ເຈົ້າໜ້າທີ່ໄທ ສົ່ງອົບພະຍົບ ໂຣຮິງຢາ ໃຫ້ແກ່ ກຸ່ມຄ້າມະນຸດ

ການສືບສວນຂອງອົງການຂ່າວຣອຍເຕີ້ ກ່າວວ່າ ບັນດາເຈົ້າໜ້າ
ທີ່ໄທ ໄດ້ອະນຸຍາດແບບລັບໆ ໃຫ້ນຳເອົາພວກອົບພະຍົບມຸສລິມ
ຊາວໂຣຮິງຢາ ໄປປະໄວ້ ໃຫ້ພວກຄ້າມະນຸດ ກັກເຂົາເຈົ້າໄວ້ເພື່ອ
ຮຽກຄ່າໄຖ່ ພາຍໃຕ້ສະພາບໂຫດຮ້າຍທາລຸນ.

ລາຍງານຂອງອົງການຂ່າວ Reuter ກ່າວວ່າ ບັນດາເຈົ້າໜ້າທີ່
ກວດຄົນເຂົ້າເມືອງຂອງໄທມັກຈະພາກັນສົມຄົບຄິດກັນເລື້ອຍໆ
ໃນນະໂຍບາຍຕໍ່ຊາວໂຣຮິງຢາທີ່ໄດ້ພາກັນຫລົບໜີຈາກຄວາມ
ວຸ້ນວາຍ ແລະການປະຫັດປະຫານທາງດ້ານສາສະໜາໃນມຽນ
ມາຊຶ່ງເປັນປະເທດເພື່ອນບ້ານ.

ລາຍງານກ່າວວ່າ ອົບພະຍົບຫລາຍຄົນ ໄດ້ຖືກບອກໂດຍບັນດາເຈົ້າໜ້າທີ່ວ່າ ເຂົາເຈົ້າຈະ ໄດ້ຖືກສົ່ງກັບຄືນໄປມຽນມາ. ຫຼັງຈາກເຂົາເຈົ້າ ໄດ້ອອກສູ່ທະເລແລ້ວ ເຂົາເຈົ້າຈຶ່ງຮູ້ສຶກວ່າ ເຂົາເຈົ້າໄດ້ຖືກຂາຍ ໃຫ້ແກ່ພວກຄ້າມະນຸດ.

ບັນດາຜູ້ລອດຊີວິດມາໄດ້ກ່າວວ່າ ເຂົາເຈົ້າໄດ້ຖືກສົ່ງໄປຢູ່ສູນຕ່າງໆ ຕາມຊາຍແດນສອກ
ຫລີກຂອງໄທ ກັບມາເລເຊຍ. ຫລາຍຄົນກ່າວວ່າໄດ້ຖືກທຸບຕີ ແລະຈໍານວນນຶ່ງໄດ້ຖືກສັງ
ຫານກໍມີ. ເຂົາເຈົ້າຈະໄດ້ຮັບອະນຸຍາດໃຫ້ໜີອອກໄປຈາກ ສູນເຫຼົ່ານີ້ ກໍຕໍ່ເມື່ອຍາດຕິພີ່
ນ້ອງຂອງເຂົາເຈົ້າ ຈ່າຍເງິນຄ່າໄຖ່ເປັນຈໍານວນຫລາຍພັນໂດລາ.

ບັນດາເຈົ້າໜ້າທີ່ໄທກ່າວຕໍ່ ອົງການຂ່າວ Reuter ວ່າ ເຂົາເຈົ້າໄດ້ຍິນກ່ຽວກັບສູນເຫລົ່ານີ້
ແຕ່ກ່າວວ່າ ເຂົາເຈົ້າບໍ່ໄດ້ເຮັດຫຍັງໝົດໃນປັດຈຸບັນນີ້ເພື່ອທໍາການສືບສວນ. ເຂົາເຈົ້າຍັງ
ຮັບຮູ້ວ່າ ບັນດາເຈົ້າໜ້າທີ່ໄທ ເທົ່າທີ່ຜ່ານມາ ໄດ້ຮັບຜົນປະໂຫຍດຈາກການປະຕິບັດງານ
ລັກລອບຮຽກຄ່າໄຖ່ຊາວໂຣຮິງຢາ.