ໃນວັນຈັນວານນີ້ ເຈົ້າໜ້າທີ່ທຳນຽບຂາວ ໄດ້ສືບຕໍບ່ຽງເບນການກ່າວຕຳນິຕິຕຽນປະ ທານາທິບໍດີ ດໍໂນລ ທຣຳ ກ່ຽວກັບການປົດອອກ ຜູ້ອຳນວຍການອົງການສັນຕິບານ
ກາງສະຫະລັດຫຼື FBI James Comey ແລະຍັງຢືນຢັນເຖິງການຊອກຫາລາຍຊື່ຂອງ
ຜູ້ທີ່ຈະມາແທນຕຳແໜ່ງຂອງທ່ານ ຢ່າງໄວວາ.
ຫົກມື້ ຫຼັງຈາກທີ່ທ່ານ ທຣຳ ໄດ້ປົດທ່ານ Comey ອອກ ຊຶ່ງການປົດອອກທີ່ວ່ານີ້ ໄດ້ມີ
ຂຶ້ນຂອງການຕັດສິນໃຈໃນວໍຊີງຕັນ ກັບພັກ Democrats ທີ່ໄດ້ຮຽກຮ້ອງໃຫ້ມີການສືບ
ສວນສອບສວນພິເສດແບບເອກະລາດ ທີ່ຈະເຂົ້າມາກຳກັບເລື່ອງການເປັນໄປໄດ້ລະ
ຫວ່າງຣັດເຊຍ ກັບທ່ານທຣຳ.
ປະທານາທິບໍດີ ທຣຳ ຍົກມືຕໍ່ຝູງຊົນ ຫຼັງຈາກຂຶ້ນກ່າວໃນພິທີໄວ້ອາໄລ ຂອງບັນດາເຈົ້າໜ້າທີ່ ຮັກສາສັນຕິພາບ ຄົບຮອບປະຈຳປີ ຄັ້ງທີ 36, 15 ພຶດສະພາ. 2017, ໃນ Washington.
ເຖິງແມ່ນວ່າ ການຫຼົ້ມແຫຼວທາງການເມືອງໄດ້ແກ່ຍາວອອກໄປ ແລະຍັງບໍ່ທັນແຈ້ງຂາວ
ຢູ່ນັ້ນ ກໍຕາມ ການຕັດສິນໃຈ ທີ່ຈະປົດທ່ານ Comey ອອກນັ້ນໄດ້ກາຍມາເປັນການລົບ
ກວນແຜນການທາງກົດໝາຍຂອງປະທານາທິບໍດີ ທີ່ໄດ້ປະເຊີນກັບທາງຕັນມາແລ້ວນັ້ນ.
ກ່ອນທີ່ໄດ້ປົດທ່ານ Comey ອອກນັ້ນ ທ່ານ Comey ແມ່ນໄດ້ກຳກັບເລື່ອງການສືບ
ສວນທີ່ໄດ້ຖືກກ່າວຫາວ່າຣັດເຊຍ ວ່າໄດ້ເຈາະຂໍ້ມູນເຂົ້າໃນການເລືອກຕັ້ງປະທານາທິ
ບໍດີ ປີ 2016 ພ້ອມທັງຂໍ້ມູນ ທີ່ປະທະກັນລະຫວ່າງ Moscow ກັບໜ່ວຍໂຄສະນາຫາ
ສຽງຂອງທ່ານທຣຳ.
ສະມາຊິກສັງກັດພັກ Democrats ຫຼາຍທ່ານ ເຊື່ອວ່າການປົດອອກຄັ້ງນີ້ໄດ້ສ້າງບັນຫາ
ຕໍ່ການຍຸຕິທຳຢ່າງໃຫຍ່ຫຼວງ ແລະທ່ານທຣຳເອງ ກໍຊາບເລື່ອງນີ້ທີ່ວ່າ ທ່ານມີເລື່ອງການ
ສືບສວນຣັດເຊຍ ໃນຫົວຂອງທ່ານ ຕອນທີ່ທ່ານປົດທ່ານ Comey ອອກນັ້ນ.
ປະທານາທິບໍດີ ດໍໂນລ ທຣຳ ຕ້ອນຮັບອົງມົງກຸດລາດກຸມມານຂອງ Abu Dhabi's Sheikh Mohammed bin Zayed Al Nahyan ທີ່ທຳນຽບຂາວ, 15 ພຶດສະພາ, 2017.
ໃນວັນຈັນວານນີ້ ເຈົ້າໜ້າທີ່ປະຈຳທຳນຽບຂາວ ອີກຄັ້ງນຶ່ງ ໄດ້ບ່າຍແບນຂ່າວນອງນັນ
ທີ່ວ່ານີ້ວ່າເປັນການໂຈມຕີຈາກຝ່າຍຄ້ານ.
“ປະທານາທິບໍດີ ມີສິດທີ່ຈະປົດຜູ້ໃດຜູ້ນຶ່ງອອກ ເພາະວ່າ ທ່ານເຊື່ອວ່າ ຜູ້ອຳນວຍການ Comey ນັ້ນ ບໍ່ມີຄວາມທ່ຽງທຳພຽງພໍ ແລະການຕັດສິນໃຈຕ່າງໆ ແລະບໍ່ໜັກແໜ້ນ
ຕໍ່ໜ້າທີ່,” ຊຶ່ງນັ້ນແມ່ນຄຳເວົ້າຂອງໂຄສົກປະຈຳທຳນຽບຂາວ ທ່ານ Sean Spicer ທີ່ໄດ້
ກ່າວຕໍ່ກອງປະຊຸມຖະແຫຼງຂ່າວປະຈຳວັນໄວ້.
Your browser doesn’t support HTML5
Trump Downplays Comey Controversy; Search for New FBI Director Moving ‘Rapidly’
ໃນກອງປະຊຸມຖະແຫຼງຂ່າວ ຄັ້ງທີ 2 ຕໍ່ມາ ທ່ານ Spicer ຍັງໄດ້ປະຕິເສດທີ່ຈະໃຫ້ລາຍ
ລະອຽດກ່ຽວກັບຂໍ້ຄວາມທີ່ຂຽນລົງໃນ twtter ໃນສັບປະດາແລ້ວນີ້ ໃນອັນທີ່ປະທານາ
ທິບໍດີ ເບິ່ງຄືວ່າ ຂົ່ມຂູ່ທ່ານ Comey ໃຫ້ມິດງຽບ.
“ຂ້າພະເຈົ້າແມ່ນແຈ້ງຂາວຢ່າງທີ່ສຸດແລ້ວ. ປະທານາທິບໍດີ ແມ່ນບໍ່ມີຫຍັງຕື່ມອີກກ່ຽວ
ກັບເລື່ອງນີ້,” ຊຶ່ງທ່ານ Spicer ໄດ້ກ່າວໄວ້.