ສະມາຊິກລັດຖະສະພານິຍົມແນວທາງເດີມ ທ່ານ Tony Abbott
ໄດ້ເຂົ້າສາບານຕົວເຂົ້າຮັບຕຳແໜ່ງເປັນນາຍົກລັດຖະມົນຕີຂອງ
ອ໊ອສເຕຣເລຍ ເຮັດໃຫ້ການປົກຄອງພາຍໃຕ້ການນຳພາຂອງ
ພັກແຮງງານເປັນເວລາ 6 ປີ ສິ້ນສຸດລົງ.
ທ່ານ Abbott ທີ່ຊະນະການເລືອກຕັ້ງໃນວັນທີ 7 ກັນຍາ ຜ່ານມານີ້
ໂດຍໄດ້ຮັບຄະແນນລື່ນນາຍົກລັດຖະມົນຕີຄົນກ່ອນ ທ່ານ Kevin
Rudd ນັ້ນ ໄດ້ສາບານຕົວເຂົ້າຮັບ ຕໍາແໜ່ງ ໃນວັນພຸດມື້ນີ້ ໃນພິທີ
ທີ່ຈັດຂຶ້ນຢູ່ທໍານຽບລັດຖະບານໃນນະຄອນ Canberra.
ຜູ້ນຳພັກແນວໂຮມເສລີແຫ່ງຊາດ ໄວ 55 ປີ ໄດ້ກ່າວໃນຄຳຖະແຫຼງ
ຂອງທ່ານວ່າ ມື້ທໍາອິດຂອງການເຂົ້າກໍາຕໍາແໜ່ງຂອງທ່ານນັ້ນ ບໍ່ແມ່ນເປັນພຽງແຕ່ເປັນພິທີ
ສະເຫຼີມສະຫຼອງເທົ່ານັ້ນ ແຕ່ມັນເປັນມື້ຂອງການປະຕິບັດງານ ແລະທ່ານຍັງໄດ້ໃຫ້ຄໍາໝັ້ນ
ສັນຍາວ່າຈະເລີ້ມລົງມືເຮັດວຽກເລີຍທັນທີ.
ທ່ານຍັງກ່າວອີກວ່າ ລາຍການອັນທໍາອິດຂອງທ່ານນັ້ນ ແມ່ນຈະຍົກເລີກພາສີຄາບອນທີ່
ລົງໂທດບໍລິສັດສ້າງຄວາມເປື້ອນເປິະລາຍໃຫຍ່ໆຂອງອ໊ອສເຕຣເລຍນັ້ນ. ທ່ານ Abbott
ຜູ້ຊຶ່ງເຄີຍໄດ້ຕັ້ງຄໍາຖາມ ກ່ຽວກັບຜົນກະທົບຕໍ່ມະນຸດເຮົາ ຈາກສະພາບອາກາດປ່ຽນແປງ
ຂອງໂລກນັ້ນ ຢາກຈະຈ່າຍເງິນໃຫ້ບັນດາບໍລິສັດທັງຫຼາຍເພີ້ມປະສິດທິພາບໃນການໃຊ້
ພະລັງງານຂອງພວກເຂົາເຈົ້າແທນ.
ນອກນັ້ນນາຍົກລັດຖະມົນຕີຍັງໄດ້ກ່າວວ່າ ກອງທັບເຮືອຂອງອ໊ອສເຕຣເລຍຈະເລີ້ມໃນ
ທັນທີ ສົ່ງກັບພວກຊອກສະແຫວງຫາບ່ອນລີ້ໄພທາງເຮືອ ພາຍໃຕ້ແຜນການປະຕິບັດ
ງານໃໝ່ ທີ່ເປັນບັນຫາໂຕ້ແຍ້ງທີ່ມີເປົ້າໝາຍຈະຫລຸດການຫລັ່ງໄຫລຂອງພວກຄຄົນ
ເຂົ້າເມືອງ ໄປຍັງປະເທດດັ່ງກ່າວ.
ນະໂຍບານໃໝ່ນີ້ ມີຮວມທັງ ການສະເໜີຊື້ເຮືອຫາປາໃນອິນໂດເນເຊຍບ່ອນທີ່ສ່ວນໃຫຍ່
ຂອງເຮືອເຫຼົ່ານີ້ມີຕົ້ນຕໍນັ້ນ ໃນຄວາມພະຍາຍາມເພື່ອບໍ່ໃຫ້ເຮືອເຫຼົ່ານີ້ຕົກຢູ່ໃນມືຂອງ
ພວກ ລັກລອບຄ້າມະນຸດ. ນອກນັ້ນແລ້ວຍັງຈະຈ່າຍເງິນໃຫ້ອິນໂດເນເຊຍ ສຳລັບຂ່າວ
ຕ່າງໆໃນການນໍາຫາຕົວການຂອງຜູ້ຢູ່ໃນການວາງແຜນການດັ່ງກ່າວນີ້ນໍາ.
ໄດ້ເຂົ້າສາບານຕົວເຂົ້າຮັບຕຳແໜ່ງເປັນນາຍົກລັດຖະມົນຕີຂອງ
ອ໊ອສເຕຣເລຍ ເຮັດໃຫ້ການປົກຄອງພາຍໃຕ້ການນຳພາຂອງ
ພັກແຮງງານເປັນເວລາ 6 ປີ ສິ້ນສຸດລົງ.
ທ່ານ Abbott ທີ່ຊະນະການເລືອກຕັ້ງໃນວັນທີ 7 ກັນຍາ ຜ່ານມານີ້
ໂດຍໄດ້ຮັບຄະແນນລື່ນນາຍົກລັດຖະມົນຕີຄົນກ່ອນ ທ່ານ Kevin
Rudd ນັ້ນ ໄດ້ສາບານຕົວເຂົ້າຮັບ ຕໍາແໜ່ງ ໃນວັນພຸດມື້ນີ້ ໃນພິທີ
ທີ່ຈັດຂຶ້ນຢູ່ທໍານຽບລັດຖະບານໃນນະຄອນ Canberra.
ຜູ້ນຳພັກແນວໂຮມເສລີແຫ່ງຊາດ ໄວ 55 ປີ ໄດ້ກ່າວໃນຄຳຖະແຫຼງ
ຂອງທ່ານວ່າ ມື້ທໍາອິດຂອງການເຂົ້າກໍາຕໍາແໜ່ງຂອງທ່ານນັ້ນ ບໍ່ແມ່ນເປັນພຽງແຕ່ເປັນພິທີ
ສະເຫຼີມສະຫຼອງເທົ່ານັ້ນ ແຕ່ມັນເປັນມື້ຂອງການປະຕິບັດງານ ແລະທ່ານຍັງໄດ້ໃຫ້ຄໍາໝັ້ນ
ສັນຍາວ່າຈະເລີ້ມລົງມືເຮັດວຽກເລີຍທັນທີ.
ທ່ານຍັງກ່າວອີກວ່າ ລາຍການອັນທໍາອິດຂອງທ່ານນັ້ນ ແມ່ນຈະຍົກເລີກພາສີຄາບອນທີ່
ລົງໂທດບໍລິສັດສ້າງຄວາມເປື້ອນເປິະລາຍໃຫຍ່ໆຂອງອ໊ອສເຕຣເລຍນັ້ນ. ທ່ານ Abbott
ຜູ້ຊຶ່ງເຄີຍໄດ້ຕັ້ງຄໍາຖາມ ກ່ຽວກັບຜົນກະທົບຕໍ່ມະນຸດເຮົາ ຈາກສະພາບອາກາດປ່ຽນແປງ
ຂອງໂລກນັ້ນ ຢາກຈະຈ່າຍເງິນໃຫ້ບັນດາບໍລິສັດທັງຫຼາຍເພີ້ມປະສິດທິພາບໃນການໃຊ້
ພະລັງງານຂອງພວກເຂົາເຈົ້າແທນ.
Your browser doesn’t support HTML5
AUSTRALIA POLITICS VOSOT.mov
ນອກນັ້ນນາຍົກລັດຖະມົນຕີຍັງໄດ້ກ່າວວ່າ ກອງທັບເຮືອຂອງອ໊ອສເຕຣເລຍຈະເລີ້ມໃນ
ທັນທີ ສົ່ງກັບພວກຊອກສະແຫວງຫາບ່ອນລີ້ໄພທາງເຮືອ ພາຍໃຕ້ແຜນການປະຕິບັດ
ງານໃໝ່ ທີ່ເປັນບັນຫາໂຕ້ແຍ້ງທີ່ມີເປົ້າໝາຍຈະຫລຸດການຫລັ່ງໄຫລຂອງພວກຄຄົນ
ເຂົ້າເມືອງ ໄປຍັງປະເທດດັ່ງກ່າວ.
ນະໂຍບານໃໝ່ນີ້ ມີຮວມທັງ ການສະເໜີຊື້ເຮືອຫາປາໃນອິນໂດເນເຊຍບ່ອນທີ່ສ່ວນໃຫຍ່
ຂອງເຮືອເຫຼົ່ານີ້ມີຕົ້ນຕໍນັ້ນ ໃນຄວາມພະຍາຍາມເພື່ອບໍ່ໃຫ້ເຮືອເຫຼົ່ານີ້ຕົກຢູ່ໃນມືຂອງ
ພວກ ລັກລອບຄ້າມະນຸດ. ນອກນັ້ນແລ້ວຍັງຈະຈ່າຍເງິນໃຫ້ອິນໂດເນເຊຍ ສຳລັບຂ່າວ
ຕ່າງໆໃນການນໍາຫາຕົວການຂອງຜູ້ຢູ່ໃນການວາງແຜນການດັ່ງກ່າວນີ້ນໍາ.