ກຸ່ມສີ້ງຊອມບັນຫາຂັດແຍ້ງ ຢູ່ໃນຊີເຣຍກຸ່ມນຶ່ງ ກ່າວວ່າ ການ
ໂຈມຕີທາງອາກາດຂອງລັດຖະບານໄດ້ເຮັດໃຫ້ພົນລະເຮືອນ
ເສຍຊີວິດ 37 ຄົນຢູ່ໃນເຂດຄວບຄຸມໂດຍພວກນັກລົບລັດອິສ
ລາມ.
ກຸ່ມສິ້ງຊອມສິດທິມະນຸດໃນຊີເຣຍ ກ່າວວ່າ ເດັກນ້ອຍເຈັດຄົນ
ແລະຜູ້ຍິງສອງຄົນ ຮວມຢູ່ໃນພວກທີ່ຖືກຂ້າຕາຍ ຈາກການ
ໂຈມຕີ ທີ່ເມືອງ Al-Bab ແລະເມືອງ Qabasseen ທີ່ຢູ່ໃກ້ໆ
ນັ້ນ.
ກຸ່ມສິ້ງຊອມສິດທິມະນຸດທີ່ມີຫ້ອງການຢູ່ອັງກິດດັ່ງກ່າວ ກ່ອນ
ໜ້ານີ້ໄດ້ລາຍງານ ກ່ຽວກັບການເສຍຊີວິດ ໃນໂຈມຕີເມື່ອວັນພະຫັດວານນີ້ວ່າ ມີ 21 ຄົນ.
ເຂດເມືອງ Aleppo ໃນພາກຕາເວັນອອກສຽງເໜືອຂອງປະເທດ ທີ່ຖືກຄວບຄຸມໂດຍ
ພວກຫົວຮຸນແຮງລັດອິສລາມນັ້ນ ໄດ້ຕົກເປັນເປົ້າໝາຍຊໍ້າແລ້ວຊໍ້າອີກ ໃນການຖີ້ມລະ
ເບີດໂຈມຕີຈາກລັດຖະບານ.
ການໂຈມຕີທາງອາກາດຂອງແນວໂຮມ ພາຍໃຕ້ການນຳພາຂອງສະຫະລັດ ຍັງເປັນການ
ພະຍາຍາມເພື່ອຂັບໄລ່ພວກກະບົດລັດອິສລາມ ອອກຈາກທີ່ໝັ້ນຂອງເຂົາເຈົ້າ ໃນພາກ
ຕາເວັນອອກສຽງເໜືອຊີເຣຍ ແລະພາກເໜືອອີຣັກນຳດ້ວຍ.
ໃນຕົ້ນອາທິດນີ້ ພວກຫົວຮຸນແຮງລັດອິສລາມ ໄດ້ຈັບໂຕນັກບິນຈໍແດນຄົນນຶ່ງ ທີ່ເຮືອບິນ
ຂອງລາວໄດ້ຕົກ ໃກ້ກັບເມືອງ Raqqa ຂອງຊີເຣຍ.
ບັນດາເຈົ້າໜ້າທີ່ທະຫານຂອງສະຫະລັດແລະຈໍແດນ ໄດ້ຮັບຮູ້ວ່າເຮືອບິນໄດ້ຕົກແທ້ ແຕ່
ໂຕ້ແຍ້ງຕໍ່ການກ່າວອ້າງ ຂອງພວກຫົວຮຸນແຮງ ທີ່ເວົ້າວ່າຕົນເປັນຜູ້ຍິງເຮືອບິນຕົກ.
Your browser doesn’t support HTML5
ISLAMIC STATE SOTVO