ພວກນັກເຄືື່ອນໄຫວສິ່ງແວດລ້ອມ ຫຼາຍພັນຄົນ ໄດ້ເດີນຂະບວນໃນນະຄອນຫຼວງ ແລະ ປະມານ 300 ຕົວເມືອງທົ່ວປະເທດ ສະຫະລັດ ໃນວັນເສົາວານນີ້, ເຊິ່ງເປັນຄວາມພະ
ຍາຍາມເພື່ອດຶງດູດການສະໜັບສະໜູນ ສຳລັບສາເຫດທີ່ກ່ຽວຂ້ອງກັບສະພາບອາກາດ.
ການໂຮມຊຸມນຸມ, ທີ່ເອີ້ນວ່າ ເປັນການເດີນຂະບວນ ກ່ຽວກັບສະພາບອາກາດຂອງປະ
ຊາຊົນ ແມ່ນມີເຈຕະນາທີ່ຈະຈັດຂຶ້ນເພື່ອໃຫ້ມີຂຶ້ນພ້ອມກັນກັບການດຳລົງຕຳແໜ່ງ ຄົບ
ຮອບ 100 ວັນ ຂອງປະທານາທິບໍດີ ທຣຳ, ອີງຕາມການກ່າວຂອງຜູ້ຈັດການໂຮມຊຸມ
ນຸມ ທີ່ໄດ້ກ່າວປະນາມສິ່ງທີ່ພວກເຂົາເຈົ້າໄດ້ເຫັນນັ້ນວ່າ ເປັນການຂາດຄວາມເປັນຫ່ວງ ສຳລັບບັນຫາສິ່ງແວດລ້ອມຂອງລັດຖະບານ. ພວກເຂົາເຈົ້າໄດ້ກ່າວວ່າ ພວກເຂົາເຈົ້າ
ໄດ້ຄັດຄ້ານຕໍ່ການຍົກເລີກການຫ້າມຂຸດຄົ້ນບໍ່ແຮ່, ເຈາະນໍ້າມັນ ແລະ ການປ່ອຍແກ໊ສ
ເຮືອນແກ້ວ ທີ່ເປັນພິດຢູ່ໂຮງໄຟຟ້າຖ່ານຫີນ ແລະ ສິ່ງອື່ນໆ.
ພວກນັກເຄື່ອນໄຫວກ່ຽວກັບສະພາບອາກາດເພື່ອປະຊາຊົນ, ເຊິ່ງເປັນການລວມຕົວກັນ ຂອງກຸ່ມນັກເຄື່ອນໄຫວຕ່າງໆ 50 ກຸ່ມ ໄດ້ກ່າວໃນຖະແຫຼງການສະບັບໜຶ່ງວ່າ “ນະໂຍ ບາຍຂອງລັດຖະບານທ່ານ ທຣຳ ແມ່ນຄວາມຫາຍານະສຳລັບສະພາບອາກາດ ແລະ ປະຊາຄົມຂອງພວກເຮົາ ໂດຍສະເພາະແມ່ນຜູ້ທີ່ມີລາຍໄດ້ຕໍ່າ ແລະ ຊຸມຊົນຂອງຄົນ
ຜິວດຳ ຜູ້ທີ່ຢູ່ໃນແຖວໜ້າຂອງວິກິດການນີ້.”
ພວກປະທ້ວງໄດ້ເດີນຂະບວນຈາກຕຶກລັດຖະສະພາ ສະຫະລັດ ໄປຫາ ທຳນຽບຂາວ, ບ່ອນທີ່ພວກເຂົາເຈົ້າໄດ້ຈັດການຊຸມນຸມກັນ. ມີການເດີນຂະບວນ ຫຼື ການຊຸມນຸມຂອງ
“ແມ່ຊີ” ໄດ້ຂຶ້ນໃນຕົວເມືອງຕ່າງໆ ປະມານ 300 ບ່ອນ ນັບຈາກນະຄອນ Seattle ຫາ
ນະຄອນ Boston. ໃນນະຄອນຫຼວງ ວໍຊິງຕັນ, ພວກເດີນຂະບວນໄດ້ສູ້ທົນກັບອຸນຫະ
ພູມທີ່ຮ້ອນກວ່າ 30 ອົງສາແຊລເຊີສ, ໃນຂະນະທີ່ນະຄອນ Denver, ຫິມະໄດ້ຕົກໃສ່
ພວກນັກເຄື່ອນໄຫວຫຼາຍຮ້ອຍຄົນ ຜູ້ທີ່ອອກໄປເຕົ້າໂຮມກັນ.
ກຸ່ມຂອງອົງການທີ່ເຮັດວຽກຮ່ວມກັນໄດ້ຈັດຕັ້ງຄະນະກຳມະການອຳນວຍການຂອງການ
ໂຮມຊຸມນຸມຂຶ້ນມາ ເຊິ່ງສ່ວນໃຫຍ່ປະກອບມີກຸ່ມສິ່ງແວດລ້ອມ, ແຕ່ກໍຍັງລວມມີສະຫະ
ພັນການຄ້າຫຼາຍອົງການ, ກຸ່ມຕໍ່ຕ້ານສົງຄາມ ແລະ ກຸ່ມສົ່ງເສີມຄົນກຸ່ມນ້ອຍ, ເຊັ່ນສະມາ
ຄົມສົ່ງເສີມຄົນຜິວດຳ NAACP.
ການມີໜ້າຂອງອົງການຂອງຜູ້ສະໜັບສະໜູນທີ່ບໍ່ກ່ຽວຂ້ອງກັບສະພາບອາກາດຈຳນວນ
ຫຼວງຫຼາຍ ໄດ້ສະທ້ອນໃຫ້ເຫັນ “ພື້ນຖານ” ຂອງກຸ່ມດັ່ງກ່າວ, ເຊິ່ງໄດ້ຈົດລາຍຊື່ຂອງບັນ
ຫາຕ່າງໆ ທີ່ພວກນັກເຄື່ອນໄຫວເຫັນວ່າມີຄວາມສຳຄັນ ແຕ່ບໍ່ໄດ້ຖືກແກ້ໄຂຢ່າງພຽງພໍ
ໂດຍລັດຖະບານຂອງທ່ານ ທຣຳ.
Your browser doesn’t support HTML5
People's Climate March Brings Thousands to Washington