ໃນຈໍານວນຜູ້ມີສິດປ່ອນບັດເລືອກຕັ້ງຫລາຍກວ່າ 100,000 ຄົນທີ່ຢັ່ງສຽງໂດຍມະຫາ
ວິທະຍາໄລ ສວນດຸສິດ ຣາຊະພັດ ແມ່ນມີຫລາຍກວ່າ 51 ເປີເຊັນ ທີ່ສະແດງຄວາມ
ສະໜັບສະໜຸນພັກເພື່ອໄທ ຂະນະທີ່ພັກປະຊາທິປັດຂອງນາຍົກອະພິສິດ ເວດຊາຊີວະ
ທີ່ບໍລິຫານປະເທດຢູ່ໃນເວລານີ້ ໄດ້ຮັບສຽງສະໜັບສະໜຸນແຕ່ພຽງປະມານ 34 ເປີເຊັນ.
ພວກນັກວິເຄາະຂ່າວກ່າວວ່າ ຜົນການສໍາຫລວດນີ້ຖືວ່າເປັນຕົວຊີ້ແນະເຖິງການສະໜັບ
ສະໜຸນ ສໍາລັບບ່ອນນັ່ງທີ່ຍັງເຫລືອ 375 ບ່ອນນັ້ນ.
ໃນການໂຮມຊຸມນຸມໃນທ້າຍສັບປະດາກ່ອນນີ້ ທ່ານ ຢົງຢຸດ ວິໄຊດິດ ຜູ້ນໍາພັກເພື່ອໄທ
ສະແດງຄວາມໝັ້ນໃຈວ່າ ພັກເພື່ອໄທຈະໄດ້ຮັບບ່ອນນັ່ງໃນສະພາຫລາຍຂື້ນ.
“ຂ້າພະເຈົ້າຄິດວ່າ ພວກເຮົາກໍາລັງກ້າວໜ້າໄປໄດ້ດີຫລາຍ. ຢ່າງໜ້ອຍທັງໃນບັນຊີຂອງເຂດເລືອກຕັ້ງແລະຂອງພັກ ພວກເຮົາຄວນຈະໄດ້ 248 ບ່ອນນັ່ງ. ຖ້າຫາກວ່າ ພວກເຮົາໄດ້ຊະນະໄດ້ສຽງຂ້າງຫລາຍຢ່າງເດັດຂາດໃນສະພາແລ້ວ ບັນຫາກໍຈະບໍ່ໜັກໜ່ວງປານໃດ ແຕ່ຖ້າຫາກວ່າພວກເຮົາບໍ່ສາມາດໄດ້ຮັບສຽງຂ້າງຫລາຍໂດຍເດັດ
ຂາດໃນສະພາ ຄືຕໍ່າກວ່າ 250 ບ່ອນນັ່ງແລ້ວ ພວກເຮົາກໍຄວນຈະເຂົ້າຕໍ່ຮອງກັບພັກ
ລະດັບປານກາງ ແລະພັກນ້ອຍ.”
ນາງຍິ່ງຣັກ ຊິນນະວັດ ຜູ້ສະມັກເລືອກຕັ້ງຂອງພັກເພື່ອໄທ. REUTERS/Chaiwat Subprasom
ພວກພັກການເມືອງໃຫຍ່ໆທັງ
ຫລາຍ ໄດ້ເພີ່ມທະວີການປຸກ
ລະດົມໂຄສະນາຫາສຽງກັນ
ຢ່າງໃຫຍ່ ກ່ອນການເລືອກຕັ້ງ
ໃນວັນທີ 3 ກໍລະກົດ ເດືອນໜ້ານີ້ ຊຶ່ງເປັນການເລືອກຕັ້ງທົ່ວປະເທດເທື່ອທໍາອິດ ນັບຕັ້ງແຕ່ຄັ້ງປີ 2007 ມາ. ພັກເພື່ອໄທທີ່ນໍາໂດຍ ນາງ ຢິ່ງຣັກ ຊິນນະວັດ ນ້ອງສາວຫລ້າຂອງອະດີດນາຍົກລັດຖະມົນຕີ ທັກສິນ ຊິນ
ນະວັດ ທີ່ໄດ້ຫລົບໜີອອກນອກ
ປະເທດໄທໃນປີ 2008 ເພື່ອໜີ
ຂໍ້ຫາສໍ້ລາດບັງຫລວງ ຫລັງຈາກ
ຖືກໂຄ່ນລົ້ມໂດຍການກໍ່ລັດຖະ
ປະຫານໃນປີ 2006. ຄວາມ
ຫວັງຂອງທັກສິນໃນການຫວນກັບຄືນມາປະເທດໄທອີກ ກໍແມ່ນຂຶ້ນຢູ່ກັບໄຊຊະນະຂອງພັກ
ເພື່ອໄທ ໃນການເລືອກຕັ້ງໃນວັນທີ 3 ເດືອນກໍລະກົດນີ້.
ພວກສະໜັບສະໜຸນພັກເພື່ອໄທ ປະມານ 5000 ຄົນ ທີ່ໃສ່ເສື້ອແດງສັນຍາລັກຂອງພວກເຂົາເຈົ້ານັ້ນ ໄດ້ໂຮມຊຸມນຸມກັນ ໃນທ້າຍສັບປະດາກ່ອນນີ້ ໃນໃຈກາງນະຄອນຫລວງ ບາງກອກ.
ນາຍ ນັດທະວຸດ ໄສເກື້ອ ນັກເຄຶ່ອນໄຫວທີ່ໄດ້ຮັບຄວາມນິຍົມສູງຂອງພວກເສື້ອແດງ ໄດ້ກ່າວຕໍາໜິຕິຕຽນນະໂບາຍຂອງລັດຖະບານ.
ນາຍ ນັດທະວຸດ ຊຶ່ງເປັນຜູ້ນໍາແລະຜູ້ສະໜັກເລືອກຕັ້ງຈາກແນວຮ່ວມປະຊາທິປະໄຕຕໍ່ຕ້ານຜະເດັດການແຫ່ງຊາດ ຫລື UDD ກໍຄືພວກ ນປຊ ຫລືພວກເສື້ອແດງນັ້ນ ໝັ້ນໃຈວ່າ ພັກ ເພື່ອໄທຈະໄດ້ຮັບສຽງສ່ວນຫລາຍໃນສະພາ ທີ່ມີບ່ອນນັ່ງ 500 ບ່ອນນັ້ນ.
ນາຍນັດທະວຸດ ເວົ້າວ່າ “ແມ່ນແລ້ວ ຂ້ອຍເຊື່ອວ່າ ພວກເຮົາສາມາດ ໄດ້ຫລາຍກວ່າ 250 ບ່ອນນັ່ງ.”
ທາງພັກປະຊາທິປັດກ່າວວ່າ ຄະແນນສຽງຈະສູສີກັນຫລາຍກວ່າທີ່ຜົນການຢັ່ງສຽງຊີ້ໃຫ້
ເຫັນ. ພວກສະໜັກເລືອກຕັ້ງທີ່ສໍາຄັນໆທີ່ໄດ້ຮັບການສະໜັບສະໜຸນ ຈາກທັງພັກປະຊາ
ທິປັດແລະພັກເພື່ອໄທ ກໍາລັງພາກັນໂຄສະຫາສຽງຢ່າງຕັ້ງໜ້າ ໂດຍເນັ້ນຍໍ້າໃສ່ນະໂຍບາຍ
ສົ່ງເສີມຊ່ວຍເຫລືອມະຫາຊົນ ເພື່ອຮັບປະກັນໄຊຊະນະໃນການເລືອກຕັ້ງ.
ໂຄງການຕ່າງໆທີ່ພັກປະຊາທິປັດໂຄສະນາຫາສຽງນັ້ນ ແມ່ນໂຮມທັງໂຄງການຮັບປະກັນ
ລາຍໄດ້ໃຫ້ແກ່ພວກພໍ່ນາ ການສຶກສາຟີສໍາລັບເດັກ ແລະໂຄງການເບັ້ຍບໍານານໃນລະດັບ
ພໍປານກາງ ສໍາລັບພວກຜູ້ເຖົ້າ.
ຝ່າຍພັກເພື່ອໄທ ໄດ້ໃຫ້ຄໍາໝັ້ນສັນຍາວ່າ ຈະຂື້ນຄ່າແຮງງານຕໍ່າສຸດເປັນສອງເທົ່າຕົວ
ຂື້ນລາຄາເຂົ້າໃຫ້ພວກຊາວນາ ສະໜອງເຄຶ່ອງຄອມພິວເຕີໃຫ້ແກ່ເດັກນັກຮຽນ ຈັດຕັ້ງ
ໂຄງການພັດທະນາມູນຄ່າສາມພັນລ້ານໂດລາ ແກ່ໝູ່ບ້ານຕ່າງໆ ແລະເລຶ່ອນເວລາໃນ
ການຊໍາລະໜີ້ໃຫ້ແກ່ພວກທີ່ມີລາຍໄດ້ຕໍ່າ.
ແຕ່ ນາຍ ຊູວິດ ກະມົນວິສິດ ຜູ້ນໍາພັກຮັກໄທ ອະດີດເຈົ້າຂອງຮ້ານອາບອົບນວດ ທີ່ຫັນ
ມາຫລີ້ນການເມືອງ ກ່າວວ່າ ນະໂຍບາຍຊ່ວຍເຫລືອມະຫາຊົນນັ້ນ ຈະສ້າງບັນຫາໃຫ້
ແກ່ສັງຄົມໄທໃນໄລຍະຍາວໄດ້
“ປະເດັນກໍຄືວ່າ ພວກເຂົາເຈົາໃຊ້ນະໂຍບາຍການເມືອງ ຫລາຍກວ່າການເສດຖະກິດ. ກໍຄືພວກນັກການເມືອງໄທທັງໝົດ ພະຍາຍາມສະໜອງຕາມຄວາມນິຍົມຂອງມະຫາຊົນ
ຊຶ່ງນັ້ນໝາຍຄວາມວ່າ ເຮັດໃຫ້ພວກປະຊາຊົນຫຍ້າມ ກໍຄືເມື່ອໃດພວກເຮົາໃຊ້ລະບົບນີ້
ແກ່ສັງຄົມໄທ ແກ່ພວກຄົນທຸກຈົນ ພວກເຂົາເຈົ້າກໍເກີດມີຄວາມຮູ້ສຶກວ່າ ພວກເຂົາເຈົ້າຈະ
ຕ້ອງໄດ້ທຸກຢ່າງຟີຈາກລັດຖະບານ.”
ນາຍ ຊູວິດ ກ່າວວ່າ ນະໂຍບາຍແບບນັ້ນ ອາດສາມາດບ່ອນທໍາລາຍຄວາມສາມາດໃນ
ການກຸ້ມຕົນເອງຂອງປະຊາຊົນໄດ້. ນອກນີ້ແລ້ວ ພວກຜູ້ນໍາດ້ານເສດຖະກິດແລະທຸລະກິດ
ຍັງມີຄວາມຢ້ານກົວ ກ່ຽວກັບຜົນກະທົບຈາກຄ່າແຮງງານທີ່ສູງຂື້ນ ຕໍ່ວຽກເຮັດງານທໍາ
ແລະຢ້ານວ່າການຂຶ້ນລາຄາເຂົ້າຢ່າງຫລວງຫລາຍຂອງລັດຖະບານ ຈະສ້າງຄວາມເສຍ
ຫາຍໃຫ້ແກ່ຖານະຂອງປະເທດໄທ ໃນການເປັນປະເທດສົ່ງອອກເຂົ້າຊັ້ນນໍາຂອງໂລກນັ້ນ.