ສະຖານທີ່ບ່ອນບັດຕ່າງໆໄດ້ໄຂແລ້ວ ໃນວັນອັງຄານມື້ນີ້ ໃນລັດ Indiana ບ່ອນທີ່ ທ່ານ Donald Trump ຜູ້ສະໝັກປະທານາປະທານາທິບໍດີ ສັງກັດພັກ Republican ທີ່ມີຄະແນນສຳໜ້າ ປະເຊີນໜ້າກັບຄູ່ແຂ່ງຄົນສຳຄັນ ສະມາຊິກສະພາສູງສະຫະລັດຈາກລັດເທັກ ຊັສ ທ່ານ Ted Cruz ໃນການເລືອກຕັ້ງຂັ້ນຕົ້ນ.
ໄຊຊະນະຂອງທ່ານ Trump ໃນລັດ Indiana ນີ້ ຈະສາມາດຈັດໃຫ້ທ່ານ ໃນເສັ້ນທາງທີ່ຈະນຳໄປສູ່ການເປັນຕົວແທນຂອງພັກ Republican ກ່ອນກອງປະຊຸມໃຫຍ່ຂອງພັກ ໃນນະຄອນ Cleveland ໃນເດືອນກໍລະກົດທີ່ຈະມາເຖິງນີ້.
ໃນການຢັ່ງຫາງສຽງຫຼ້າສຸດ ຂອງ NBC/Wall Street Journal/Marist ນັ້ນສະແດງໃຫ້ເຫັນວ່າ ທ່ານ Trump ມີຄະແນນນຳໜ້າ 15 ເປີເຊັນ ໃນລັດ Indiana ເຖິງແມ່ນວ່າ ໄດ້ມີການສຳຫຼວດກ່ອນໜ້ານີ້ ທີ່ແນະນຳໃຫ້ເຫັນວ່າ ທ່ານໄດ້ມີຄະແນນນຳໜ້າທີ່ຫຼາຍກວ່ານີ້
ກໍຕາມ.
ທ່ານTed Cruz (ສັງກັດພັກ Republican) ທີ່ຮວມຕົວກັບ ຜູ້ຟົກຄອງລັດ Indiana ທ່ານ Mike Pence (ສັງກັດພັກ Republican) ໃນ Marion, Indiana, 2 ພຶດສະພາ, 2016.
ທ່ານ Trump ຄວາມໝັ້ນໃຈທີ່ມີເພີ້ມຂຶ້ນໄດ້ບອກກັບພວກສະໜັບສະໜຸນໃນເມືອງ Terre Haute ລັດ Indiana ວ່າ ທ່ານແມ່ນກະຕືລືລົ້ນທີ່ຈະປ່ຽນຈຸດເພັ່ງເລັງຂອງທ່ານ ໃນ ການໂຄສະ ນາຫາສຽງໄປໃສ່ການເລືອກຕັ້ງທົ່ວໄປ ແລະຫຍັບໃຫ້ຫ່າງອອກຈາກຄູ່ແຂງຂັນ ທ່ານ Cruz ແລະຜູ້ປົກຄອງລັດ Ohio ທ່ານ John Kasich.
“ມັນມີຄວາມສຳຄັນຫຼາຍ ທີ່ພວກເຮົາຊະນະ ເພາະວ່າ ຖ້າພວກເຮົາຊະນະ ຄືທ່ານຮູ້ນັ້ນລະ ພວກເຮົາ ກໍຈະຫາເງິນເຂົ້າພັກ ພວກເຮົາຈະຫາເງິນເພື່ອການຫາສຽງໃນການແຂ່ງ ຂັນລະ ດັບສະພາສູງ ແລະເພື່ອການແຂງຂັນລະດັບສະພາ ແລະກະທຳການຫຼາຍສິ່ງຫຼາຍຢ່າງ ແທນທີ່ຈະເສຍເວລາຂອງພວກເຮົາ ກັບຜູ້ຄົນພວກນີ້.”
ທ່ານນາງ Hillary Clinton ສັງກັດພັກ Democratics ກ່າວຕໍ່ພະນັກງານໂຮງງານເຫຼັກ ທີ່ເມືອງ Ashland, Ky., 2 ພຶດສະພາ, 2016.
ທ່ານ Trump ໄດ້ຮັບໄຊຊະນະ ຢ່າງງ່າຍດາຍໃນການເລືອກຕັ້ງຂັ້ນຕົ້ນ ໃນສັບປະດາແລ້ວນີ້ ໃນພາກຕາເວັນອອກຂອງສະຫະລັດ ແລະການໄດ້ຮັບໄຊຊະນະທີ່ລັດ Indiana ນີ້ຈະສ້າງຄວາມເສຍຫາຍຮ້າຍແຮງໃຫ້ແກ່ທ່ານ Cruz ແລະຄວາມຫວັງຂອງທ່ານທີ່ຈະບັງຄັບໃຫ້ມີກອງປະຊຸມພັກທີ່ມີການຖົກຖຽງກັນນັ້ນ.
ທ່ານ Cruz ກຳລັງທຳການໂຄສະນາຫາສຽງຢ່າງໜັກທີ່ລັດ Indiana ໃນຊົ່ວໂມງສຸດທ້າຍ ກ່ອນການປ່ອນບັດຂັ້ນຕົ້ນເລີ້ມຂຶ້ນ. ໃນລະຫວ່າງການພົບພໍ້ກັບພວກນັກຂ່າວຢູ່ພາກເໜືອ ຂອງລັດ Indiana ນັ້ນ ທ່ານໄດ້ກ່າວໂຈມຕີທັງທ່ານ Donald Trump ແລະທ່ານນາງ Hillary Clinton ພ້ອມໆກັນ ໃນຂະນະທີ່ທ່ານທຳການຮ້ອງຮຽນຕໍ່ພວກສະໜັບສະໜຸນ ຈາກພັກຣີພັບບລີກັນໃນນາທີສຸດທ້າຍນັ້ນ.