກຕັດສິນລົງໂທດກ່ຽວ
ກັບຂໍ້ຫາກໍ່ການຮ້າຍ ແລະສືບລັບ ຊຶ່ງເປັນການກ່າວຫາທີ່ວໍຊິງຕັນຮ້ອງວ່າ ບໍ່ມີມູນ
ຄວາມຈິງ.
ປະທານາທິບໍດີສະຫະລັດ ທ່ານດໍໂນລ ທຣຳ ໄດ້ກ່າວ ຕໍ່ບັນດານັກຂ່າວວ່າ ທ່ານບຣັນ
ສັນໄດ້ “ຮັບຄວາມທຸກທໍລະມານຢ່າງໃຫຍ່” ແຕ່ວ່າບັດນີ້ “ຢູ່ໃນສະພາບດີ” ແລະຈະ
ມາຢ້ຽມຢາມ ທຳນຽບຂາວໃນບໍ່ຊ້ານີ້. ຢູ່ໃນການສົ່ງຂໍ້ຄວາມທາງທວິດເຕີ ລັດຖະມົນ
ຕີຕ່າງປະເທດທ່ານໄມຄ໌ ພອມພຽວ ກ່າວວ່າລັດຖະບານທ່ານທຣຳຈະສືບຕໍ່ປະຕິບັດ
ງານ ເພື່ອນຳເອົາຊາວອາເມຣິກັນຄົນອື່ນໆທີ່ “ຖືກຕິດຄຸກແບບບໍ່ເປັນທຳ” ນັ້ນ
ກັບຄືນບ້ານ.
ເຮືອບິນທະຫານສະຫະລັດ ໄດ້ນຳເອົາທ່ານບຣັນສັນໄປຖານທັບຣຳສໄຕນ໌ ໃນເຢຍ
ຣະມັນ ໃນວັນສຸກວານນີ້ ເພື່ອກວດສຸຂະພາບກ່ອນສືບຕໍ່ເດີນທາງມາຍັງ ສະຫະລັດ.
ເອກອັກຄະລັດຖະທູດສະຫະລັດປະຈຳເຢຍຣະມັນ ທ່ານຣິເຈີຣດ໌ ເກຣີແນລ ໄດ້ໄປ
ຕ້ອນຮັບທ່ານບຣັນສັນຢູ່ຖານທັບອາກາດ. ເອກອັກຄະລັດຖະທູດໄດ້ເອົາຮູບ ພາບ
ອອກເຜີຍແຜ່ ຢູ່ໃນການສົ່ງຂໍ້ຄວາມທາງທວິດເຕີ ທີ່ເຫັນທ່ານບຣັນສັນຈູບທຸງອາເມ
ຣິກັນ. ເອກອັກຄະລັດຖະທູດເກຣີແນລ ກ່າວວ່າ “ເວລາຂ້າພະເຈົ້າເອົາທຸງອາເມຣິ
ກັນໃຫ້ທ່ານ ທ່ານຈູບທຸງໃນທັນທີ.”
ປະທານາທິບໍດີທຣຳ ກ່າວຕໍ່ບັນດານັກຂ່າວໃນວັນສຸກວານນີ້ວ່າ ທ່ານບຣັນສັນ “ກຳ
ລັງມາທຳນຽບຂາວ ຊຶ່ງມີທ່າທາງວ່າຈະເປັນວັນເສົາມື້ນີ້.
ຮູບພາບ ເງິນລີຣາ ຂອງເທີກີ ທີ່ເຫັນຢູ່ໃນການແລກປ່ຽນ ໃນນະຄອນອິສຕັນບູລ ປະເທດເທີກີ ວັນທີ 13 ສິງຫາ 2018.
ສານເທີກີພົບເຫັນວ່າ ທ່ານບຣັນສັນ ມີຄວາມຜິດ ໃນວັນສຸກວານນີ້ ແຕ່ໄດ້ຕັດສິນ
ລົງໂທດທ່ານໃຫ້ຕິດຄຸກພຽງແຕ່ສາມປີ ແລະນຶ່ງເດືອນເທົ່ານັ້ນ. ຄຸນພໍ່ບຣັນສັນ ໄດ້
ຖືກຄຸມຂັງ ໃນຂະນະທີ່ລໍຖ້າການດຳເນີນຄະດີເປັນເວລາສອງປີ ເພາະສະນັ້ນ ທ່ານ
ຈຶ່ງໄດ້ຖືກປ່ອຍໂຕ ສຳລັບເວລາທີ່ທ່ານໄດ້ຮັບໃຊ້ໂທດໄປແລ້ວ.
ບັນດາຜູ້ເຫັນເຫດການໄດ້ອ້າງຄຳເວົ້າ ທ່ານບຣັນສັນທີ່ກ່າວຢູ່ໃນການຮັບຟັງຄຳຕັດ
ສິນລົງໂທດນັ້ນວ່າ “ນີ້ແມ່ນມື້ທີ່ຄອບຄົວຂອງຂ້າພະເຈົ້າທັງໝົດໄດ້ພາກັນລໍຖ້າ.”
ໃນລະຫວ່າງມື້ທີສີ່ຂອງການຮັບຟັງຄຳໃຫ້ການ ໃນວັນສຸກວານນີ້ ພະຍານສາມຄົນ
ຂອງໄອຍະການ ໄດ້ປ່ຽນຄຳໃຫ້ການ ທີ່ໄດ້ເວົ້າໄປໃນຕອນຕົ້ນ. ຜູ້ນຶ່ງກ່າວວ່າ ລາວບໍ່
ຮູ້ວ່າທ່ານບຣັນສັນແມ່ນໃຜໃນຂະນະທີ່ຄົນອື່ນໆອ້າງວ່າສານໄດ້ເຂົ້າໃຈຜິດຢູ່ໃນຄຳ
ໃຫ້ການຂອງເຂົາເຈົ້າເທື່ອກ່ອນ.