ການແນເປົ້າໝາຍໃສ່ພວກເຈົ້າໜ້າທີ່ຂັ້ນສູງ ໃນປັດຈຸບັນແລະໃນອະດີດຂອງລັດຖະ
ບານສະຫະລັດ ໂດຍການໃຊ້ວັດຖຸລະເບີດ “ແມ່ນການໂຈມຕີຕໍ່ປະຊາທິປະໄຕຂອງ
ເຮົາຢູ່ໃນໂຕຂອງມັນ,” ນັ້ນຄືຄຳເວົ້າຂອງປະທານາທິບໍດີສະຫະລັດ ທ່ານດໍໂນລ ທຣຳ
ທີ່ກ່າວຕໍ່ ພວກເຂົ້າຮ່ວມການໂຮມຊຸມນຸມທາງການເມືອງ ເພື່ອຊ່ວຍຜູ້ສະໝັກເລືອກຕັ້ງ
ຈາກພັກຣີພັບບລິກັນ ໃນແລງວັນພຸດ ມື້ວານນີ້.
ຄຳຖະແຫລງຂອງທ່ານ ທີ່ກ່າວຢູ່ໃນລັດວິສຄອນຊິນ ແມ່ນມີຂຶ້ນພາຍຫລັງທີ່ ພວກເຈົ້າ
ໜ້າທີ່ລັດຖະບານກາງເວົ້າວ່າ ພວກເຂົາເຈົ້າກຳລັງຊອກຫາຜູ້ທີ່ສົ່ງລະເບີດທໍ່ໄປຫາປະ
ທານາທິບໍດີບາຣັກ ໂອບາມາ ແລະທ່ານນາງ ຮິລລາຣີ ຄລິນຕັນ ຄູ່ແຂ່ງຂອງທ່ານທຣຳ
ໃນການເລືອກຕັ້ງປະທານາທິບໍດີ ປີ 2016 ແລະ ພວກສັງກັດພັກເດໂມແຄຣັດທີ່ສຳຄັນ
ທ່ານອື່ນໆອີກ.
ຕະຫຼອດມື້ວານນີ້ ພວກຜູ້ນຳຈາກທັງສອງພັກໃຫຍ່ຮຽກຮ້ອງໃຫ້ມີປະຕິບັດແບບທີ່ມີ
ການເຄົາລົບນັບຖືຊຶ່ງກັນແລະກັນຄືນອີກ ຢູ່ໃນວົງການການເມືອງ ຊຶ່ງເປັນຫົວຂໍ້ທີ່ທ່ານ
ທຣຳ ນຳເອົາໄປເວົ້າຢູ່ໃນການໂຮມຊຸມນຸມດັ່ງກ່າວ.
Your browser doesn’t support HTML5
Trump Calls for Unity, Blames Media Amid Bomb Threats
ທ່ານປະທານາທິບໍດີ ກ່າວວ່າ "ບໍ່ຄວນມີໃຜປຽບທຽບ ພວກຄັດຄ້ານທາງການເມືອງຂອງ
ຕົນ ໃສ່ພວກທີ່ຊົ່ວຮ້າຍໃນປະຫວັດສາດ ຢ່າງຂາດການຢັ້ງຄິດ ຊຶ່ງຄົນມັກພາກັນເຮັດ
ແລະກໍເຮັດຢູ່ຕະຫຼອດມາ. ອັນນີ້ ຈະຕ້ອງຍຸຕິລົງ." ທ່ານກ່າວເພີ້ມວ່າ "ພວກເຮົາບໍ່ຄວນ
ກໍ່ການຈາລະຈົນຄົນຢູ່ໃນສາທາລະນະຊົນ ຫລື ທຳລາຍຊັບສິນສ່ວນລວມ. ມີທາງດຽວ
ທີ່ຈະແກ້ໄຂຄວາມຄິດທີ່ຂັດແຍ້ງກັນ ຂອງພວກເຮົາໄດ້ ສິ່ງນັ້ນເອີ້ນວ່າ ການເຮັດແບບ
ສັນຕິ ຢູ່ຫີບປ່ອນບັດເລືອກຕັ້ງ. ນັ້ນຄືສິ່ງທີ່ພວກເຮົາຢາກໃຫ້ເຮັດ."
ທ່ານທຣຳ ຊຶ່ງເປັນຄົນທີ່ຮູ້ກັນດີ ໃນເລື້ອງຕຳໜິຄົນອື່ນແບບເປັນການສ່ວນຕົວ ຢູ່ກາງສາ
ທາລະຊົນ ຍັງໄດ້ຮຽກຮ້ອງໃຫ້ຄົນພາກັນ "ຍຸຕິການປະຕິບັດຕໍ່ຜູ້ຄັດຄ້ານທາງການເມືອງ
ຂອງຕົນ ແບບວ່າພວກເຂົາເຈົ້າເປັນຄົນທີ່ມີຂໍ້ບົກຜ່ອງທາງສິນລະທຳ."
ໂດຍເວົ້າສະເພາະສຳລັບຕົວຂອງທ່ານເອງ ແບບບໍ່ແກ້ຕົວຕໍ່ພວກເຂົ້າຮ່ວມການໂຮມຊຸມ
ນຸມທາງການເມືອງຂອງທ່ານນັ້ນ ທ່ານທຣຳ ທີ່ເວົ້າວ່າ "ຂ້າພະເຈົ້າພະຍາຍາມທີ່ຈະເປັນ
ຄົນໃຈດີ," ຍັງໄດ້ຕຳໜິພວກໃນວົງການຂ່າວວ່າ ເຮັດໃຫ້ມີນ້ຳສຽງທີ່ບໍ່ດີຕໍ່ກັນໃນລະດັບ
ຊາດ.ທ່ານກ່າວວ່າ "ວົງການຂ່າວກໍມີຄວາມຮັບຜິດຊອບເຊັ່ນກັນ ໃນການເຮັດໃຫ້ມີນ້ຳ
ສຽງທີ່ສຸພາບຕໍ່ກັນ ແລະໃຫ້ຍຸຕິຄວາມມຸ້ງຮ້າຍຢ່າງບໍ່ສຸດບໍ່ສິ້ນ ແລະມີລັກສະນະທີ່ບໍ່ດີ
ຢູ່ຕະຫລອດການ ແລະມີຫລາຍຄັ້ງ ມັກທຳການໂຈມຕີແບບຜິດໆ".
Your browser doesn’t support HTML5
Trump on Investigation, Political Violence
ທ່ານແຈັຟ ຊັກເຄີ (Jeff Zucker) ປະທານຂອງອົງການຂ່າວ CNN ໄດ້ຂຽນຖະແຫລງ
ການສະບັບນຶ່ງອອກມາ ຊຶ່ງເວົ້າວ່າ ສະມາຊິກໃນຄະນະລັດຖະບານ ຂອງທ່ານທຣໍາ "ບໍ່ມີຄວາມເຂົ້າໃຈຫຍັງເລີຍ" ກ່ຽວກັບຄວາມຮ້າຍແຮງໃນການ ໂຈມຕີຕໍ່ອົງການຂ່າວ
ຢູ່ເລື້ອຍໆນັ້ນ.
ທ່ານ ຊັກເຄີເວົ້າວ່າ "ປະທານາທິບໍດີ ແລະໂດຍສະເພາະແລ້ວ ໂຄສົກປະຈໍາ ທໍານຽບ
ຂາວ ຄວນເຂົ້າໃຈວ່າ ຄໍາເວົ້າຕ່າງໆແມ່ນມີຄວາມສໍາຄັນ. ທີ່ຜ່ານມາ ພວກເພິ່ນ
ບໍ່ໄດ້ສະແດງໃຫ້ເຫັນວ່າ ພວກເພິ່ນເຂົ້າໃຈເລື້ອງນີ້ເລີຍ.”
ເຈົ້າໜ້າທີ່ຮັກສາຄວາມປອດໄພຂອງສະຫະລັດ ນັ່ງຢູ່ລົດຢູ່ບ່ອນຢຸດລົດແຫ່ງນຶ່ງໃກ້ກັບບ້ານຢູ່ຂອງ ອະດີດປະທານາທິບໍດີ ບາຣັກ ໂອບາມາ ຢູ່ນະຄອນວໍຊິງຕັນ ໃນວັນທີ 24 ຕຸລາ 2018.
ທ່ານນາງ ຊາຣາ ຮັກກາບີ ແຊນເດີສ໌ (Sarah Huckabee Sanders) ໂຄ ສົກປະຈໍາ
ທໍານຽບຂາວຕອບຄືນໂດຍຜ່ານທວີດເຕີ ໂດຍກ່າວຫາທ່ານ ຊັກເຄີວ່າ ເຮັດໃຫ້ມີຄວາມ
ແຕກແຍກກັນ.