ປະທານາທິບໍດີທີ່ໄດ້ຮັບເລືອກໃໝ່ຂອງສະຫະລັດ ທ່ານ Donald Trump ໄດ້ເລືອກເອົາ ນາຍພົນເບ້ຍບຳນານທະຫານມາຣີນ James Mattis ເປັນລັດຖະມົນຕີກະຊວງປ້ອງກັນປະເທດ ແຕ່ນາຍພົນ Mattis ຍັງຈະຕ້ອງການ ໃຫ້ມີການປ່ຽນແປງ ກົດໝາຍຂອງລັດຖະ ບານກາງເສຍກ່ອນ ກ່ອນທີ່ທ່ານຈະສາມາດຮັບຕຳແໜ່ງນີ້ໄດ້.
ທ່ານ Trump ທີ່ໄປປາກົດໂຕໃນການໂຮມຊຸມນຸມສະຫຼອງໄຊຊະນະຫລັງການເລືອກຕັ້ງຢູ່ທີ່ນະຄອນ Cincinnati ລັດໂອຮາຍໂອໃນຄືນວັນພະຫັດນີ້ ໄດ້ປະກາດ ກ່ຽວກັບ ການຄັດເລືອກຂອງທ່ານຢ່າງເປັນທາງການ ຫລັງຈາກໄດ້ມີລາຍງານຂ່າວ ທີ່ບໍ່ໄດ້ຮັບການຢືນຢັນຂອງສື່ມວນຊົນ.
ທ່ານ Mattis ທີ່ໄດ້ຮັບຊື່ຫລິ້ນວ່າ “Mad Dog” ຍ້ອນການໃຫ້ຄວາມເຫັນຂອງທ່ານທີ່ ວ່າທ່ານມັກສູ້ລົບນັ້ນ ແມ່ນເປັນຜູ້ບັນຊາການທະຫານມາຣີນໃນການເຮັດສົງຄາມຢູ່ໃນອັຟການິສຖານແລະອີຣັກ.
ອະດີດເຈົ້າໜ້າທີ່ອະວຸໂສຂອງທຳນຽບຫ້າແຈ ກ່າວຕໍ່ໜັງສືພິມ Washington Post ວ່າ ທ່ານ Mattis ເປັນບຸກຄົນທີ່ໄດ້ຮັບການເຄົາລົບເປັນຢ່າງສູງ.
ເຈົ້າໜ້າທີ່ທ່ານນີ້ກ່າວວ່າ “ທ່ານເປັນນັກລົບ, ເປັນນັກວິຊາການ ແລະເປັນບຸກຄົນທີ່ສື່ສັດ ທ່ານເວົ້າຄວາມຈິງຕໍ່ທຸກໆຄົນ ແລະແນ່ນອນຈະເວົ້າຄວາມຈິງຕໍ່ຜູ້ບັນຊາການສູງສຸດຄົນໃໝ່ຂອງທ່ານ.”
ແຕ່ຖ້າຫາກທ່ານ Mattis ຈະຖືກຮັບຮອງເອົາໂດຍສະພາສູງສະຫະລັດ ລັດຖະສະພາຈຳເປັນຈະຕ້ອງໄດ້ຍົກເລີກກົດໝາຍ ທີ່ບັງຄັບໃຫ້ ລັດຖະມົນຕີກະຊວງປ້ອງກັນປະເທດລາອອກຈາກໜ້າທີ່ ມາໄດ້ຢ່າງໜ້ອຍ 7 ປີ. ທ່ານ Mattis ຫາກໍອອກ ກິນເບ້ຍບຳນານ ໃນປີ 2013.
Your browser doesn’t support HTML5
Trump Transition Mattis
ໃນວັນພະຫັດວານນີ້ ທ່ານ Trump ໄດ້ເດີີນທາງໄປຢ້ຽມຢາມພາກກາງຂອງສະຫະລັດເພື່ອສະເຫລີມສະຫລອງຮ່ວມກັບຜູ້ມີສິດປ່ອນບັດຈຳນວນນຶ່ງ ທີ່ໄດ້ສະໜັບສະໜຸນໃຫ້ທ່ານເຂົ້າໄປຮັບຕຳແໜ່ງທີ່ທຳນຽບຂາວ.
ການໄປຢ້ຽມຢາມ ລັດໂອຮາຍໂອ ແມ່ນບ່ອນຢຸດແວ່ ແຫ່ງທຳອິດ ໃນອັນທີ່ທ່ານເອີ້ນວ່າ “ການເດີນທາງໄປຂອບໃຈ” ພວກສະໜັບສະໜຸນທີ່ໄປປ່ອນບັດໃຫ້ ທ່ານໃນວັນເລືອກຕັ້ງ. ທ່ານ Trump ບໍ່ໄດ້ແຈ້ງໃຫ້ຊາບວ່າທ່ານຈະເດີນທາງໄປຢ້ຽມບ່ອນໃດແດ່ແຕ່ບ່ອນຢຸດແວ່ຫຼາຍໆແຫ່ງຄາດວ່າຈະມີຂຶ້ນໃນໄລຍະສອງສາມອາທິດຂ້າງໜ້ານີ້ຢູ່ໃນລັດຕ່າງໆ ທີ່ທ່ານໄດ້ຮັບໄຊຊະນະ.
ໃນຕອນເຊົ້າວັນພະຫັດວານນີ້ ທ່ານ Trump ໄດ້ໄປຢ້ຽມບໍລິສັດ ເຮັດເຄື່ອງປັບອາກາດ Carrier ຢູ່ລັດອິນດຽນນາ ຫລັງຈາກທ່ານ ແລະຮອງປະທານາທິບໍດີທີ່ໄດ້ຮັບເລືອກໃໝ່ ທ່ານ Mike Pence ຊຶ່ງເປັນຜູ້ປົກຄອງລັດອິນດຽນນາໃນເວລານີ້ຊັກຊວນໃຫ້ຄະນະບໍລິ ຫານຂອງບໍລິສັດ Carrier ດ້ວຍການຜ່ອນຜັນ ໃນດ້ານພາສີ 7 ລ້ານໂດລາ ເພື່ອຮັກສາວຽກການໄວ້ຢູ່ໃນລັດດັ່ງກ່າວ ເຖິງແມ່ນທາງບໍລິສັດໄດ້ສົ່ງສ່ວນອື່ນໆຂອງບໍລິສັດໄປຍັງເມັກຊິໂກ.