ໃນວັນຈັນວານນີ້ ເທິກີ ຊິ້ໃສ່ ພວກກະບົດຊາວ Kurd ສອງຄົນ
ຜູ້ຊາຍຄົນໜຶ່ງ ແລະແມ່ຍິງຄົນໜຶ່ງ ທີ່ເປັນຜູ້ຮັບຜິດຊອບ ຕໍ່ການ
ໂຈມຕີດ້ວຍລະເບີດລົດສະລະຊີບ ໃນນະຄອນ Ankara ທີ່ໄດ້
ສັງຫານ 37 ຄົນ ແລະໄດ້ຮັບບາດເຈັບອີກ 125 ຄົນ.
ຫລັງຈາກໄດ້ໄປຢ້ຽມຢາມ ຜູ້ໄດ້ຮັບບາດເຈັບຢູ່ໂຮງໝໍ Ankara
ແລ້ວ ນາຍົກ ລັດຖະມົນຕີເທິກີ ທ່ານ Ahmet Davutoglu ກ່າວ
ວ່າ ເປັນການ “ຄົ້ນພົບທີ່ ເກືອບວ່າແນ່ນອນແລ້ວ” ໃສການພົວ
ພັນຂອງພັກກຳມະກອນຊາວ Kurd ຫລື PKK ຊຶ່ງເປັນກຸ່ມ
ນອກກົດໝາຍນັ້ນ.
ທ່ານກ່າວວ່າ “ເວລາໃດທີ່ອົງການກໍ່ການຮ້າຍ ກັບຄືນເຂົ້າສູ່ບ່ອນຈົນຕາແຈ ແລະປະເຊີນ
ໜ້າກັບການປະຕິບັດງານດ້ານຄວາມໝັ້ນຄົງທີ່ຮ້າຍແຮງແລ້ວອົງ ການດັ່ງກ່າວກໍຈະອອກ
ມາທຳການໂຈມຕີ ທີ່ແນເປົ້າໝາຍໃສ່ພວກພົນລະເຮືອນ ໂດຍກົງ ເພື່ອຈະແກ່ດືງເອົາຜູ້
ຄົນເຂົ້າໄປສູ່ຄວາມຫາຍຍະນະ.”
Your browser doesn’t support HTML5
Blast Rocks Turkish Capital, Killing Dozens
ທ່ານ Davutoglu ກ່າວວ່າ ບັນດາເຈົ້າໜ້າທີ່ໄດ້ກັກຂັງຜູ້ຕ້ອງສົງໄສ 11 ຄົນ ທີ່ໄດ້ຖືກ
ກ່າວຫາວ່າ ພົວພັນໂດຍກົງຕໍ່ການວາງລະເບີດ.
ສະມາຊິກໜ່ວຍກູ້ໄພສຸກເສີນ ກຳລັງປະຕິບັດງານກູ້ໄພ ໃນນະຄອນ Ankara ປະເທດ Turkey ວັນທີ 13, 2016.
ປະທານາທິບໍດີ ທ່ານ Recep Tayip Erdogan ໄດ້ຮຽກຮ້ອງໃຫ້ມີການປ່ຽນແປງໃນ
ຄວາມໝາຍຂອງການກໍ່ການຮ້າຍ ພາຍໃຕ້ກົດໝາຍເທິກີ ໂດຍກ່່າວວ່າ ຜູ້ໃດຜູ້ໜຶ່ງທີ່ໃຫ້
ກຳລັງໃຈ ຫລືສະໜັບສະໜູນພວກທີ່ດຶງໄກປືນ ຫລືບີບຄະນວນ ລະເບີດໃຫ້ແຕກຂຶ້ນນັ້ນ
ຄວນພິຈາລະນາວ່າ ເປັນພວກກໍ່ການຮ້າຍ.
ທ້າວ Dogan Asik ອາຍຸ 28 ປີ ຜູ້ທີຖືກລະເບີດຟົ້ງອອຈາກລົດບັສ ຈາກການວາງລະເບີດ ວັນທີ 13 ມີນາ 2016.
ການໂຈມຕີໃນວັນອາທິດຜ່ານມາ ຢູ່ຈະຕຸລັດ Kizilay ໃນນະຄອນ Ankara ທີ່ເປັນສູນ
ການຄ້າສຳຄັນ ແລະເປັນສູນກາງຂົນສົ່ງໃນນະຄອນຫຼວງເທິກີ ແມ່ນ ເປັນການວາງລະ
ເບີດເທື່ອທີສອງຢ່າງຮ້າຍແຮງໃນເດືອນແລ້ວນີ້ ທີ່ລັດຖະບານໄດ້ຖິ້ມໂທດໃສ່ພວກຫົວ
ຮຸນແຮງຊາວ Kurd. ເປັນເວລາສາມທົດສະວັດມາແລ້ວ ທີ່ພວກຫົວຮຸນແຮງໄດ້ສູ້ລົບ
ກັບກຳລັງລັດຖະບານເທີກີ ເພື່ອຮຽກຮ້ອງເອົາການ ປົກຄອງຕົນເອງຫລາຍຂື້ນໃນພາກ
ຕາເວັນອອກສຽງໃຕ້ເທິກີ. ແຕ່ວ່າ ນັບແຕ່ເດືອນກໍລະກົດເປັນຕົ້ນມາ ປະມານ 210 ຄົນ
ໄດ້ເສຍຊີວິດ ຍ້ອນການວາງລະເບີດສະລະຊີບ ທີ່ໄດ້ມີການຖິ້ມໂທດໃສ່ພວກກະບົດຊາວ
ເຄີດ ຫລືກຸ່ມພວກ jihadists ຂອງກຸ່ມລັດອິສລາມ.
Your browser doesn’t support HTML5
Turkey Blast