ກຸ່ມປົກປ້ອງສິດທິມະນຸດ Human Rights Watch
ກ່າວວ່າ ລັດຖະບານໄທ ບໍ່ໄດ້ດຳເນີນການສືບສວນ
ຢ່າງຄົບຖ້ວນ ກ່ຽວກັບຄວາມຮຸນແຮງທາງດ້ານການ
ເມືອງໃນປີກາຍນີ້ທີ່ໄດ້ມີການຖິ້ມໂທດໃສ່ທັງພວກທະ
ຫານແລະພວກປະທ້ວງຝ່າຍຄ້ານນັ້ນ.
ໃນປີກາຍນີ້ ພວກປະທ້ວງຕໍ່ຕ້ານລັດຖະບານ ທີ່ຮູ້ກັນ
ໃນນາມພວກເສື້ອແດງ ຫລື ນປຊ ຈຳນວນຫຼາຍພັນ
ຄົນໄດ້ເຂົ້າຢຶດຄອງຖະໜົນຫົນທາງສາຍຕ່າງໆໃນເຂດ
ບາງກອກ ເພື່ອຮຽກຮ້ອງໃຫ້ມີການເລືອກຕັ້ງໃໝ່. ຫຼັງ
ຈາກໄດ້ມີການປະເຊີນໜ້າກັນເປັນເວລານຶ່ງເດືອນຄືແຕ່
ເດືອນມີນາຫາເດືອນພຶດສະພານັ້ນ ລັດຖະບານ ໄດ້ສັ່ງ
ໃຫ້ພວກທະຫານຫາທາງຢຸດເຊົາການປະທ້ວງ. ການ
ປະທະກັນທີ່ຕິດຕາມມາເຮັດໃຫ້ມີຜູ້ເສຍຊີວິດ 90 ຄົນ ຊຶ່ງສ່ວນໃຫຍ່ແລ້ວແມ່ນເປັນພົນລະເຮືອນ.
ທ່ານ Brad Adams ຜູ້ອຳນວຍການຝ່າຍເອເຊຍຂອງກຸ່ມປົກປ້ອງສິດທິມະນຸດ Human
Rights Watch ກ່າວຕໍ່ກອງປະຊຸມຖະແຫຼງຂ່າວທີ່ບາງກອກໃນວັນອັງຄານວານນີ້ວ່າເປັນ
ທີ່ປາກົດວ່າພວກມືປືນຂອງທະຫານໄດ້ແນເປົ້າໝາຍໃສ່ພົນລະເຮືອນ.
ທ່ານ Adams ເວົ້າວ່າ "ລັດຖະບານຈະເວົ້າງ່າຍໆບໍ່ໄດ້ວ່າ ຖ້າມກາງຄວາມສັບ
ສົນວຸ້ນວາຍ ໃນການດໍາເນີນຄວາມພະຍາຍາມ ເພື່ອກຳຈັດພວກປະທ້ວງໃຫ້
ໝົດໄປຈາກຖະໜົນຫົນທາງຕ່າງໆ ໃນບາງກອກນັ້ນພວກທະຫານຈຳນວນນຶ່ງ
ອາດໄດ້ປະຕິບັດການເກີນຄໍາສັ່ງ. ລັດຖະບານເປັນຜູ້ອອກຄຳສັ່ງເຫຼົ່ານີ້ ແລະ ທາງກອງທັບເປັນຜູ້ສົ່ງມືປືນໄປປະຈຳຢູ່ຕາມຈຸດຕ່າງໆແລ້ວກໍມີຜູ້ຄົນເສຍຊີວິດ."
ທ່ານ Adams ກ່າວວ່າ ປະວັດໃນການບໍ່ຖືກລົງໂທດຂອງກອງທັບພວມເປັນອຸບປະສັກ
ຂັດຂວາງຕໍ່ການປົກຄອງດ້ວຍຕົວບົດກົດໝາຍແລະປະຊາທິປະໄຕຂອງໄທ.
ທ່ານກ່າວວ່າ ພວກທະຫານບໍ່ໄດ້ເອົາຫົວຊາ ນໍາຄະນະກຳມາທິການກວດສອບແລະຄົ້ນ ຫາຄວາມຈິງເພື່ອຄວາມປອງດອງຊາດທີ່ລັດຖະບານໄດ້ແຕ່ງຕັ້ງຂຶ້ນມານັ້ນແລະຄະນະກໍາ
ມາທິການດັ່ງກ່າວ ກໍບໍ່ໄດ້ຮັບຊັບພະຍາກອນພຽງພໍ ເພື່ອດຳດເນີການສືບສວນຢ່າງຄົບ
ຖ້ວນ ຊຶ່ງທ່ານທານີ ທອງພັກດີໂຄສົກຂອງກະຊວງການຕ່າງປະເທດໄທໄດ້ກ່າວປ້ອງກັນ
ດັ່ງນີ້.
ທ່ານທານີເວົ້າວ່າ "ເຫດການທີ່ເກີດຂຶ້ນນັ້ນແມ່ນສັບສົນວຸ້ນວາຍຫຼາຍແລະມີກໍລະນີ
ຈຳນວນນຶ່ງທີ່ຍັງບໍ່ທັນຈະແຈ້ງ ທັງຈາກການໃຫ້ການ ຂອງພວກພະຍານ ແລະ
ຈາກຫຼັກຖານທາງດ້ານນິຕິເວດ ກ່ຽວກັບວ່າ ແມ່ນພວກໃດຢູ່ເບື້ອງຫລັງກໍລະນີ
ການເສຍຊີວິດ ແລະບາດເຈັບຕ່າງໆ. ຂ້າພະເຈົ້າຂໍກ່າວເນັ້ນອີກວ່າ ການສືບ
ສວນຍັງບໍ່ທັນອັດລົງເທື່ອ. ມັນຍັງດໍາ ນີນໄປຢູ່ໃນເວລານີ້ແລະພວກເຮົາຫວັງວ່າ ການສະຫລຸບຄົງຈະມີຂຶ້ນໃນໄວໆນີ້."
ກຸ່ມປົກປ້ອງສິດທິມະນຸດ Human Rights Watch ຍັງໄດ້ຕຳໜິຕິຕຽນພວກຜູ້ນຳກຸ່ມເສື້ອ
ແດງບາງຄົນນໍາກ່ຽວກັບຄວາມຮຸນແຮງທີ່ໄດ້ເກີດຂຶ້ນ ໂດຍເວົ້າວ່າຜູ້ນຳບາງຄົນຂອງກຸ່ມເສື້ອ
ແດງໄດ້ໃຫ້ການສະໜັບສະໜຸນຢ່າງເປີດແປນຕໍ່ກຸ່ມກຳລັງປະກອບອາວຸດທີ່ເອີ້ນກັນວ່າພວກ
“ເສື້ອດຳ” ທີ່ອອກມາປະທະກັບພວກທະຫານໄທນັ້ນ.
ກຸ່ມ Human Rights Watch ກ່າວຕໍ່ໄປວ່າ ແລະໃນຂະນະທີ່ພວກທະຫານໄທເຄື່ອນກຳ
ລັງເຂົ້າໄປເພື່ອຢຸດຕິການປະທ້ວງນັ້ນ ພວກຜູ້ນຳເສື້ອແດງບາງຄົນ ໄດ້ຊຸກຍູ້ໃຫ້ມີການ ປຸ້ນ
ສະດົມເອົາເຄື່ອງຂອງແລະຈູດເຜົາທຸລະກິດແລະຕຶກອາຄານຫຼາຍສິບແຫ່ງ ຢູ່ໃນເຂດໃຈກາງ
ບາງກອກ.
ນອກນັ້ນທ່ານ Brad Adams ຍັງໄດ້ຕຳໜິຕິຕຽນການປຸກລະດົມຂອງລັດຖະບານທີ່ຮຽກ ຮ້ອງໃຫ້ທຳການກວດກາພວກຝ່າຍຄ້ານ ໂດຍການນຳໃຊ້ກົດໝາຍຕ່າງໆທີ່ຫ້າມການໝິ່ນ
ປະໝາດກະສັດນັ້ນ.
ທ່ານ Adams ເວົ້າວ່າ "ການປາບປາມພວກຄັດຄ້ານລັດຖະບານຍັງດຳເນີນຢູ່ຕໍ່ມາ.
ລັດຖະບານໄດ້ໃຊ້ກົດໝາຍຕ່າງໆ ທີ່ຕົນມີຢູ່ ເພື່ອຈຳກັດຮັດແຄບການປາກເວົ້າ.
ລັດຖະບານ ໄດ້ໃຊ້ກົດໝາຍຫ້າມການໝິ່ນປະໝາດກະສັດ ໃນວິທີທາງທີ່ຖືກຊັກ
ຈູງໂດຍການເມືອງ ແລະແນເປົ້າໝາຍໃສ່ ແຕ່ພຽງຝ່າຍດຽວ. ມີພວກເສື້ອແດງ ເປັນຈຳນວນຫຼວງຫຼາຍທີ່ໄດ້ ຖືກຈັບໃນລະຫວ່າງການປະທ້ວງ ແຕ່ບໍ່ມີຜູ້ໃດຈາກ
ຝ່າຍລັດຖະບານຖືກຈັບໃນຖານະເປັນຜູ້ຮັບຜິດຊອບກ່ຽວກັບເລື່ອງນີ້."
ສ່ວນໂຄສົກລັດຖະບານ ທ່ານທານີ ທອງພັກດີນັ້ນ ກໍໄດ້ກ່າວປ້ອງກັນ ການປິດໜັງສືພິມ
ສະຖານີວິທະຍຸແລະເວັບໄຊທ໌ຫຼາຍຮ້ອຍແຫ່ງຂອງພວກເສື້ອແດງນັບແຕ່ໄດ້ມີການປະທ້ວງ
ມາໂດຍເວົ້າວ່າ ມັນໄດ້ດຳເນີນໄປພາຍໃຕ້ການປົກຄອງດ້ວຍຕົວບົດກົດໝາຍ.