ພວກເຈົ້າໜ້າທີ່ ຮັກສາຄວາມປອດໄພແຫ່ງຊາດ ຢູ່ນະຄອນຫຼວງວໍຊິງຕັນ ບໍ່ຍອມໃຫ້ຄວາມເຫັນໃດໆ ກ່ຽວກັບ ລາຍງານຂ່າວທີ່ວ່າ ປະທານາທິບໍດີ ສະຫະລັດ ທ່ານດໍໂນລ
ທຣຳໄດ້ໃຫ້ການອະນຸມັດໃນການປະຕິບັດງານທາງທະຫານ ຕໍ່ອີຣ່ານ ໃນວັນພະຫັດວານນີ້ ແຕ່ຫຼັງຈາກນັ້ນ ໄດ້ສັ່ງໃຫ້ຢຸດເຊົາການໂຈມຕີຍ້ອນເຫດຜົນທີ່ຍັງບໍ່ຈະແຈ້ງເທື່ອ.
ປະທານາທິບໍດີທຣຳໃນຂັ້ນຕົ້ນໄດ້ອະນຸມັດການໂຈມຕີຈຳນວນນຶ່ງຕໍ່ເປົ້າໝາຍຕ່າງໆຂອງອີຣ່ານ ເຊັ່ນເຣດ້າແລະລູກສອນໄຟ ອີງຕາມລາຍງານທີ່ອອກເປັນເທື່ອທຳອິດໂດຍໜັງສືພິມນິວຢອກໄທມ໌.
ເຮືອບິນບໍ່ມີຄົນຂັບ Global Hawk ພວມທົດລອງບິນ ທີ່ລັດແມຣີແລນ
ສ່ວນໜັງສືພິມວໍຊິງຕັນໂພສທ໌ ແລະສື່ມວນຊົນອື່ນໆ ໃນເວລາຕໍ່ມາກໍລາຍງານວ່າ ເຈົ້າໜ້າທີ່ລັດຖະບານສະຫະລັດກ່າວວ່າ ປະທານາທິບໍດີ ໄດ້ໃຫ້ການອະນຸມັດໃນການໂຈມຕີຕອບໂຕ້ຄືນ.
ຂະນະດຽວກັນ ອົງການຂ່າວຣອຍເຕີ້ລາຍງານວ່າ ລັດຖະບານອີຣ່ານໄດ້ແຈ້ງໃຫ້ອົງການຂ່າວດັ່ງກ່າວຊາບວ່າ ຕົນໄດ້ຮັບສານຈາກປະທານາທິບໍດີທຣຳຜ່ານທາງໂອມານເມື່ອຄືນແລ້ວນີ້ ໂດຍໄດ້ເຕືອນກ່ຽວກັບການໂຈມຕີທີ່ອາດຈະມີຂຶ້ນ.
ອົງການຂ່າວຣອຍເຕີ້ ທີ່ນະຄອນຫຼວງເຕຫະຣ່ານ ກໍໄດ້ຕອບໃນທັນທີ ຕໍ່ສານຂອງປະທານາທິບໍດີທຣຳ ໂດຍເຕືອນຢ່າງຈະແຈ້ງກ່ຽວກັບຜົນທີ່ຈະຕິດຕາມມາ “ຢູ່ໃນຂົງເຂດແລະລະຫວ່າງປະເທດ” ຖ້າສະຫະລັດຫາກເອົາມາດຕະການທາງທະຫານ.
Your browser doesn’t support HTML5
Trump Reportedly Approved Military Retaliation after Iran Shootdown of US Drone
ອົງການຄຸ້ມຄອງການບິນ ຂອງລັດຖະບານກາງ ໃນຕອນແລງຂອງວັນພະຫັດວານນີ້ໄດ້ອອກຄຳສັ່ງສຸກເສີນ ຫ້າມບໍ່ໃຫ້ເຮືອບິນຂອງສາຍການບິນສະຫະລັດທັງໝົດບິນເຂົ້າໄປໃນເຂດອາກາດທີ່ຢູ່ເທິງອ່າວເປີເຊຍແລະອ່າວໂອມານບ່ອນທີ່ເຮືອບິນບໍ່ມີຄົນຂັບຂອງກອງທັບເຮືອສະຫະລັດຖືກຍິງຕົກໂດຍອີຣ່ານ. ສາຍການບິນນາໆຊາດຈຳນວນນຶ່ງ ຮວມທັງ ສາຍການບິນ KLM ຂອງໂຮນລັງແລະ ສາຍການບິນ Qantas ຂອງອອສເຕຣເລຍ ກໍກ່າວວ່າ ຕົນຈະບໍ່ບິນຜ່ານບໍລິ
ເວນຊ່ອງແຄບຮໍມຸສ.
Iran%27s letter to @antonioguterres & #UNSC: While Iran does not seek war, it reserves its inherent right, under the UN Charter,to take all appropriate necessary measures against any hostile act violating its territory & is determined to vigorously defend its land, sea & air. pic.twitter.com/LDQBOZPCi5
— Alireza Miryousefi (@miryousefi) June 20, 2019
ເຮືອບິນສັງເກດການບໍ່ມີຄົນຂັບ Global Hawk ໄດ້ບິນຢູ່ໃນບໍລິເວນຊ່ອງແຄບຮໍມຸສ ເວລາເຮືອບິນລຳດັ່ງກ່າວ ຖືກຍິງໂດຍລູກສອນໄຟອີຣ່ານ ຊຶ່ງເປັນອຸບັດຕິເຫດທີ່ທ່ານທຣຳກ່າວວ່າ “ຄວາມຜິດພາດທີ່ຮ້າຍແຮງ.”
ປະທານາທິບໍດີທຣຳກ່າວໃນວັນພະຫັດວານນີ້ ຂະນະທີ່ພົບປະກັບນາຍົກລັດຖະມົນຕີການາດາ ທ່ານຈັສຕິນ ທຣູໂດ ຢູ່ທີ່ທຳນຽບຂາວວ່າ “ນີ້ແມ່ນບັນຫາເລັກໆນ້ອຍໆອັນໃໝ່.”
At 00:14 US drone took off from UAE in stealth mode & violated Iranian airspace. It was targeted at 04:05 at the coordinates (25°59%2743"N 57°02%2725"E) near Kouh-e Mobarak.We%27ve retrieved sections of the US military drone in OUR territorial waters where it was shot down. pic.twitter.com/pJ34Tysmsg
— Javad Zarif (@JZarif) June 20, 2019
ທ່ານທຣຳ ກ່າວຕໍ່ພວກນັກຂ່າວວ່າ “ເຮືອບິນບໍ່ມີຄົນຂັບລຳນີ້ ແມ່ນບິນຢູ່ເໜືອເຂດນ່ານນ້ຳສາກົນຢ່າງເປັນການຈະແຈ້ງ. ພວກເຮົາມີການບັນທຶກທັງໝົດ. ມີການບັນທຶກທາງດ້ານວິທະຍາສາດ ບໍ່ແມ່ນພຽງແຕ່ຄຳເວົ້າ.