ທ່ານ Donald Trump ໃນວັນພະຫັດວານນີ້ ໄດ້ໃຫ້ຄຳໝັ້ນສັນຍາທີ່ຈະຍົກເລີກຂໍ້ຕົກລົງ ວ່າດ້ວຍດິນຟ້າອາກາດທີ່ປາຣີ ແລະສືບຕໍ່ດຳເນີນການຢ່າງແຂງຂັນໃນການພັດທະນາ ພະລັງງານເຊື້ອໄຟ ທີ່ມາຈາກຊາກພືດ ແລະສັດ ໃນລະຫວ່າງການກ່າວຄຳປາໄສຕໍ່ກອງ ປະຊຸມນ້ຳມັນທີ່ລັດ North Dakota.
ທ່ານໄດ້ກ່າວໂຈມຕີ ທ່າທີຂອງທ່ານນາງ Hillary Clinton ຜູ້ມີຄະແນນສຽງນຳໜ້າຂອງ ພັກເດໂມແຄຣັດ ກ່ຽວກັບນະໂຍບາຍພະລັງງານ ໂດຍກ່າວເຖິງ ຄວາມແຕກຕ່າງກັນຢ່າງ ຫລວງຫລາຍ ລະຫວ່າງບຸກຄົນທັງສອງ ກ່ຽວກັບບັນ ຫາທີ່ອາດເປັນພາກສ່ວນສຳຄັນໃນ ການເລືອກຕັ້ງທົ່ວໄປນັ້ນ.
ທ່ານ Trump ໄດ້ໃຫ້ຄວາມເຫັນດັ່ງກ່າວ ຢູ່ທີ່ລັດ ບ່ອນທີ່ການຜະລິດນ້ຳມັນ ແລະແກັສ ໄດ້ເພີ້ມຂຶ້ນ 10 ເທົ່າລື່ນທົດສະວັດແລ້ວ ໂດຍຊ່ວຍເຮັດໃຫ້ສະຫະ ລັດກາຍເປັນຜູ້ຜະລິດ ນ້ຳມັນເຊື້ອໄຟທີ່ມາຈາກຊາກພືດແລະສັດທີ່ໃຫຍ່ທີ່ສຸດໃນ ໂລກ.
ຮູບພາບທີ່ເຫັນໃນວັນທີ 10 ທັນວາ, 2015 ທີ່ນະຄອນປາຣີ ສະແດງໃຫ້ເຫັນຮ່າງຂໍ້ຕົກລົງ COP21 ຂອງສະຫະປະຊາຊາດ ກ່ຽວກັບການປ່ຽແປງດິນຟ້າອາກາດ.
ອີງຕາມທ່ານ Trump ແລ້ວ ການຫັນປ່ຽນນີ້ໄດ້ເກີດຂຶ້ນ ທັງໆທີ່ໄດ້ມີລະບຽບການໃໝ່ແລະການກີດກັນທາງດ້ານການເມືອງຢ່າງໃຫຍ່. ທ່ານກ່າວວ່າ ປະທາ ນາທິບໍດີບາຣັກ ໂອບາມາໄດ້ເຮັດໃຫ້ມີຄວາມຍຸ່ງຍາກເພີ້ມຂຶ້ນສຳລັບລັດ North Dakota ໃນຂະນະທີ່ລະບຽບການລາຄາແພງ ເຮັດໃຫ້ເປັນການຍາກຂຶ້ນນຳນັບ ມື້ທີ່ຈະໄດ້ກຳໄລ. ແລະພາຍໃຕ້ທ່ານນາງ Clinton ແລ້ວ ທ່ານກ່າວວ່າ ທຸກສິ່ງຢາກຈະຊຸດໂຊມລົງຕື່ມ.
ຜູ້ສະມັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton.
ໃນໄລຍະ 100 ມື້ທຳອິດທີ່ຢູ່ໃນຕຳແໜ່ງ ທ່ານ Trump ກ່າວວ່າ ທ່ານຈະຍົກເລີກກົດ ລະບຽບໃນການຂຸດເຈາະ ໂດຍຈະລົ້ມເລີກຂໍ້ຕົກລົງວ່າດ້ວຍການປ່ຽນແປງຂອງດິນຟ້າ ອາກາດທີ່ນະຄອນປາຣີ ແລະຍຸຕີການຈ່າຍເງິນສະໜັບສະໜຸນ ຕໍ່ໂຄງການຮັບມືກັບ ສະພາບອາກາດຮ້ອນເອົ້າຂອງສະຫະປະຊາຊາດ.
ພວກນັກເຄື່ອນໄຫວເພື່ອປົກປ້ອງສະພາບແວດລ້ອມປະນາມຄຳປາໄສຂອງທ່ານ Trump. ທ່ານ Seth Stein ໂຄສົກຂອງສັນນິບາດຄຸ້ມຄອງສິ່ງແວດລ້ອມຂອງ ບັນດາຜູ້ ມີສິດປ່ອນບັດກ່າວວ່າ ໂດຍພື້ນຖານແລ້ວ ທ່ານໄດ້ກ່າວໃນສິ່ງໃດທີ່ອຸດ ສາຫະກຳນ້ຳມັນ ແລະແກັສຕ້ອງການຢາກໄດ້ຍິນ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Trump Energy