ພວກນັກເຄື່ອນໄຫວຢູເຄຣນຫຼາຍພັນຄົນ ໄດ້ໄປໂຮມຊຸມນຸມ
ກັນ ໃນນະຄອນຫຼວງ Kyiv ໃນມື້ວານນີ້ ໃນການສືບຕໍ່ຂະບວນ
ການປະທ້ວງຂະໜາດໃຫຍ່ໃນປີແລ້ວນີ້ ຕໍ່ຕ້ານການຕັດສິນໃຈ
ຂອງລັດຖະບານ ທີ່ປະຖິ້ມການມີສາຍພົວພັນທີ່ໃກ້ຊິດຂຶ້ນກັບ
ສະຫະພາບຢູໂຣບ ແລະຫັນໄປເພີ່ມທະວີການຮ່ວມມືກັນຫຼາຍ
ຂຶ້ນ ກັບຣັດເຊຍນັ້ນ.
ການໂຮມຊຸມນຸມໃນວັນອາທິດວານນີ້ ໄດ້ດຶງດູດເອົາພວກປະ
ທ້ວງປະມານ 50 ພັນຄົນໄປເຕົ້າໂຮມກັນ ຢູ່ທີ່ຈະຕຸລັດເອກກະ
ລາດຫຼື Independence Square ແລະມີຂຶ້ນໃນເວລາພຽງ
ບໍ່ເທົ່າໃດມື້ ຫຼັງຈາກຕຳຫຼວດໄດ້ປະທະກັນກັບພວກປະທ້ວງ
ເຮັດໃຫ້ຫຼາຍສິບຄົນໄດ້ຮັບບາດເຈັບ ໂຮມທັງທ່ານ Yuriy Lutsenko ຜູ້ນຳຝ່າຍຄ້ານທີ່
ໄດ້ຮັບບາດເຈັບສາຫັດ.
ໃນລະຫວ່າງການໂຮມຊຸມນຸມປະທ້ວງ ຜູ້ນຳຝ່າຍຄ້ານແລະອະດີດແຊ້ມມວຍ ທ່ານ Vitali Klitschko ໄດ້ຮຽກຮ້ອງໃຫ້ປະຊາຊົນຢູເຄຣນ ສືບຕໍ່ທຳການເດີນຂະບວນປະທ້ວງຕາມ
ຖະໜົນຫົນທາງ ແລະຮຽກຮ້ອງໃຫ້ມີການນັດຢຸດງານໃນທົ່ວປະເທດ.
ຜູ້ນຳຝ່າຍຄ້ານອີກຄົນນຶ່ງ ຄືທ່ານ Arseny Yatsenyuk ໄດ້ຮຽກຮ້ອງໃຫ້ພວກປະເທດ
ຝ່າຍຕາເວັນຕົກ ທໍາການລົງໂທດຕໍ່ບັນດາເຈົ້າໜ້າທີ່ຂັ້ນສູງສຸດຂອງຢູເຄຣນ.
ພວກປະທ້ວງຕໍ່ຕ້ານລັດຖະບານ ໄດ້ພາກັນລົງສູ່ຕາມຖະໜົນຫົນທາງສາຍຕ່າງໆໃນນະ
ຄອນຫລວງ Kyiv ແລະຫົວເມືອງຕ່າງໆຂອງຢູເຄຣນ ມາຕັ້ງແຕ່ເດືອນພະຈິກປີກາຍນີ້
ເວລາປະທານາທິບໍດີ Viktor Yanukovich ປ່ຽນທ່າທີ ແລະບໍ່ຍອມລົງນາມໃນຂໍ້ຕົກ
ລົງການຄ້າສະບັບນຶ່ງກັບສະຫະພາບຢູໂຣບ ແລະຫັນປ່ຽນໄປຜູກຄວາມສຳພັນທີ່ແຂງ
ແຮງຂຶ້ນກັບຣັດເຊຍ. ນັບແຕ່ນັ້ນມາ ກຸງມົສກູໄດ້ໃຫ້ຄຳໝັ້ນສັນຍາທີ່ຈະຮັບຊື້ໜີ້ສິນ ມູນ
ຄ່າ 15 ພັນລ້ານໂດລາຂອງຢູເຄຣນ ແລະຕັດລາຄາແກ໊ສຂອງຣັດເຊຍທີ່ສົ່ງໄປຂາຍໃຫ້
ຢູເຄຣນນັ້ນລົງ ເພື່ອຊ່ວຍຟື້ນຟູເສດຖະກິດຂອງຢູເຄຣນ ທີ່ພວມດິ້ນຮົນຢູ່ນັ້ນ ໃຫ້ແຂງ
ແຮງຂຶ້ນ.
ກັນ ໃນນະຄອນຫຼວງ Kyiv ໃນມື້ວານນີ້ ໃນການສືບຕໍ່ຂະບວນ
ການປະທ້ວງຂະໜາດໃຫຍ່ໃນປີແລ້ວນີ້ ຕໍ່ຕ້ານການຕັດສິນໃຈ
ຂອງລັດຖະບານ ທີ່ປະຖິ້ມການມີສາຍພົວພັນທີ່ໃກ້ຊິດຂຶ້ນກັບ
ສະຫະພາບຢູໂຣບ ແລະຫັນໄປເພີ່ມທະວີການຮ່ວມມືກັນຫຼາຍ
ຂຶ້ນ ກັບຣັດເຊຍນັ້ນ.
ການໂຮມຊຸມນຸມໃນວັນອາທິດວານນີ້ ໄດ້ດຶງດູດເອົາພວກປະ
ທ້ວງປະມານ 50 ພັນຄົນໄປເຕົ້າໂຮມກັນ ຢູ່ທີ່ຈະຕຸລັດເອກກະ
ລາດຫຼື Independence Square ແລະມີຂຶ້ນໃນເວລາພຽງ
ບໍ່ເທົ່າໃດມື້ ຫຼັງຈາກຕຳຫຼວດໄດ້ປະທະກັນກັບພວກປະທ້ວງ
ເຮັດໃຫ້ຫຼາຍສິບຄົນໄດ້ຮັບບາດເຈັບ ໂຮມທັງທ່ານ Yuriy Lutsenko ຜູ້ນຳຝ່າຍຄ້ານທີ່
ໄດ້ຮັບບາດເຈັບສາຫັດ.
ໃນລະຫວ່າງການໂຮມຊຸມນຸມປະທ້ວງ ຜູ້ນຳຝ່າຍຄ້ານແລະອະດີດແຊ້ມມວຍ ທ່ານ Vitali Klitschko ໄດ້ຮຽກຮ້ອງໃຫ້ປະຊາຊົນຢູເຄຣນ ສືບຕໍ່ທຳການເດີນຂະບວນປະທ້ວງຕາມ
ຖະໜົນຫົນທາງ ແລະຮຽກຮ້ອງໃຫ້ມີການນັດຢຸດງານໃນທົ່ວປະເທດ.
ຜູ້ນຳຝ່າຍຄ້ານອີກຄົນນຶ່ງ ຄືທ່ານ Arseny Yatsenyuk ໄດ້ຮຽກຮ້ອງໃຫ້ພວກປະເທດ
ຝ່າຍຕາເວັນຕົກ ທໍາການລົງໂທດຕໍ່ບັນດາເຈົ້າໜ້າທີ່ຂັ້ນສູງສຸດຂອງຢູເຄຣນ.
ພວກປະທ້ວງຕໍ່ຕ້ານລັດຖະບານ ໄດ້ພາກັນລົງສູ່ຕາມຖະໜົນຫົນທາງສາຍຕ່າງໆໃນນະ
ຄອນຫລວງ Kyiv ແລະຫົວເມືອງຕ່າງໆຂອງຢູເຄຣນ ມາຕັ້ງແຕ່ເດືອນພະຈິກປີກາຍນີ້
ເວລາປະທານາທິບໍດີ Viktor Yanukovich ປ່ຽນທ່າທີ ແລະບໍ່ຍອມລົງນາມໃນຂໍ້ຕົກ
ລົງການຄ້າສະບັບນຶ່ງກັບສະຫະພາບຢູໂຣບ ແລະຫັນປ່ຽນໄປຜູກຄວາມສຳພັນທີ່ແຂງ
ແຮງຂຶ້ນກັບຣັດເຊຍ. ນັບແຕ່ນັ້ນມາ ກຸງມົສກູໄດ້ໃຫ້ຄຳໝັ້ນສັນຍາທີ່ຈະຮັບຊື້ໜີ້ສິນ ມູນ
ຄ່າ 15 ພັນລ້ານໂດລາຂອງຢູເຄຣນ ແລະຕັດລາຄາແກ໊ສຂອງຣັດເຊຍທີ່ສົ່ງໄປຂາຍໃຫ້
ຢູເຄຣນນັ້ນລົງ ເພື່ອຊ່ວຍຟື້ນຟູເສດຖະກິດຂອງຢູເຄຣນ ທີ່ພວມດິ້ນຮົນຢູ່ນັ້ນ ໃຫ້ແຂງ
ແຮງຂຶ້ນ.