ຊາວມຸສລິມ ປະທ້ວງ ຢູ່ນອກສະຖານທູດ ສຫລ ທີ່ບາງກອກ (ວີດິໂອ)

ພວກເດີນຂະບວນປະທ້ວງຊາວມຸສລິມປະທະກັບຕໍາຫລວດ
ຢູ່ນອກສະຖານທູດ ສະຫະລັດ ທີ່ບາງກອກ ໃນວັນພະຫັດມື້ນີ້ ໃນລະຫວ່າງການໂຮມຊຸມນຸມຕໍ່ຕ້ານ ຮູບເງົາໝິ່ນປະໝາດພະ
ສາດສະດາມູຮຳມັດ ທີ່ສ້າງຢູ່ໃນສະຫະລັດ.

ພວກເດີນຂະບວນປະທ້ວງ ທີ່ພະຍາຍາມມຸ່ງໜ້າໄປຍັງສະຖານ
ທູດສະຫະລັດ ໄດ້ຖືກຂັດຂວາງໂດຍພວກເຈົ້າໜ້າທີ່ຕໍາຫລວດ
ຫລາຍໆຮ້ອຍຄົນ. ການປະທ້ວງໃນ ວັນພະຫັດມື້ນີ້ ແມ່ນເປັນ
ເທື່ອທີ 2 ໃນຮອບສອງທິດຜ່ານມາ.

ພວກປະທ້ວງໄດ້ພາກັນລົງສູ່ຖະໜົນຫົນທາງສາຍຕ່າງໆໃນ
ບາງກອກເພື່ອສະແດງຄວາມໂກດແຄ້ນຕໍ່ຮູບເງົາທີ່ໄດ້ພາໃຫ້
ເກີດການເດີນຂະບວນຢູ່ໃນຫລາຍປະເທດ ທີ່ຖືສາສະໜາ
ອິສລາມ. ພວກປະທ້ວງຢາກໃຫ້ Google ແລະ YouTube
ເອົາຮູບເງົາເລື້ອງນີ້ອອກຈາກ ເວັບໄຊທ໌ຂອງບໍລິສັດເຂົາເຈົ້າແລະຮຽກຮ້ອງໃຫ້ລັດຖະ ບານສະຫະລັດ ເອົາມາດຕະການຕໍ່ຜູ້ສ້າງຮູບເງົານີ້.

ວີດິໂອການປະທ້ວງຂອງພວກມຸສລິມ ຢູ່ນອກສະຖານທູດສະຫະລັດທີ່ບາງກອກ

ຊາວມຸສລິມເດີນຂະບວນ ໄປປະທ້ວງຢູ່ນອກ ສະຖານທູດສະຫະລັດ ທີ່ບາງກອກ