ໃນວັນຈັນວານນີ້ ສະມາຊິກສະພາສູງສະຫະລັດ ທ່ານ John McCain ກ່າວວ່າ
ທ່ານມອງເຫັນວ່າ ຣັດເຊຍ ກັບປະທານາທິບໍດີ ທ່ານ VladimirPutin ນັ້ນວ່າ
“ເປັນການທ້າທາຍທີ່ໃຫຍ່ຫຼວງ,” ຊຶ່ງເປັນເລື່ອງກັງວົນຫຼາຍກວ່າ ການຂົ່ມຂູ່ຈາກ
ກຸ່ມລັດອິສລາມ.
ທ່ານ McCain ໄດ້ກ່າວໃນຂະນະທີ່ທຳການຢ້ຽມຢາມໃນອອສເຕຣຍເລຍ ທ່ານ
McCain ໄດ້ບອກບໍລິສັດກະຈາຍສຽງອອສເຕຣຍເລຍ ວ່າ ຣັດເຊຍໄດ້ພະຍາຍາມ
ທີ່ຈະ “ທຳລາຍຮາກຖານປະຊາທິປະໄຕ” ໃນຄວາມພະຍາຍາມທີ່ຈະໃຊ້ອິດທິພົນ
ໃນການເລືອກຕັ້ງປະທານາທິບໍດີສະຫະລັດ ແລະຫຼາຍໆແຫຼ່ງໃນທົ່ວໂລກ.
ທ່ານ Jared Kushner ທີ່ປຶກສາຂັ້ນສູງປະຈຳທຳນຽບຂາວ, ຊ້າຍ, ແລະທີ່ປຶກສາຮັກສາຄວາມປອດໄພແຫ່ງຊາດ ທ່ານ H.R. McMaster ທີ່ເຂົ້າຮ່ວມກອງປະຊຸມສອງຝ່າຍ ລະຫວ່າງປ. ທຣຳ ກັບ ກະສັດ Hamad bin Isa Al Khalifa ຈາກ Bahrain, 21 ພຶດສະພາ, 2017.
ຄວາມຄິດເຫັນດັ່ງກ່າວມີຂຶ້ນວ່າ ລັດຖະບານຂອງປະທານາທິບໍດີສະຫະລັດ
ທ່ານດໍໂນລທຣຳ ພວມປະເຊີນໜ້າກັບການສືບສວນ ທີ່ວ່າໄດ້ມີສ່ວນພົວພັນກັບ
ຣັດເຊຍ ຫຼືບໍ່, ທີ່ຮວມທັງລາຍງານທີ່ວ່າ ທ່ານ Jared Kushner ຜູ້ເປັນລູກເຂີຍ
ແລະທີ່ປຶກສາຂັ້ນສູງປະຈຳທຳນຽບຂາວ ຂອງທ່ານທຣຳ ໄດ້ພະຍາຍາມທີ່ຈະກໍ່ຕັ້ງ
ການສົນທະນາຢູ່ດ້ານຫຼັງ ທີ່ພົວພັນກັບເຈົ້າໜ້າທີ່ຣັດເຊຍ ໃນຫຼາຍໆສັບປະດາ
ກ່ອນທີ່ທ່ານທຣຳ ຈະເຂົ້າສາບານຕົວ.
ທ່ານ McCain ໄດ້ກ່າວໃນວັນຈັນວານນີ້ວ່າ “ຂ້າພະເຈົ້າຮູ້ດີ ເຖິງບາງເລື່ອງທີ່
ທາງເຈົ້າໜ້າທີ່ລັດຖະບານຈະເວົ້າວ່າ “ນັ້ນແມ່ນຂັ້ນຕອນການປະຕິບັດງານແບບ
ທົ່ວໆໄປ, ແລະຍັງໄດ້ກ່າວວ່າ “ຂ້າພະເຈົ້າບໍ່ຄິດວ່າ ມັນເປັນຂັ້ນຕອນການປະຕິບັດ
ງານທຳມະດາກ່ອນທີ່ຈະເຂົ້າສາບານຕົວ ຂອງປະທານາທິບໍດີສະຫະລັດ
ໂດຍຜູ້ທີ່ກຳຕຳແໜ່ງໂດຍທີ່ບໍ່ໄດ້ຖືກແຕ່ງຕັ້ງ.””
ໜັງສືພິມ The New York Times ໄດ້ອ້າງເອົາຄຳເວົ້າຂອງໂຄສົກທຳນຽບຂາວ
ທ່ານນາງ Hope Hicks ທີ່ກ່າວວ່າ ທ່ານ Kushner “ໄດ້ປະຕິບັດຕາມໜ້າທີ່
ຂອງເພິ່ນໃນຖານະເຈົ້າໜ້າທີ່ຂ້າມຜ່ານ,” ແລະທ່ານກໍໄດ້ຕົກລົງວ່າຈະໂອ້ລົມ
ເລື່ອງການພົບປະດັ່ງກ່າວກັບຄະນະສືບສວນຂອງລັດຖະສະພາ.
ທ່ານທຣຳ ໄດ້ປະຕິເສດ ຂໍ້ກ່າວຫາໃດໆ ທີ່ວ່າການໂຄສະນາຫາສຽງຂອງທ່ານ
ໄດ້ມີການສົມຮູ້ຮ່ວມຄິດກັບຣັດເຊຍ.