ທຳນຽບຂາວໄດ້ອະນຸຍາດໃຫ້ອົງການສັນຕິບານກາງ ຫຼື FBI ໂອ້ລົມກັບຜູ້ໃດກໍຕາມທີ່
ຕົນຕ້ອງການ ໃນການສືບສວນກ່ຽວກັບ ຜູ້ທີ່ຖືກສະເໜີຊື່ໃຫ້ເປັນ ຜູ້ພິພາກສາ ສານ
ສູງສຸດ ສະຫະລັດ ທ່ານ ແບຣັຕ ຄາແວນໍ ຕາບໃດທີ່ມັນຈະແລ້ວສຳເລັດລົງ ພາຍໃນ
ທ້າຍສັບປະດານີ້ ອີງຕາມລາຍງານຂອງສື່ມວນຊົນ.
ການອອກຄຳສັ່ງດັ່ງກ່າວມີຂຶ້ນ ຫຼັງຈາກທີ່ມີການຕ້ອງຕິຂອງ ພັກເດໂມແຄຣັດ ວ່າ
ທຳນຽບຂາວ ອາດຈະພະຍາຍາມ ທີ່ຈະຈຳກັດຂອບເຂດ ໃນການສືບສວນ ກ່ຽວກັບ
ການລວນລາມທາງເພດ ທີ່ໄດ້ມີການກ່າວຫາ ຕໍ່ ທ່ານ ຄາແວນໍ ນັ້ນ.
ທ່ານນາງ ຄຣິສຕີນ ເບລຊີ ຝອຣ໌ດ ໄດ້ໃຫ້ການໃນສັບປະດາແລ້ວນີ້ ຕໍ່ໜ້າຄະນະ
ກຳມະການຕຸລາການ ສະພາສູງ ທີ່ວ່າ ທ່ານ ຄາແວນໍ ໄດ້ລວນລາມທາງເພດລາວ
ໃນງານສັງສັນ ເມື່ອປີ 1982 ຕອນທີ່ພວກເຂົາເຈົ້າ ຍັງເປັນນັກຮຽນ ມັດທະຍົມປາຍນັ້ນ.
ທ່ານ ຄາແວນໍ ໄດ້ປະຕິເສດ ຢ່າງໂກດແຄ້ນ ຕໍ່ຄະນະກຳມະການ ຈາກການກ່າວຫາ
ດັ່ງກ່າວ.
ມີແມ່ຍິງອີກ 2 ຄົນ ໄດ້ກ່າວຫາວ່າ ທ່ານ ຄາແວນໍ ລວນລາມທາງເພດ ຕໍ່ພວກເຂົາເຈົ້າ.
ທ່ານນາງ ຄຣິສຕີນ ເບລຊີ ຝອຣ໌ດ ໃຫ້ປາກຄຳ ຕໍ່ໜ້າ ຄະນະກຳມະການຕຸລາການ ສະພາສູງ ຢູ່ທີ່ລັດຖະສະພາ ຫຼື Capitol Hill ໃນນະຄອນຫຼວງ ວໍຊິງຕັນ, ວັນທີ 27 ກັນຍາ 2018.
ໜັງສືພິມ The New York Times ໄດ້ກ່າວວ່າ ອົງການ FBI ໄດ້ສຳພາດກັບພວກ
ພິຍານທີ່ເຫັນເຫດການໄປແລ້ວ 4 ຄົນ ທີ່ທຳນຽບຂາວ ແລະສະມາຊິກສະພາສູງ ພັກ
ຣີພັບບຣີກັນ ໄດ້ອະນຸມັດໃຫ້ສອບປາກຄຳນັ້ນ. ເພື່ອນຂອງ ທ່ານ ຄາແວນໍ ຄືທ່ານ ມາຄ໌
ເຈິຣ໌ຈ ແລະ ທ່ານ ພີ ເຈ ສມິທ, ເພື່ອນຂອງ ທ່ານນາງ ຝອຣ໌ດ ຄື ທ່ານ ລີລານ ຄີເຊີຣ໌
ແລະ ທ່ານນາງ ເດັບໂບຣາ ຣາມີແຣຊ໌ ນຶ່ງໃນພວກແມ່ຍິງ ທີ່ໄດ້ກ່າວຫາ ທ່ານ ຄາແວນໍ
ກ່ຽວກັບ ການລວນລາມທາງເພດນັ້ນ.
ໃນຂະນະທີ່ ທ່ານທຣຳ ເບິ່ງຄືວ່າເປີດກວ້າງ ໃນອັນທີ່ທ່ານເອີ້ນວ່າ “ການສືບສວນ
ຢ່າງລະອຽດ” ໂດຍອົງການ FBI ທີ່ທ່ານໄດ້ກ່າວ ໃນກອງປະຊຸມຖະ ແຫຼງຂ່າວໃນວັນ
ຈັນວານນີ້ ວ່າ “ອົງການ FBI ຄວນຈະສຳພາດຜູ້ໃດກໍຕາມທີ່ພວກເຂົາເຈົ້າຕ້ອງການ
ໃນຂອບເຂດຂອງເຫດຜົນ, ແຕ່ວ່າ ເຈົ້າຈະຕ້ອງເວົ້າວ່າ ຢູ່ໃນຂອບເຂດຂອງເຫດຜົນ.”
ທ່ານທຣຳໄດ້ກ່າວວ່າ ມັນ “ບໍ່ໄດ້ລົບກວນຂ້າພະເຈົ້າແມ່ນແຕ່ນ້ອຍ” ຖ້າຫາກວ່າ
ອົງການ FBI ໄດ້ສອບປາກຄຳພວກແມ່ຍິງທັງ 3 ຄົນ ທີ່ໄດ້ກ່າວຫາ ທ່ານຄາ ແວນໍວ່າ
ລວນລາມທາງເພດນັ້ນ ແລະຍັງໄດ້ກ່າວວ່າມັນຈະເປັນການ “ດີ” ຖ້າ ຫາກວ່າ ຈະສອບ
ປາກຄຳ ທ່ານຄາແວນໍນຳດ້ວຍ.
ແຕ່ວ່າ ປະທານາທິບໍດີ ຍັງໄດ້ກ່າວວ່າ ອົງການ FBI ຈຳເປັນທີ່ຈະທຳຕາມຄຳສັ່ງຂອງ
ສະມາຊິກສະພາສູງພັກຣີພັບບລີກັນທີ່ຄະແນນສ່ວນຫຼາຍ 51 ສຽງ ຂອງພວກທ່ານ
ຈະຕັດສິນຊີ້ຂາດ ກ່ຽວກັບວ່າ ທ່ານຄາແວນໍ ຈະໄດ້ເປັນຜູ້ພິພາກສາສານສູງສຸດ
ສະຫະລັດຫຼືບໍ່.
Your browser doesn’t support HTML5
Kavanaugh Nomination Puts US Senate to the Test