ໃນຊ່ວງທ້າຍຂອງການໂຄສະນາຫາສຽງເປັນປະທານາທິບໍດິສະຫະລັດ ຄັ້ງນີ້, ທ່ານ ດໍໂນລ ທຣຳ ແລະ ທ່ານນາງ ຄາມາລາ ແຮຣິສ ຕ່າງກໍ່ແນເປົ້າໄປທີ່ຊຸມຊົນ LGBTQ+. ຜູ້ມີສິດເລືອກຕັ້ງເຫຼົ່ານີ້ ອາດຈະເຮັດໃຫ້ຄະແນນສຽງລື່ນກັນໃນ 7 ລັດ ທີ່ມີການແຂ່ງຂັນກັນຫາສຽງທີ່ສຳຄັນ ເຊິ່ງອາດຈະເປັນໂຕຕັດສິນຜົນການເລືອກຕັ້ງ. ຈາກນະຄອນ ລອສ ແອນເຈີເລສ, ທ່ານນາງ ເຈເນຍ ດູໂລ ລາຍງານ, ເຊິ່ງພວກເຮົາຈະນຳລາຍລະອຽດມາສາເໜີທ່ານໃນອັນດັບຕໍ່ໄປ.
ນາງ ແຄນດີສ ຄາຍແອນ ໄດ້ຊ່ວຍເຮັດໃຫ້ຕົວລະຄອນຂ້າມເພດ ເປັນເລື່ອງທີ່ປົກກະຕິ ຢູ່ໂທລະພາບຂອງ ສະຫະລັດ ອາເມຣິກາ ດ້ວຍບົດບາດຂອງລາວ ໃນເລື່ອງ "Dirty Sexy Money" ເຊິ່ງມີຊື່ສຽງຫຼາຍໃນຊ່ວງ 15 ປີກ່ອນໜ້ານີ້.
ໃນການເລືອກຕັ້ງຄັ້ງນີ້, ລາວກ່າວວ່າ ສິດທິຂອງຊາວ LGBTQ+ ທີ່ຕໍ່ສູ້ມາແບບຍາກລຳບາກຈະຕົກຢູ່ໃນຄວາມສ່ຽງຫາກວ່າ ຜູ້ສະໝັກຈາກພັກຣີພັບບລີກັນ ທ່ານ ດໍໂນລ ທຣຳ ຊະນະການເລືອກຕັ້ງປະທານາທິບໍດີ.
ນາງ ແຄນດິສ ຄາຍແອນ, ນັກສະແດງຍິງ ກ່າວວ່າ: "ເຮົາບໍ່ສາມາດຖອຍຫຼັງໄດ້, ແລະ ພັກຣີພັບບລີກັນ ກຳລັງພະຍາຍາມພາເຮົາ ກັບໄປສູ່ຍຸກທີ່ມີພຽງຄົນບາງກຸ່ມເທົ່ານັ້ນທີ່ມີສິດ. ມັນສຳຄັນ ແລະ ເປັນຕາຢ້ານ ຫຼາຍ. ຫວັງເປັນຢ່າງຍິ່ງວ່າປະເທດຊາດພວກເຮົາ ຈະເຮັດໃນສິ່ງທີ່ຖືກຕ້ອງ."
ທ່ານ ອາເທີ ລຸຍ ສະໜັບສະໜູນ ທ່ານ ທຣຳ ຍ້ອນຜົນງານຂອງລາວໃນຖານະ ເປັນປະທານາທິບໍດີ. ລາວກ່າວວ່າ ພັກເດໂມແຄຣັດ ເຮັດໃຫ້ສະຖານະການຕົກຕໍ່າລົງ.
ທ່ານ ອາເທີ ລຸຍ, ຜູ້ສະໜັບສະໜູນພັກຣີພັບບລີກັນ ຈາກລັດ ຄາລິຟໍເນຍ ກ່າວວ່າ:
"ໃນທີ່ສຸດແລ້ວຂ້ອຍມັກຜົນທີ່ໄດ້ຮັບຕ່າງໆທີ່ລາວໄດ້ເຮັດ ເພາະເສດຖະກິດແມ່ນດີຫຼາຍ ແລະ ຊາຍແດນກໍ່ມີບັນຫາຢູ່, ແຕ່ກໍ່ບໍ່ໄດ້ຮ້າຍແຮງປານນັ້ນ."
ລາຍງານຂອງສູນຄົ້ນຄວ້າ Pew ທີ່ເຜີຍແຜ່ໃນເດືອນມິຖຸນາທີ່ຜ່ານມາ ສະແດງໃຫ້ເຫັນວ່າ ປະມານເຄິ່ງໜຶ່ງຂອງຜູ້ສະໜັບສະໜູນ ທ່ານ ທຣຳ ທີ່ໄດ້ຮັບການສຳຫຼວດກ່າວວ່າ ການເຮັດໃຫ້ການແຕ່ງງານລະຫວ່າງເພດດຽວກັນ ຖືກກົດໝາຍ ໃນສະຫະລັດນັ້ນ ສົ່ງຜົນເສີຍຫາຍຕໍ່ກັບສັງຄົມ.
ທ່ານ ເດວິດ ຄີນ ກ່າວວ່າ ທ່ານ ທຣຳ ບໍ່ໄດ້ເປັນໄພຄຸກຄາມຕໍ່ການແຕ່ງງານຂອງຄົນຮັກເພດດຽວກັນ.
ທ່ານ ເດວິດ ຄີນ ຜູ້ສະໜັບສະໜູນພັກຣີພັບບລີກັນ ຈາກລັດ ຄາລິຟໍເນຍ ກ່າວວ່າ
"ມຸມມອງຂອງລາວກ່ຽວກັບການແຕ່ງງານເພດດຽວກັນແມ່ນວ່າ: 'ແນ່ນອນ, ເປັນຫຍັງບໍ່ໄດ້?' ເພາະລາວເຂົ້າໃຈວ່າ ການແຕ່ງງານ - ນອກຈາກການເປັນເລື່ອງທາງສາສະໜາ ເຊິ່ງກ່ຽວຂ້ອງກັບໂບດ - ຄືເອກະສານທາງກົດໝາຍ ທີ່ສ້າງການຄຸ້ມຄອງໃຫ້ກັບຄູ່ສົມລົດ, ຂ້ອຍຄິດວ່າ ລາວບໍ່ໄດ້ມີບັນຫາກັບ ເລື່ອງນີ້. ລາວມາຈາກ ນະຄອນ ນິວຢອກ. ລາວຂ້ອນຂ້າງເປັນຜູ້ທີ່ເສລີນິຍົມທີ່ສຸດ. ຈາກພັກຣີພັບບລີກັນ ເທົ່າທີ່ພວກເຮົາເຄີຍມີມາ."
ທ່ານນາງ ອາຣີເອວ ຈອນສັນ ນັກວິທະຍາສາດ ກັງວົນວ່າ ທ່ານ ທຣຳ ຈະຄຸກຄາມການແຕ່ງງານຂອງຄົນຮັກເພດດຽວກັນ ແລະ ອາດເປັນໄພອັນຕະລາຍຕໍ່ສະຖານະພາບດ້ານຄົນເຂົ້າເມືອງຂອງຄູ່ສົມລົດຜູ້ເປັນເຈົ້າບ່າວຂອງລາວ.
ທ່ານນາງ ຈອນສັນ ກ່າວວ່າ ຄວາມກັງວົນທີ່ໃຫຍ່ທີ່ສຸດຂອງລາວ ກ່ຽວກັບ ພັກຣີພັບບລີກັນ ແມ່ນຂໍ້ຈຳກັດ ກ່ຽວກັບສິດທິໃນການຈະເລີນພັນ, ລວມເຖິງການປະຕິສົນທິນອກຮ່າງກາຍ ຫຼື ການເຮັດເດັກຫຼອດແກ້ວ ທີ່ເອີ້ນຫຍໍ້ວ່າ I-V-F.
ທ່ານ ນາງ ອາຣີເອລ ຈອນສັນ ກ່າວວ່າ: "ຂ້ອຍເປັນພະຍາດເນື້ອເຫຍື່ອໂພງມົດລູກຈະເລີນຜິດບ່ອນ (ນອກຊ່ອງຄອດ). ຖ້າຂ້ອຍເລືອກທີ່ຈະຖືພາ, ເຊິ່ງຂ້ອຍ ແລະ ຄູ່ຮັກຂອງຂ້ອຍຍັງບໍ່ໄດ້ຕັດສິນໃຈວ່າ ຈະມີລູກ ຫຼື ບໍ່. ແຕ່ຖ້າຂ້ອຍເລືອກທີ່ຈະຖືພາ, ມີແນວໂນ້ມວ່າ ືຂ້ອຍຈະຕ້ອງໃຊ້ວິທີ IVF ເຊິ່ງແນ່ນອນວ່າ ຕອນນີ້ເປັນບັນຫາທີ່ມີການໂຕ້ຖຽງກັນ."
ອົງກອນທີ່ໃຫຍ່ທີ່ສຸດຂອງຊາວ LGBTQ+ ທີ່ສັງກັດພັກຣີພັບບລີກັນ ໄດ້ເຕົ້າໂຮມກັນ ເພື່ອສະໜັບສະໜູນທ່ານ ທຣຳ ໃນເດືອນນີ້ ຢູ່ທີ່ລັດຕ່າງໆ ທີ່ອ່ຽງໄປພັກໃດພັກນຶ່ງກໍເປັນໄດ້ ເຊັ່ນລັດ ມິຊິແກນ, ຈໍເຈຍ, ວິສຄອນຊິນ, ຄາໂຣໄລນາເໜືອ, ເພັນຊີລເວເນຍ, ອາຣິໂຊນາ ແລະ ເນວາດາ.
ສຳລັບທ່ານນາງ ແຮຣິສ, ຄະນະກຳມະການພັກເດໂມແຄຣັດແຫ່ງຊາດ ໄດ້ສະໜັບສະໜູນໂຄງການຫາສຽງຊື່ວ່າ "I Will Vote" ໃນເດືອນນີ້ ດ້ວຍການໂຄສະນາໃນສື່ສິ່ງພິມຂອງກຸ່ມ LGBTQ+ 16 ສະບັບ.
ຜົນການສຳຫຼວດເມື່ອເດືອນແລ້ວນີ້ ທີ່ໄດ້ລາຍງານໂດຍກຸ່ມໂຄສະນາຫາສຽງຊາວ LGBTQ+ ທີ່ສະໜັບສະໜູນສິດທິມະນຸດ ພົບວ່າ ກວ່າ 90% ຂອງຊາວ LGBTQ+ ອາເມຣິກາ ໄດ້ພາກັນລົງທະບຽນ ແລະ ມີແຮງຈູງໃຈທີ່ຈະລົງຄະແນນສຽງ ໃນການເລືອກຕັ້ງຄັ້ງນີ້. ຜົນສຳຫຼວດໄດ້ໃຫ້ ທ່ານນາງ ແຮຣິສ ຄະແນນຫຼາຍກວ່າ ທ່ານ ທຣຳ ເກືອບ 67 ຄະແນນ ໃນກຸ່ມຜູ້ມີສິດເລືອກຕັ້ງ ຊາວ LGBTQ+.
In the closing days of this U.S. presidential campaign, Donald Trump and Kamala Harris are both targeting LGBTQ+ communities. These voters could make the difference in the seven key battleground states that could decide the election. From Los Angeles, Genia Dulot has the story.
Candis Cayne helped normalize transgender characters on U.S. television with her role on the prime-time drama "Dirty Sexy Money" over 15 years ago.
In this election, she says hard-won LGBTQ+ rights will be at risk if Republican candidate Donald Trump wins the presidency.
(Candis Cayne, Actress)
“We can’t go backwards, and the Republican Party is trying to bring us back to a time where only a certain amount of people had rights, and it’s really important and scary. Hopefully as a nation we’ll do the right thing.”
Arthur Liu backs Trump because of his record as president. He says Democrats have made things worse.
(Arthur Liu, California Republican)
“I liked ultimately the results that he had because the economy was so good, and the border was, it had its problems, but it wasn’t as bad.”
A Pew Research report published in June shows that about half of Trump's supporters surveyed say the legalization of same-sex marriage in the United States has been bad for society.
David Keen says Trump is no threat to gay marriage.
(David Keen, California Republican)
“Well his point on gay marriage was: ‘Sure, why not?’ Because he understands marriage — apart from being a religious thing, which has to do with the church — is a legal document that creates protections for a couple, so I think he has no issue with that. He’s from New York. He was pretty liberal. He’s probably the most liberal Republican we’ve ever had.”
Scientist Arielle Johnson worries that Trump would threaten gay marriage and could endanger her spouse’s immigration status.
Johnson says her biggest concern about Republicans is restrictions
on reproductive rights, including in vitro fertilization, or I-V-F.
(Arielle Johnson, Scientist)
“I have endometriosis. If I did choose to get pregnant, which my partner and I still haven’t decided if we’re having kids, but if I did choose to get pregnant, it’s likely,,,,,,,that I would need IVF, which of course is currently a contentious issue."
The largest organization of LGBTQ+ Republicans rallied for Trump this month in the swing states of Michigan, Georgia, Wisconsin, North Carolina, Pennsylvania, Arizona, and Nevada.
For Harris, the Democratic National Committee this month funded an “I Will Vote” media campaign with advertisements in 16 LGBTQ+ publications.
Polling reported last month by the LGBTQ+ advocacy group the Human Rights Campaign found that more than 90 percent of LGBTQ+ Americans are registered and motivated to vote in this election. That poll gave Harris a nearly 67-point margin over Trump among LGBTQ+ voters.