ບັນດາເຈົ້າໜ້າທີ່ ອີຕາລີ ໄດ້ເຕືອນວ່າ ຈຳນວນທີ່ເພີ້ມສູງຂຶ້ນ
ຂອງຊາວອົບພະຍົບຊອກວຽກ ຈາກອາຟຣິກາເໜືອ ທີ່ພະ
ຍາຍາມຈະໄປ ໃຫ້ຮອດ ໃຫ້ເຖິງແຄມຝັ່ງທະເລຂອງຢູໂຣບ
ໃນຫຼາຍໆມື້ຜ່ານມານີ້ ກຳລັງຂົ່ມຂູ່ຕໍ່ຄວາມໜ້າເຊື່ອຖື ຂອງ
ສະຫະພາບຢູໂຣບ. ຊາວອົບພະຍົບ ຫຼາຍສິບພັນຄົນ ໄດ້ພາ
ກັນສວຍໃຊ້ໂອກາດ ຈາກການຂາດສະຖຽນລະພາບ ໃນ
ປະເທດ Libya ເດີນທາງຂ້າມທະເລ Mediterranean ທີ່ເຕັມໄປດ້ວຍຄວາມອັນຕະລາຍ. ຜູ້ສື່ຂ່າວວີໂອເອ Henry
Ridgwell ມີລາຍງານຈາກ London ຊຶ່ງ ໄຊຈະເຣີນສຸກ ຈະ
ນຳມາສະເໜີທ່ານ.
ກອງທັບເຮືອອີຕາລີ ໄດ້ຊ່ວຍເອົາຊາວອົບພະຍົບຫຼາຍກວ່າ
5,000 ຄົນ ຂຶ້ນມາຈາກເຮືອກາງທະເລ ໃນທ້າຍອາທິດແລ້ວນີ້.
ວີດີໂອຂອງ ອີຕາລີ ສະແດງໃຫ້ເຫັນພາບ ຂອງກຳປັ່ນກອງທັບເຮືອ ຫຍັບເຂົ້າໄປໃກ້ເຮືອ
ຫຼາຍລຳທີ່ອັດແອໄປດ້ວຍຜູ້ຄົນ ລວມເຖິງພວກຜູ້ຍິງ ທີ່ກຳລັງຖືພາ ແລະເດັກເລັກເດັກນ້ອຍ.
ມີຮອດ 5 ຄົນ ເສຍຊີວິດ ເວລາເຮືອລໍານ້ອຍໆ ຂອງເຂົາເຈົ້າ ຫລົ້ມ ໃນຂະນະທີ່ເຂົາເຈົ້າ ກຳລັງຈະຂຶ້ນເຮືອທີ່ເຂົ້າໄປຊ່ອຍເຫຼືອນັ້ນ. ເຊື່ອກັນວ່າ ພວກເຂົາເຈົ້າເສຍຊີວິດ ຍ້ອນຖືກ
ເຮືອ ພິກຂວ້ຳທັບ.
ໂຄສົກຈາກ Frontex ຊຶ່ງເປັນອົງການ ກວດກາຊາຍແດນຂອງສະຫະ ພາບຢູໂຣບ ທ່ານ
ນາງ Ewa Moncure ທີ່ໄດ້ໂອ້ລົມກັບວີໂອເອທາງ Skype ເວົ້າວ່າ ການຫລັ່ງໄຫລເຂົ້າ
ມາຂອງຊາວອົບພະຍົບດັ່ງກ່າວ ໝາຍຄວາມວ່າ ປີ 2014 ແມ່ນຈະກາຍເປັນປີ ທີ່ມີຊາວ
ອົບພະຍົບເດີນທາງມາຮອດ ພາກໃຕ້ຂອງຢູໂຣບ ໃນຈຳນວນຫລວງຫລາຍຢ່າງເປັນປະຫວັດການ.
ທ່ານນາງ Ewa Moncure ເວົ້າວ່າ “ເວລານີ້ ຢູ່ໃນເຂດພາກກາງ ຂອງທະເລ
Mediterranean ພຽງແຫ່ງດຽວ ພວກເຮົາໄດ້ເຫັນຊາວອົບພະຍົບຫຼາຍກວ່າ
40,000 ຄົນແລ້ວ ເຂົ້າມາຈາກປະເທດລີເບຍເປັນຫຼັກ. ລີເບຍໄດ້ເປັນຈຸດຜ່ານ
ແລະ ຈຸດເດີນທາງອອກ ທີ່ສຳຄັນທີ່ສຸດ ສຳລັບຊາວອົບພະຍົບ ຈາກທົ່ວ
ອາຟຣິກາ.”
ຫຼາຍໆກຸ່ມທະຫານບ້ານປະກອບອາວຸດຢ່າງໜັກ ກຳລັງຍາດແຍ່ງກັນຢຶດເອົາອຳນາດ
ຢູ່ໃນລີເບຍ. ທ່ານນາງ Moncure ກ່າວວ່າ ຄວາມວຸ້ນວາຍທີ່ເກີດຂຶ້ນນັ້ນ ໄດ້ຊຸກຍູ້ໃຫ້
ມີການອົບພະຍົບຫລົບໜີອອກມາ ຫລາຍຂຶ້ນ.
ທ່ານນາງ Ewa Moncure ເວົ້າວ່າ “ການຄວບຄຸມຕາມຊາຍແດນໃນລີເບຍແມ່ນມີຂໍ້
ຈຳກັດຫຼາຍ ແລະ ພວກລັກລອບເອົາຄົນອອກຈາກປະເທດ ຊຶ່ງທຸລະກິດຂອງພວກ
ເຂົາແມ່ນໄລ່ເອົາເງິນຄ່າຈ້າງ ສຳຫລັບຈັດ ເອົາພວກອົບພະຍົບຂຶ້ນເຮືອ ແລະສົ່ງ
ໄປຍັງຢູໂຣບນັ້ນ ແມ່ນກຳລັງມີ ຊີວິດຢູ່ຢ່າງສະດວກສະບາຍຢູ່ທີ່ນັ້ນ ໃນຂະນະນີ້.”
ຊາວອົບພະຍົບທັງຫຼາຍ ແມ່ນພຽງແຕ່ຢາກມີຊີວິດທີ່ດີກວ່າເກົ່າຢູ່ໃນ ຢູໂຣບ. ແຕ່ກໍມີ
ຫຼາຍໆຄົນ ທີ່ຫລົບໜີ ຈາກການສູ້ລົບກັນ ໃນຫຼາຍໆບ່ອນ ເຊັ່ນ ໃນປະເທດ ຊີເຣຍ ແລະ
ອີຣິຕເທຣຍ.
ຫຼັງຈາກເຮືອຂອງອົບພະຍົບລຳນຶ່ງ ໄດ້ຈົມລົງຢູ່ນອກຝັ່ງທະເລຂອງອີຕາລີ ໃນເດືອນຕຸລາ
ປີແລ້ວນີ້ ເຮັດໃຫ້ປະມານ 360 ຄົນເສຍຊີວິດນັ້ນ ກອງທັບເຮືອອີຕາລີ ກໍໄດ້ຈັດຕັ້ງປະຕິບັດ
ການຊອກຫາແລະຊ່ອຍເຫຼືອຢ່າງຕໍ່ເນື່ອງ. ລັດຖະມົນຕີກະຊວງພາຍໃນຂອງອີຕາລີ ທ່ານ
Angelo Alfano ໄດ້ຮຽກຮ້ອງໄປຍັງ ບັນດາປະເທດອື່ນໆ ໃນສະຫະພາບຢູໂຣບ ໃຫ້ຊ່ວຍແບ່ງເບົາພາລະແບກຫາບດັ່ງກ່າວ.
ທ່ານ Angelo Alfano ເວົ້າວ່າ “ຈຳເປັນຕ້ອງບອກໃຫ້ຮູ້ບໍວ່າ ຢູ່ໃນ ທະເລ
Mediterranean ພວກເຮົາຕ້ອງການ ການແຊກແຊງຈາກ ບັນດາປະເທດໃນ
ຢູໂຣບ ໂດຍທີ່ມີການຕັດສິນໃຈອັນຈະແຈ້ງ ທີ່ຈະເອົາທຸງຂອງສະຫະພາບຢູໂຣບ
ປັກໃສ່ ການປະຕິບັດງານ ຊ່ອຍເຫຼືອນີ້ບໍ? ພວກທ່ານຕ້ອງການໃຫ້ພວກເຮົາ
ອະທິບາຍອີກຄັ້ງໜຶ່ງບໍວ່າ ພວກຄົນອົບພະຍົບເຫຼົ່ານີ້ ເຂົ້າມາເພື່ອຊອກຫາບ່ອນ
ອາໄສລີ້ໄພ ແລະ ຕ້ອງໃຫ້ບອກບໍວ່າ ພວກເຂົາເຈົ້າບໍ່ໄດ້ຢາກຢູ່ ໃນແຕ່ປະເທດ
ອີຕາລີ ແຕ່ຢາກໄປ ປະເທດອື່ນໆໃນຢູໂຣບນຳ?”
ກົດລະບຽບຂອງສະຫະພາບຢູໂຣບ ລະບຸວ່າ ພວກທີ່ຊອກຫາບ່ອນລີ້ໄພ ຕ້ອງສະໝັກຂໍ
ເອົາໃນປະເທດບ່ອນທີ່ພວກເຂົາມາຮອດໃນເບື້ອງຕົ້ນ. ບັນດາເຈົ້າໜ້າທີ່ ໃນປະເທດ
ມອລຕາ ແລະ ອີຕາລີ ກ່າວວ່າພວກເຂົາກຳລັງໄດ້ຮັບພາລະລົ້ນເຫຼືອເກີນໄປ ໃນການ
ຮັບມືກັບພວກອົບພະຍົບເຫລົ່ານີ້.ນອກນັ້ນແລ້ວ ຈຳນວນຊາວອົບພະຍົບນັ້ນ ທີ່ເສຍຊີວິດໄປ ກໍເພີ້ມຂຶ້ນ ທຸກໆອາທິດ.
ກອງທັບເຮືອສະຫະລັດ ໄດ້ຊ່ອຍເຫຼືອຊາວອົບພະຍົບເຫລົ່ານັ້ນ ເກືອບຮອດ 300 ຄົນ ໃນວັນເສົາ ອາທິດແລ້ວນີ້ ຫຼັງຈາກທີ່ໄດ້ຮັບສັນຍານຮ້ອງຂໍຄວາມຊ່ອຍເຫຼືອດ່ວນ ຈາກເຮືອລຳນຶ່ງທີ່ກຳລັງຈົມລົງຢູ່ໃນທະເລ Mediterranean ນອກຝັ່ງອີຕາລີ.
ບັນດາເຈົ້າໜ້າທີ່ສະຫະພາບຢູໂຣບ ກ່າວວ່າ ພວກເຂົາກຳລັງວາງແຜນຮັບມື ກັບການເພີ້ມ
ຂຶ້ນຂອງຊາວອົບພະຍົບ ເພາະວ່າ ຄວາມວຸ້ນວາຍທາງການເມືອງໃນ ລີເບຍ ສະແດງໃຫ້
ເຫັນຮ່ອງຮອຍໜ້ອຍຫລາຍວ່າ ຈະມີຄວາມທຸ່ນທ່ຽງຂຶ້ນ.
ຂອງຊາວອົບພະຍົບຊອກວຽກ ຈາກອາຟຣິກາເໜືອ ທີ່ພະ
ຍາຍາມຈະໄປ ໃຫ້ຮອດ ໃຫ້ເຖິງແຄມຝັ່ງທະເລຂອງຢູໂຣບ
ໃນຫຼາຍໆມື້ຜ່ານມານີ້ ກຳລັງຂົ່ມຂູ່ຕໍ່ຄວາມໜ້າເຊື່ອຖື ຂອງ
ສະຫະພາບຢູໂຣບ. ຊາວອົບພະຍົບ ຫຼາຍສິບພັນຄົນ ໄດ້ພາ
ກັນສວຍໃຊ້ໂອກາດ ຈາກການຂາດສະຖຽນລະພາບ ໃນ
ປະເທດ Libya ເດີນທາງຂ້າມທະເລ Mediterranean ທີ່ເຕັມໄປດ້ວຍຄວາມອັນຕະລາຍ. ຜູ້ສື່ຂ່າວວີໂອເອ Henry
Ridgwell ມີລາຍງານຈາກ London ຊຶ່ງ ໄຊຈະເຣີນສຸກ ຈະ
ນຳມາສະເໜີທ່ານ.
Your browser doesn’t support HTML5
ຟັງລາຍງານເລື້ອງ ຫຼາຍພັນຄົນໄດ້ຮັບການຊ່ອຍເຫຼືອຈາກທະເລ Mediterranean.
ກອງທັບເຮືອອີຕາລີ ໄດ້ຊ່ວຍເອົາຊາວອົບພະຍົບຫຼາຍກວ່າ
5,000 ຄົນ ຂຶ້ນມາຈາກເຮືອກາງທະເລ ໃນທ້າຍອາທິດແລ້ວນີ້.
ວີດີໂອຂອງ ອີຕາລີ ສະແດງໃຫ້ເຫັນພາບ ຂອງກຳປັ່ນກອງທັບເຮືອ ຫຍັບເຂົ້າໄປໃກ້ເຮືອ
ຫຼາຍລຳທີ່ອັດແອໄປດ້ວຍຜູ້ຄົນ ລວມເຖິງພວກຜູ້ຍິງ ທີ່ກຳລັງຖືພາ ແລະເດັກເລັກເດັກນ້ອຍ.
ມີຮອດ 5 ຄົນ ເສຍຊີວິດ ເວລາເຮືອລໍານ້ອຍໆ ຂອງເຂົາເຈົ້າ ຫລົ້ມ ໃນຂະນະທີ່ເຂົາເຈົ້າ ກຳລັງຈະຂຶ້ນເຮືອທີ່ເຂົ້າໄປຊ່ອຍເຫຼືອນັ້ນ. ເຊື່ອກັນວ່າ ພວກເຂົາເຈົ້າເສຍຊີວິດ ຍ້ອນຖືກ
ເຮືອ ພິກຂວ້ຳທັບ.
ໂຄສົກຈາກ Frontex ຊຶ່ງເປັນອົງການ ກວດກາຊາຍແດນຂອງສະຫະ ພາບຢູໂຣບ ທ່ານ
ນາງ Ewa Moncure ທີ່ໄດ້ໂອ້ລົມກັບວີໂອເອທາງ Skype ເວົ້າວ່າ ການຫລັ່ງໄຫລເຂົ້າ
ມາຂອງຊາວອົບພະຍົບດັ່ງກ່າວ ໝາຍຄວາມວ່າ ປີ 2014 ແມ່ນຈະກາຍເປັນປີ ທີ່ມີຊາວ
ອົບພະຍົບເດີນທາງມາຮອດ ພາກໃຕ້ຂອງຢູໂຣບ ໃນຈຳນວນຫລວງຫລາຍຢ່າງເປັນປະຫວັດການ.
ທ່ານນາງ Ewa Moncure ເວົ້າວ່າ “ເວລານີ້ ຢູ່ໃນເຂດພາກກາງ ຂອງທະເລ
Mediterranean ພຽງແຫ່ງດຽວ ພວກເຮົາໄດ້ເຫັນຊາວອົບພະຍົບຫຼາຍກວ່າ
40,000 ຄົນແລ້ວ ເຂົ້າມາຈາກປະເທດລີເບຍເປັນຫຼັກ. ລີເບຍໄດ້ເປັນຈຸດຜ່ານ
ແລະ ຈຸດເດີນທາງອອກ ທີ່ສຳຄັນທີ່ສຸດ ສຳລັບຊາວອົບພະຍົບ ຈາກທົ່ວ
ອາຟຣິກາ.”
ຫຼາຍໆກຸ່ມທະຫານບ້ານປະກອບອາວຸດຢ່າງໜັກ ກຳລັງຍາດແຍ່ງກັນຢຶດເອົາອຳນາດ
ຢູ່ໃນລີເບຍ. ທ່ານນາງ Moncure ກ່າວວ່າ ຄວາມວຸ້ນວາຍທີ່ເກີດຂຶ້ນນັ້ນ ໄດ້ຊຸກຍູ້ໃຫ້
ມີການອົບພະຍົບຫລົບໜີອອກມາ ຫລາຍຂຶ້ນ.
ທ່ານນາງ Ewa Moncure ເວົ້າວ່າ “ການຄວບຄຸມຕາມຊາຍແດນໃນລີເບຍແມ່ນມີຂໍ້
ຈຳກັດຫຼາຍ ແລະ ພວກລັກລອບເອົາຄົນອອກຈາກປະເທດ ຊຶ່ງທຸລະກິດຂອງພວກ
ເຂົາແມ່ນໄລ່ເອົາເງິນຄ່າຈ້າງ ສຳຫລັບຈັດ ເອົາພວກອົບພະຍົບຂຶ້ນເຮືອ ແລະສົ່ງ
ໄປຍັງຢູໂຣບນັ້ນ ແມ່ນກຳລັງມີ ຊີວິດຢູ່ຢ່າງສະດວກສະບາຍຢູ່ທີ່ນັ້ນ ໃນຂະນະນີ້.”
ຊາວອົບພະຍົບທັງຫຼາຍ ແມ່ນພຽງແຕ່ຢາກມີຊີວິດທີ່ດີກວ່າເກົ່າຢູ່ໃນ ຢູໂຣບ. ແຕ່ກໍມີ
ຫຼາຍໆຄົນ ທີ່ຫລົບໜີ ຈາກການສູ້ລົບກັນ ໃນຫຼາຍໆບ່ອນ ເຊັ່ນ ໃນປະເທດ ຊີເຣຍ ແລະ
ອີຣິຕເທຣຍ.
ຫຼັງຈາກເຮືອຂອງອົບພະຍົບລຳນຶ່ງ ໄດ້ຈົມລົງຢູ່ນອກຝັ່ງທະເລຂອງອີຕາລີ ໃນເດືອນຕຸລາ
ປີແລ້ວນີ້ ເຮັດໃຫ້ປະມານ 360 ຄົນເສຍຊີວິດນັ້ນ ກອງທັບເຮືອອີຕາລີ ກໍໄດ້ຈັດຕັ້ງປະຕິບັດ
ການຊອກຫາແລະຊ່ອຍເຫຼືອຢ່າງຕໍ່ເນື່ອງ. ລັດຖະມົນຕີກະຊວງພາຍໃນຂອງອີຕາລີ ທ່ານ
Angelo Alfano ໄດ້ຮຽກຮ້ອງໄປຍັງ ບັນດາປະເທດອື່ນໆ ໃນສະຫະພາບຢູໂຣບ ໃຫ້ຊ່ວຍແບ່ງເບົາພາລະແບກຫາບດັ່ງກ່າວ.
ທ່ານ Angelo Alfano ເວົ້າວ່າ “ຈຳເປັນຕ້ອງບອກໃຫ້ຮູ້ບໍວ່າ ຢູ່ໃນ ທະເລ
Mediterranean ພວກເຮົາຕ້ອງການ ການແຊກແຊງຈາກ ບັນດາປະເທດໃນ
ຢູໂຣບ ໂດຍທີ່ມີການຕັດສິນໃຈອັນຈະແຈ້ງ ທີ່ຈະເອົາທຸງຂອງສະຫະພາບຢູໂຣບ
ປັກໃສ່ ການປະຕິບັດງານ ຊ່ອຍເຫຼືອນີ້ບໍ? ພວກທ່ານຕ້ອງການໃຫ້ພວກເຮົາ
ອະທິບາຍອີກຄັ້ງໜຶ່ງບໍວ່າ ພວກຄົນອົບພະຍົບເຫຼົ່ານີ້ ເຂົ້າມາເພື່ອຊອກຫາບ່ອນ
ອາໄສລີ້ໄພ ແລະ ຕ້ອງໃຫ້ບອກບໍວ່າ ພວກເຂົາເຈົ້າບໍ່ໄດ້ຢາກຢູ່ ໃນແຕ່ປະເທດ
ອີຕາລີ ແຕ່ຢາກໄປ ປະເທດອື່ນໆໃນຢູໂຣບນຳ?”
ກົດລະບຽບຂອງສະຫະພາບຢູໂຣບ ລະບຸວ່າ ພວກທີ່ຊອກຫາບ່ອນລີ້ໄພ ຕ້ອງສະໝັກຂໍ
ເອົາໃນປະເທດບ່ອນທີ່ພວກເຂົາມາຮອດໃນເບື້ອງຕົ້ນ. ບັນດາເຈົ້າໜ້າທີ່ ໃນປະເທດ
ມອລຕາ ແລະ ອີຕາລີ ກ່າວວ່າພວກເຂົາກຳລັງໄດ້ຮັບພາລະລົ້ນເຫຼືອເກີນໄປ ໃນການ
ຮັບມືກັບພວກອົບພະຍົບເຫລົ່ານີ້.ນອກນັ້ນແລ້ວ ຈຳນວນຊາວອົບພະຍົບນັ້ນ ທີ່ເສຍຊີວິດໄປ ກໍເພີ້ມຂຶ້ນ ທຸກໆອາທິດ.
ກອງທັບເຮືອສະຫະລັດ ໄດ້ຊ່ອຍເຫຼືອຊາວອົບພະຍົບເຫລົ່ານັ້ນ ເກືອບຮອດ 300 ຄົນ ໃນວັນເສົາ ອາທິດແລ້ວນີ້ ຫຼັງຈາກທີ່ໄດ້ຮັບສັນຍານຮ້ອງຂໍຄວາມຊ່ອຍເຫຼືອດ່ວນ ຈາກເຮືອລຳນຶ່ງທີ່ກຳລັງຈົມລົງຢູ່ໃນທະເລ Mediterranean ນອກຝັ່ງອີຕາລີ.
ບັນດາເຈົ້າໜ້າທີ່ສະຫະພາບຢູໂຣບ ກ່າວວ່າ ພວກເຂົາກຳລັງວາງແຜນຮັບມື ກັບການເພີ້ມ
ຂຶ້ນຂອງຊາວອົບພະຍົບ ເພາະວ່າ ຄວາມວຸ້ນວາຍທາງການເມືອງໃນ ລີເບຍ ສະແດງໃຫ້
ເຫັນຮ່ອງຮອຍໜ້ອຍຫລາຍວ່າ ຈະມີຄວາມທຸ່ນທ່ຽງຂຶ້ນ.