ບັນດາເຈົ້າໜ້າທີ່ໃນອິນໂດເນເຊຍ ກ່າວວ່າ ໄດ້ມີການຊ່ວຍ
ຊີວິດມາໄດ້ ອີກ 13 ຄົນ ທີ່ເດີນທາງໄປກັບເຮືອທ່ອງທ່ຽວ
ຂ້າມຟາກ ທີ່ຈົມນ້ຳເມື່ອວັນເສົາຜ່ານມານັ້ນ.
ເຮືອລຳນ້ອຍ ທີ່ບັນຈຸຜູ້ໂດຍສານ 20 ຄົນ ແລະລູກເຮືອຊາວ
ອິນໂດເນເຊຍອີກ 5 ຄົນ ໄດ້ພິກຂວ້ຳລົງ ຫຼັງຈາກທີ່ໄດ້ຕຳກັບ
ໂຂດຫິນປະກາລັງໃຕ້ນ້ຳ ໃນຂະນະທີ່ເດີນທາງຢູ່ລະຫວ່າງ
ເກາະ Lombok ກັບເກາະ Komodo ທີ່ເປັນສະຖານທີ່ນິຍົມ
ຊົມຊອບຂອງບັນດານັກທ່ອງທ່ຽວ ຢູ່ນອກຝັ່ງກ້ຳຕາເວັນອອກ
ຂອງອິນໂດເນເຊຍ. ນັກທ່ອງທ່ຽວຊາວຕ່າງຊາດ 8 ຄົນ ແລະ
ລູກເຮືອທັງໝົດ 5 ຄົນ ໄດ້ຮັບການຊ່ວຍມາໄດ້ເມື່ອຕອນເຊົ້າ
ຂອງວັນຈັນມື້ນີ້ ຫຼັງຈາກທີ່ນັກທ່ອງທ່ຽວ 10 ຄົນ ໄດ້ຮັບການຊ່ວຍຊີວິດໄວ້ໄດ້ ໃນວັນ
ອາທິດວານນີ້.
ນັກທ່ອງທ່ຽວອີກ 2 ຄົນ ຍັງຊອກຫາບໍ່ພົບເທື່ອ.
ອຸບັດເຫດທາງເຮືອມັກເກີດຂຶ້ນຢູ່ສະເໝີ ໃນອິນໂດເນເຊຍ ປະເທດເກາະດອນ ທີ່ປະກອບດ້ວຍຫຼາຍພັນເກາະ.
Your browser doesn’t support HTML5
INDONESIA BOAT VO