ເທີກີກ່າວວ່າ ຜູ້ວາງລະເບີດສະລະຊີບສາມຄົນ ທີ່ໄດ້ທຳການໂຈມຕີຢ່າງຮ້າຍແຮງ ທີ່ສະໜາມບິນນາໆຊາດ Istanbul ໄດ້ມາຈາກ ຣັດເຊຍ ອຸສເບັກກິສຖານ ແລະກຽກກິສ ຖານ.
ບັນດາເຈົ້າໜ້າທີ່ເທີກີ ຍັງເຊື່ອວ່າການໂຈມຕີ ໄດ້ເລີ້ມໂດຍພວກນັກລົບອິສລາມ ແຕ່ບໍ່ໄດ້ບອກຊື່ພວກວາງລະເບີດຜູ້ທີ່ບັນດາເຈົ້າໜ້າທີ່ກ່າວວ່າ ໄດ້ຍິງປືນອັດຕະ ໂນມັດເຂົ້າໃສ່ພວກຜູ້ໂດຍສານ ແລະພະນັກງານໃນວັນອັງຄານທີ່ຜ່ານມາ ຢູ່ທີ່ສະໜາມບິນນາໆຊາດ Ataturk ກ່ອນລະເບີດຕົນເອງຕາຍ.
ຈຳນວນຜູ້ເສຍຊີວິດຈາກເຫດລະເບີດຢູ່ສະໜາມບິນທີ່ມີຜູ້ໂດຍສານໄປມາຫລາຍທີ່ສຸດເປັນອັນດັບສາມໃນຢູໂຣບ ໄດ້ເພີ້ມຂຶ້ນເປັນ 44 ຄົນ ໃນຂະນະທີ່ຫລາຍກວ່າ 230 ຄົນໄດ້ຮັບບາດເຈັບຈາກການໂຈມຕີ.
ພະນັກງານສະໜາມບິນ ພາກັນໄວ້ອາໄລເພື່ອນມິດຂອງເຂົາເຈົ້າ ຜູ້ທີ່ໄດ້ເສຍຊີວິດ ຈາກການໂຈມຕີ ທີ່ສະໜາມບິນ Istanbul.
ຕຳຫລວດໄດ້ບຸກເຂົ້າໄປກວດຄົ້ນ 16 ແຫ່ງໃນສາມຄຸ້ມຂອງນະຄອນ Istanbul ໃນວັນພະຫັດວານນີ້ແລະຈັບຜູ້ຕ້ອງສົງໄສ 13 ຄົນທີ່ພົວພັນກັບກຸ່ມລັດອິສລາມ.
ຍິ່ງໄປກວ່ານັ້ນ ອົງການຂ່າວ Anadou ຂອງລັດຖະບານ ກ່າວວ່າ ພວກເຈົ້າໜ້າທີ່ໄດ້ຈັບເກົ້າຄົນ ຢູ່ເມືອງ Izmir ຊຶ່ງເປັນເມືອງແຄມຝັ່ງທະເລທາງພາກຕາເວັນຕົກຂອງປະເທດ ໂດຍກ່າວຫາພວກເຂົາວ່າ ພົວພັນກັບພວກນັກລົບລັດອິສ ລາມຢູ່ໃນຊີເຣຍ ທີ່ຮວມທັງໃຫ້ການສະໜັບສະໜູນດ້ານການເງິນແກ່ກຸ່ມດັ່ງກ່າວ ເກນຄົນ ແລະໃຫ້ການສະໜັບສະໜຸນດ້ານພະລາທິການ.
ບັນດາສະມາຊິກຄອບຄົວ ແລະເພື່ອນຝຸງ ພາກັນສູດມົນໄວ້ອາໄລຢູສະໜາມບິນ Istanbul.
ຍາຍົກລັດຖະມົນຕີ Binali Yildirim ກ່າວໃນວັນພຸດວານນີ້ວ່າ ການສືບສວນຍັງດຳເນີນຢູ່ຕໍ່ໄປ ແຕ່ວ່າຫລັກຖານຊີ້ໃສ່ກຸ່ມລັດອິສລາມ ເຖິງແມ່ນວ່າພວກຫົວຮຸ່ນແຮງຍັງບໍ່ໄດ້ອ້າງເອົາຄວາມຮັບຜິດຊອບ. ທ່ານໄດ້ສະແນະເໜີວ່າການໂຈມຕີອາດເປັນການຕອບໂຕ້ຕໍ່ເທີກີທີ່ໄດ້ພະຍາຍາມປັບປຸງຄວາມສຳພັນກັບ ຣັດເຊຍ ແລະອິສຣາແອລ.
ຫົວໜ້າອົງການສືບລັບສະຫະລັດ ທ່ານ John Brennan ກ່າວວ່າ ການວາງ ລະເບີດ ມີຮ່ອງຮອຍຂອງ “ຄວາມຊົ່ວຊ້າ” ທຸກຢ່າງຂອງກຸ່ມລັດອິສລາມ ແລະໄດ້ເຕືອນເຖິງການທ້າທາຍໃນການຢຸດຢັ້ງການໂຈມຕີດັ່ງກ່າວ
ອ່ານຂ່າວນີ້ເພີ້ມເປັນພາສາອັງກິດ
ພາບເດັ່ນ ປະຈຳ ວັນທີ 30 ມິຖຸນາ 2016