ເຈົ້າໜ້າທີ່ສູງສຸດດ້ານສືບລັບ ສະຫະລັດ ກ່າວໃນວັນພະຫັດ
ວານນີ້ວ່າ ຈີນ “ເປັນຜູ້ຕ້ອງສົງໄສທີ່ສຳຄັນ” ໃນການສືບສວນ
ກ່ຽວກັບການໂຈມຕີເຈາະຂໍ້ມູນທາງອິນເຕີແນັດ ຂອງ ບັນດາ
ພະນັກງານລັດຖະບານກາງສະຫະລັດ.
ການໃຫ້ຄວາມເຫັນ ໂດຍຫົວໜ້າອົງການສືບລັບແຫ່ງຊາດ
ທ່ານ James Clapper ແມ່ນເປັນຄວາມເຫັນເທື່ອທຳອິດ
ຂອງເຈົ້າໜ້າທີ່ສະຫະລັດ ໄດ້ຊີ້ໂດຍກົງວ່າ ຈີນເປັນຜູ້ລັກຂະ
ໂມຍເອົາຂໍ້ມູນ.
“ທ່ານຄວນທີ່ຈະຄຳນັບຈີນ ໃນສິ່ງທີ່ເຂົາເຈົ້າໄດ້ກະທຳໄປ”
ທ່ານ Clapper ກ່າວຢູ່ກອງປະຊຸມສືບລັບທີ່ນະຄອນຫຼວງວໍຊິງຕັນ ຊຶ່ງອ້າງອີງເຖິງຄວາມ ຍາກລຳບາກຂອງການປະຕິບັດງານ.
ຖະແຫລງການໃນເວລາຕໍ່ມາຈາກຫ້ອງການຂອງທ່ານ Clapper ໄດ້ໃຫ້ການຢືນຢັນກ່ຽວ
ກັບ ການໃຫ້ຄວາມເຫັນດັ່ງກ່າວ ໃນຂະນະທີ່ກ່າວຢ້ຳວ່າ “ລັດຖະບານສະຫະລັດ ຍັງສືບ ສວນຕໍ່ໄປ” ໃນການລັກຂະໂມຍດັ່ງກ່າວ.
ສະຫະລັດ ຍັງບໍ່ທັນໄດ້ກ່າວຫາລັດຖະບານຈີນ ຢ່າງເປີດເຜີຍເທື່ອ ວ່າເປັນຜູ້ຢູ່ເບື້ອງຫລັງ
ການໂຈມຕີທາງອິນເຕີແນັດຕໍ່ຫ້ອງການຄຸ້ມຄອງພະນັກງານຂອງລັດຖະບານກາງຫຼື OPM ແຕ່ວ່າບັນດາເຈົ້າໜ້າທີ່ຝ່າຍຕ່າງໆ ໄດ້ກ່າວວ່າ ເຂົາເຈົ້າມີຄວາມເຊື່ອໝັ້ນຫຼາຍຂຶ້ນ
ວ່ານີ້ແມ່ນການໂຈມຕີຂອງຈີນ.
ສະຫະລັດ ໄດ້ຖິ້ມໂທດໃສ່ຈີນເປັນລຳດັບມາ ໃນການໂຈມຕີທາງອິນເຕີແນັດທີ່ສຳຄັນໆ
ຕໍ່ພະແນກການຕ່າງໆຂອງລັດຖະບານສະຫະລັດແລະບັນດາທຸລະກິດທີ່ມີຊື່ສຽງຫວ່າງບໍ່
ເທົ່າໃດປີຜ່ານມານີ້. ຈີນໄດ້ປະຕິເສດຢ່າງແຂງຂັນຕໍ່ການກ່າວຫາເຫຼົ່ານີ້.
ທ່ານ Clapper ກ່າວໃນວັນພະຫັດວານນີ້ວ່າ ການໂຈມຕີຕ່າງໆ ຕໍ່ເປົ້າໝາຍຂອງສະຫະ
ລັດ ມີທ່າທາງວ່າຈະດຳເນີນຕໍ່ໄປອີກ ຕາບໃດທີ່ວໍຊິງຕັນ ຍັງບໍ່ສາມາດເອົາມາດຕະການ
ປ້ອງກັນຢ່າງພຽງພໍ.
ໂຄສົກທຳນຽບຂາວ ທ່ານ Josh Earnest ກ່າວວ່າ ການສືບສວນຍັງດຳເນີນຢູ່ຕໍ່ໄປແລະ
ຍັງເປັນການໄວເກີນໄປຢູ່ທີ່ຈະຄາດການກ່ຽວກັບການຕອບ ໂຕ້ທີ່ອາດມີຂຶ້ນ.
Your browser doesn’t support HTML5
US China Cyber