ພວກຫົວຮຸນແຮງໄດ້ໂຈມຕີຄ້າຍແຫ່ງນຶ່ງຂອງອົງການສະຫະ
ປະຊາຊາດໃນພາກເໜືອຂອງປະເທດມາລີໂດຍການຍິງຈະ
ຫລວດເຂົ້າໄປໃສ່ ທີ່ເຮັດໃຫ້ ກຳລັງຮັກສາສັນຕິພາບສະຫະ
ປະຊາຊາດ 2 ຄົນ ແລະພະນັກງານສັນຍາຈ້າງອີກຜູ້ນຶ່ງເສຍ
ຊີວິດ ອີງຕາມລາຍງານຂອງເຈົ້າໜ້າທີ່.
ໂຄສົກຂອງກຳລັງຮັກສາສັນຕິພາບສະຫະປະຊາຊາດກ່າວວ່າ
ນອກນັ້ນ ຍັງມີອີກຢ່າງນ້ອຍ 4 ຄົນ ໄດ້ຮັບບາດເຈັບສາຫັດ ໃນ
ການໂຈມຕີຢູ່ເມືອງກີດາລ ທີ່ມີຂຶ້ນໃນຕອນເຊົ້າມືດວັນເສົາມື້ນີ້.
ຍັງບໍ່ມີລາຍງານເທື່ອວ່າ ແມ່ນກຸ່ມໃດແທ້ ເປັນຜູ້ຮັບຜິດຊອບໃນ
ການໂຈມຕີດັ່ງກ່າວ ຊຶ່ງມີຂຶ້ນລຸນຫລັງທີ່ພວກຫົວຮຸນແຮງໄດ້ທຳການໂຈມຕີໂຮງແຮມຫລູ
ຫລາແຫ່ງນຶ່ງໃນນະຄອນຫລວງບາມາໂກ ເມື່ອອາທິດແລ້ວ ທີ່ເຮັດໃຫ້ 19 ຄົນເສຍຊີວິດ.
ກຸ່ມຫົວຮຸນແຮງ 2 ກຸ່ມ ໃນເຂດອາຟຣິກາຕາເວັນຕົກ ຊຶ່ງມີ ກຸ່ມອາລກາອີດາ ໃນເຂດອິສ
ລາມມາເກຣັບ ແລະເຄືອຂ່າຍຂອງກຸ່ມດັ່ງກ່າວ ທີ່ມີຊື່ວ່າ al-Mourabitoun ນັ້ນ ຕ່າງກໍ
ອ້າງເອົາຄວາມຮັບຜິດຊອບຮ່ວມກັນ ໃນການໂຈມຕີ ເມື່ອວັນທີ20 ພະຈິກ ທີ່ໂຮງແຮມ
Radisson Blu.
ໃນວັນສຸກວານນີ້ ກຳລັງພິເສດໃນມາລີ ໄດ້ຈັບຜູ້ຊາຍ 2 ຄົນທີ່ພົວພັນກັບການໂຈມຕີຢູ່ທີ່
ໂຮງແຮມດັ່ງກ່າວ.
ຄວາມຮຸນແຮງໄດ້ສະແດງໃຫ້ເຫັນເຖິງໄພຂົ່ມຂູ່ຈາກບັນດາກຸ່ມຫົວຕໍ່ສູ້ອິສລາມທີ່ຍັງມີຢູ່
ຕໍ່ມາໃນພາກເໜືອ ແລະພາກກາງຂອງມາລີ ທັງໆທີ່ສະຫະປະຊາຊາດມີໜ້າຢູ່ທີ່ນັ້ນ.
ກຳລັງທະຫານພາຍໃຕ້ການນຳພາຂອງຝຣັ່ງ ໄດ້ຂັບໄລ່ກຸ່ມຫົວຮຸນແຮງອິສລາມລົງຈາກ ອຳນາດໃນພາກເໜືອມາລີ ເມື່ອປີ 2013. ກຸ່ມຫົວຮຸນແຮງເຫລົ່ານີ້ ໄດ້ເຂົ້າຢຶດເອົາພາກ ເໜືອມາລີ ຫລັງຈາກມີການເຮັດລັດຖະປະຫານທີ່ນະຄອນຫລວງບາມາໂກ ໃນປີ 2012.