ລັດຖະບານໄທວາງເປົ້າໝາຍທີ່ຈະເຊື່ອມຕໍ່ທາງລົດໄຟຄວາມ
ໄວສູງກັບລາວແລະ ຈີນໃຫ້ໄດ້ໃນປີ 2022 ຫຼືພາຍຫຼັງທີ່ທາງ
ລົດໄຟຄວາມໄວສູງໃນລາວ ກໍ່ສ້າງສໍາເລັດແລ້ວໄດ້ສີ່ປີເປັນ
ຢ່າງໜ້ອຍ.
ທ່ານພັນທະສັກ ວິນຍະຣັດ ປະທານຄະນະທີ່ປຶກສາຂອງນາ
ຍົກລັດຖະມົນຕີໄທ ໄດ້ເປີດເຜີຍໃຫ້ຮູ້ວ່າ ແຜນການກໍ່ສ້າງທາງ
ລົດໄຟຄວາມໄວສູງ ທີ່ເປັນໂຄງການບູລິມະສິດຂອງລັດຖະບານ
ໄທໃນໄລຍະ 6 ປີຕໍ່ໜ້າ ຫຼືຈົນເຖິງປີ 2018 ນັ້ນ ມີຢູ່ 4 ເສັ້ນທາງ
ດ້ວຍກັນ ກໍຄືເສັ້ນທາງບາງກອກ-ພັດທະຍາ, ບາງກອກ-ພິດສະ
ນຸໂລກ, ບາງກອກ-ຫົວຫີນ ແລະບາງກອກ-ນະຄອນລາດຊະສີ
ມາ ຫຼືໂຄລາດ ຕາມລໍາດັບ.
ອິງຕາມການເປີດເຜີຍຂອງທ່ານພັນທະສັກດັ່ງກ່າວນີ້ ກໍໝາຍຄວາມວ່າ ທາງລົດໄຟຄວາມ
ໄວສູງໃນໄທ ຈະຍັງຄົງບໍ່ມີການກໍ່ສ້າງໄປເຖິງໜອງຄາຍເພື່ອເຊື່ອມຕໍ່ກັບທາງລົດໄຟ ຄວາມໄວສູງຂອງລາວ ທີ່ນະຄອນວຽງຈັນ ພາຍໃນ ປີ 2018 ຢ່າງແນ່ນອນ.
ແຕ່ຢ່າງໃດກໍຕາມ ທ່ານນາງຢິ່ງລັກ ຊິນນະວັດ ນາຍົກລັດຖະມົນຕີໄທ ກໍໄດ້ໃຫ້ການຢືນຢັນ
ຕໍ່ກອງປະຂຸມເສດຖະກິດໂລກ (World Economic Forum) ຄັ້ງທີ 21 ສໍາລັບເອເຊຍຕາ
ເວັນອອກ ທີ່ຈັດຂຶ້ນຢູ່ບາງກອກໃນເດືອນມິຖຸນາປີນີ້ວ່າ ລັດຖະບານໄທໄດ້ໃຫ້ຄວາມສໍາ ຄັນຢ່າງຍິ່ງ ຕໍ່ການເຊື່ອມຕໍ່ໃນດ້ານຄົມມະນາຄົນ-ຂົນສົ່ງດ້ວຍລົດໄຟຄວາມໄວສູງ ລະ
ຫວ່າງຈີນກັບອາຊ່ຽນ ໂດຍສະເພາະແມ່ນການເຊື່ອມຕໍ່ຈາກເມືອງຄູນໝິງຂອງຈີນ ມາຍັງ ນະຄອນວຽງຈັນ ຜ່ານໜອງຄາຍມາທີ່ບາງກອກນັ້ນ ຖືເປັນໂຄງການທີ່ສໍາຄັນຢ່າງຍິ່ງ ດັ່ງ ທີ່ທ່ານນາງຢິ່ງລັກ ໄດ້ຖະແຫຼງຢືນຢັນວ່າ:
ໂຄງການທີ່ສໍາຄັນນັ້ນກໍແມ່ນການກໍ່ສ້າງທາງລົດໄຟ
ທີ່ເຊື່ອມຕໍ່ໃນຂົງເຂດລຸ່ມແມ່ນໍ້າຂອງ ຊຶ່ງລວມເຖິງ
ໂຄງການກໍ່ສ້າງທາງລົດໄຟ ທີ່ເຊື່ອມຕໍ່ຈາກຄຸນໝິງ
ໄປເຖິງສິງກະໂປດ້ວຍລະບົບລົດໄຟຄວາມໄວສູງອີກ
ດ້ວຍ ແລະການເຊື່ອມຕໍ່ທາງລົດໄຟຄວາມໄວສູງຈາກ
ພາກຕາເວັນອອກສຽງເໜືອ ຫລືພາກອີສານຂອງໄທ
ໄປລາວ ແລະພາກໃຕ້ຂອງຈີນ."
ທັງນີ້ ໂດຍອິງຕາມແຜນການຂອງລັດຖະບານໄທ ທີ່ໄດ້ວາງເປົ້າ
ໝາຍໄວ້ວ່າ ຈະພັດທະນາລະບົບເສັ້ນທາງລົດໄຟຄວາມໄວສູງ ໃຫ້ໄດ້ຢ່າງສົມບູນແບບ ພາຍໃນປີ 2022 ຊຶ່ງລວມເຖິງການກໍ່ສ້າງທາງລົດໄຟຄວາມໄວສູງ ໃນເສັ້ນທາງບາງກອກ - ໂຄລາດ ໄປເຖິງໜອງຄາຍດ້ວຍນັ້ນ ຈຶ່ງໝາຍຄວາມວ່າທາງລົດໄຟຄວາມໄວສູງຂອງ ໄທ ຈະເຊື່ອມຕໍ່ກັບລາວຫຼັງຈາກທີ່ການກໍ່ສ້າງທາງລົດໄຟຄວາມໄວສູງໃນລາວໄດ້ສ້າງສໍາ ເລັດໄປແລ້ວເປັນເວລາເຖິງ 4 ປີນັ້ນເອງ.
ທັງນີ້ເນື່ອງຈາກວ່າທ່ານ ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການກະຊວງໂຍທາ
ທິການ ແລະຂົນສົ່ງຂອງລາວ ໄດ້ໃຫ້ການຢືນຢັນເມື່ອບໍ່ດົນມານີ້ວ່າ ການກໍ່ສ້າງທາງລົດ ໄຟຄວາມໄວສູງໃນລາວຈະເລີ່ມລົງມືໃນປີ 2013 ເພື່ອໃຫ້ສໍາເລັດ ແລະເປີດໃຊ້ຢ່າງເປັນ ທາງການພາຍໃນປີ 2018 ໂດຍໃນຂະນະທີ່ທາງການລາວກັບຈີນ ກໍກໍາລັງຢູ່ໃນຂັ້ນຕອນ ການເຈລະຈາກັນ ໃນລາຍລະອຽດກ່ຽວກັບສັນຍາກູ້ຢືມເງິນທຶນຈາກທະນາຄານການຄ້າ ຂາອອກ-ຂາເຂົ້າຂອງຈີນ ຊຶ່ງເຊື່ອວ່າ ຈະສາມາດຕົກລົງກັນໄດ້ໃນໝໍ່ໆນີ້.
ການກໍ່ສ້າງທາງລົດໄຟຄວາມໄວສູງດັ່ງກ່າວນີ້ ຈະຍຶດຖືຕາມການ
ສຶກສາແລະ ການອອກແບບກໍ່ສ້າງໂດຍບໍລິສັດທີ່ປຶກສາຈາກຈີນ ທີ່ໄດ້ດໍາເນີນການສໍາເລັດໂດຍ ສົມບູນແລ້ວແລະພາກສ່ວນທີ່ຈະ ເປັນຜູ້ຮັບເໝົາກໍ່ສ້າງນັ້ນກໍຈະເປັນບໍລິສັດຈາກຈີນ ເຊັ່ນດຽວກັນ.
ທັງນີ້ ອິງຕາມລາຍງານທີ່ທ່ານ ສົມສະຫວາດ ເລັ່ງສະຫວັດ
ຮອງນາຍົກລັດຖະມົນຕີ ຜູ້ຊີ້ນໍາວຽກງານດ້ານເສດຖະກິດຂອງ
ລາວ ໄດ້ຖະແຫຼງຕໍ່ກອງປະຊຸມສະ ໄໝວິສາມັນຂອງສະພາ
ແຫ່ງຊາດລາວຊຸດທີ 7 ທີ່ໄດ້ຈັດຂຶ້ນຢ່າງເປັນທາງການໃນວັນ
ທີ 18 ເດືອນຕຸລາທີ່ຜ່ານມານັ້ນ ກໍໄດ້ລະບຸວ່າການກູ້ຢືມເງິນ
ທຶນຈາກຈີນດັ່ງກ່າວຈະມີມູນຄ່າລວມເຖີງ 7,000 ລ້ານໂດລາ ໂດຍມີເງື່ອນໄຂວ່າລັດຖະ ບານລາວຈະຕ້ອງປະຕິບັດຕາມຢູ່ 4 ປະການດ້ວຍກັນ ຄືການສ້າງຕັ້ງບໍລິສັດຂຶ້ນມາບໍລິ ຫານ ໂຄງການ ແລະມີສະຖານະເປັນລູກໜີ້ຂອງທະນາຄານຈີນ ໂດຍລັດຖະບານລາວຈະຕ້ອງຄໍ້າປະກັນເງິນກູ້ຢືມທັງ 100% ພ້ອມດອກເບ້ຍໃນອັດຕາ 2% ຕໍ່ປີເປັນເວລາ 30 ປີ.
ພ້ອມກັນນີ້ ການຄໍ້າປະກັນເງິນກູ້ ດັ່ງກ່າວກໍຍັງລວມເຖິງລາຍຮັບແລະຊັບສິນທັງໝົດໃນໂຄງການ ຕະຫຼອດຈົນການທີ່ລັດຖະບານລາວຍັງຈະຕ້ອງຄໍ້າປະກັນດ້ວຍລາຍຮັບຈາກບໍ່ແຮ່ 2 ແຫ່ງ ທີ່ເປັນການລົງທຶນຂອງຈີນຢູ່ໃນລາວອີກດ້ວຍ. ຊຶ່ງໃນທີ່ນີ້ກໍໝາຍເຖິງບໍ່ແຮ່ຄໍາ ແລະທອງແດງຢູ່ເຊໂປນກັບບໍ່ແຮ່ບ໊ອກໄຊ້ຢູ່ຈໍາປາສັກນັ້ນເອງ.
ໄວສູງກັບລາວແລະ ຈີນໃຫ້ໄດ້ໃນປີ 2022 ຫຼືພາຍຫຼັງທີ່ທາງ
ລົດໄຟຄວາມໄວສູງໃນລາວ ກໍ່ສ້າງສໍາເລັດແລ້ວໄດ້ສີ່ປີເປັນ
ຢ່າງໜ້ອຍ.
ທ່ານພັນທະສັກ ວິນຍະຣັດ ປະທານຄະນະທີ່ປຶກສາຂອງນາ
ຍົກລັດຖະມົນຕີໄທ ໄດ້ເປີດເຜີຍໃຫ້ຮູ້ວ່າ ແຜນການກໍ່ສ້າງທາງ
ລົດໄຟຄວາມໄວສູງ ທີ່ເປັນໂຄງການບູລິມະສິດຂອງລັດຖະບານ
ໄທໃນໄລຍະ 6 ປີຕໍ່ໜ້າ ຫຼືຈົນເຖິງປີ 2018 ນັ້ນ ມີຢູ່ 4 ເສັ້ນທາງ
ດ້ວຍກັນ ກໍຄືເສັ້ນທາງບາງກອກ-ພັດທະຍາ, ບາງກອກ-ພິດສະ
ນຸໂລກ, ບາງກອກ-ຫົວຫີນ ແລະບາງກອກ-ນະຄອນລາດຊະສີ
ມາ ຫຼືໂຄລາດ ຕາມລໍາດັບ.
ອິງຕາມການເປີດເຜີຍຂອງທ່ານພັນທະສັກດັ່ງກ່າວນີ້ ກໍໝາຍຄວາມວ່າ ທາງລົດໄຟຄວາມ
ໄວສູງໃນໄທ ຈະຍັງຄົງບໍ່ມີການກໍ່ສ້າງໄປເຖິງໜອງຄາຍເພື່ອເຊື່ອມຕໍ່ກັບທາງລົດໄຟ ຄວາມໄວສູງຂອງລາວ ທີ່ນະຄອນວຽງຈັນ ພາຍໃນ ປີ 2018 ຢ່າງແນ່ນອນ.
ແຕ່ຢ່າງໃດກໍຕາມ ທ່ານນາງຢິ່ງລັກ ຊິນນະວັດ ນາຍົກລັດຖະມົນຕີໄທ ກໍໄດ້ໃຫ້ການຢືນຢັນ
ຕໍ່ກອງປະຂຸມເສດຖະກິດໂລກ (World Economic Forum) ຄັ້ງທີ 21 ສໍາລັບເອເຊຍຕາ
ເວັນອອກ ທີ່ຈັດຂຶ້ນຢູ່ບາງກອກໃນເດືອນມິຖຸນາປີນີ້ວ່າ ລັດຖະບານໄທໄດ້ໃຫ້ຄວາມສໍາ ຄັນຢ່າງຍິ່ງ ຕໍ່ການເຊື່ອມຕໍ່ໃນດ້ານຄົມມະນາຄົນ-ຂົນສົ່ງດ້ວຍລົດໄຟຄວາມໄວສູງ ລະ
ຫວ່າງຈີນກັບອາຊ່ຽນ ໂດຍສະເພາະແມ່ນການເຊື່ອມຕໍ່ຈາກເມືອງຄູນໝິງຂອງຈີນ ມາຍັງ ນະຄອນວຽງຈັນ ຜ່ານໜອງຄາຍມາທີ່ບາງກອກນັ້ນ ຖືເປັນໂຄງການທີ່ສໍາຄັນຢ່າງຍິ່ງ ດັ່ງ ທີ່ທ່ານນາງຢິ່ງລັກ ໄດ້ຖະແຫຼງຢືນຢັນວ່າ:
ທ່ານນາງ ຢິ່ງລັກ ຊິນນະວັດ ນາຍົກລັດຖະມົນຕີໄທ ຈັບມືກັບທ່ານເຫວນ ເຈຍບາວ ນາຍົກລັດຖະມົນຕີ ຈີນ
ໂຄງການທີ່ສໍາຄັນນັ້ນກໍແມ່ນການກໍ່ສ້າງທາງລົດໄຟ
ທີ່ເຊື່ອມຕໍ່ໃນຂົງເຂດລຸ່ມແມ່ນໍ້າຂອງ ຊຶ່ງລວມເຖິງ
ໂຄງການກໍ່ສ້າງທາງລົດໄຟ ທີ່ເຊື່ອມຕໍ່ຈາກຄຸນໝິງ
ໄປເຖິງສິງກະໂປດ້ວຍລະບົບລົດໄຟຄວາມໄວສູງອີກ
ດ້ວຍ ແລະການເຊື່ອມຕໍ່ທາງລົດໄຟຄວາມໄວສູງຈາກ
ພາກຕາເວັນອອກສຽງເໜືອ ຫລືພາກອີສານຂອງໄທ
ໄປລາວ ແລະພາກໃຕ້ຂອງຈີນ."
ທັງນີ້ ໂດຍອິງຕາມແຜນການຂອງລັດຖະບານໄທ ທີ່ໄດ້ວາງເປົ້າ
ໝາຍໄວ້ວ່າ ຈະພັດທະນາລະບົບເສັ້ນທາງລົດໄຟຄວາມໄວສູງ ໃຫ້ໄດ້ຢ່າງສົມບູນແບບ ພາຍໃນປີ 2022 ຊຶ່ງລວມເຖິງການກໍ່ສ້າງທາງລົດໄຟຄວາມໄວສູງ ໃນເສັ້ນທາງບາງກອກ - ໂຄລາດ ໄປເຖິງໜອງຄາຍດ້ວຍນັ້ນ ຈຶ່ງໝາຍຄວາມວ່າທາງລົດໄຟຄວາມໄວສູງຂອງ ໄທ ຈະເຊື່ອມຕໍ່ກັບລາວຫຼັງຈາກທີ່ການກໍ່ສ້າງທາງລົດໄຟຄວາມໄວສູງໃນລາວໄດ້ສ້າງສໍາ ເລັດໄປແລ້ວເປັນເວລາເຖິງ 4 ປີນັ້ນເອງ.
ທັງນີ້ເນື່ອງຈາກວ່າທ່ານ ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການກະຊວງໂຍທາ
ທິການ ແລະຂົນສົ່ງຂອງລາວ ໄດ້ໃຫ້ການຢືນຢັນເມື່ອບໍ່ດົນມານີ້ວ່າ ການກໍ່ສ້າງທາງລົດ ໄຟຄວາມໄວສູງໃນລາວຈະເລີ່ມລົງມືໃນປີ 2013 ເພື່ອໃຫ້ສໍາເລັດ ແລະເປີດໃຊ້ຢ່າງເປັນ ທາງການພາຍໃນປີ 2018 ໂດຍໃນຂະນະທີ່ທາງການລາວກັບຈີນ ກໍກໍາລັງຢູ່ໃນຂັ້ນຕອນ ການເຈລະຈາກັນ ໃນລາຍລະອຽດກ່ຽວກັບສັນຍາກູ້ຢືມເງິນທຶນຈາກທະນາຄານການຄ້າ ຂາອອກ-ຂາເຂົ້າຂອງຈີນ ຊຶ່ງເຊື່ອວ່າ ຈະສາມາດຕົກລົງກັນໄດ້ໃນໝໍ່ໆນີ້.
ທ່ານທອງສິງ ທໍາມະວົງ ນາຍົກລັດຖະມົນຕີລາວ ຈັບມືກັບ ທ່ານເຫວນ ເຈຍບາວ ນາຍົກລັດຖະມົນຕີ ຈີນ
ການກໍ່ສ້າງທາງລົດໄຟຄວາມໄວສູງດັ່ງກ່າວນີ້ ຈະຍຶດຖືຕາມການ
ສຶກສາແລະ ການອອກແບບກໍ່ສ້າງໂດຍບໍລິສັດທີ່ປຶກສາຈາກຈີນ ທີ່ໄດ້ດໍາເນີນການສໍາເລັດໂດຍ ສົມບູນແລ້ວແລະພາກສ່ວນທີ່ຈະ ເປັນຜູ້ຮັບເໝົາກໍ່ສ້າງນັ້ນກໍຈະເປັນບໍລິສັດຈາກຈີນ ເຊັ່ນດຽວກັນ.
ທັງນີ້ ອິງຕາມລາຍງານທີ່ທ່ານ ສົມສະຫວາດ ເລັ່ງສະຫວັດ
ຮອງນາຍົກລັດຖະມົນຕີ ຜູ້ຊີ້ນໍາວຽກງານດ້ານເສດຖະກິດຂອງ
ລາວ ໄດ້ຖະແຫຼງຕໍ່ກອງປະຊຸມສະ ໄໝວິສາມັນຂອງສະພາ
ແຫ່ງຊາດລາວຊຸດທີ 7 ທີ່ໄດ້ຈັດຂຶ້ນຢ່າງເປັນທາງການໃນວັນ
ທີ 18 ເດືອນຕຸລາທີ່ຜ່ານມານັ້ນ ກໍໄດ້ລະບຸວ່າການກູ້ຢືມເງິນ
ທຶນຈາກຈີນດັ່ງກ່າວຈະມີມູນຄ່າລວມເຖີງ 7,000 ລ້ານໂດລາ ໂດຍມີເງື່ອນໄຂວ່າລັດຖະ ບານລາວຈະຕ້ອງປະຕິບັດຕາມຢູ່ 4 ປະການດ້ວຍກັນ ຄືການສ້າງຕັ້ງບໍລິສັດຂຶ້ນມາບໍລິ ຫານ ໂຄງການ ແລະມີສະຖານະເປັນລູກໜີ້ຂອງທະນາຄານຈີນ ໂດຍລັດຖະບານລາວຈະຕ້ອງຄໍ້າປະກັນເງິນກູ້ຢືມທັງ 100% ພ້ອມດອກເບ້ຍໃນອັດຕາ 2% ຕໍ່ປີເປັນເວລາ 30 ປີ.
ພ້ອມກັນນີ້ ການຄໍ້າປະກັນເງິນກູ້ ດັ່ງກ່າວກໍຍັງລວມເຖິງລາຍຮັບແລະຊັບສິນທັງໝົດໃນໂຄງການ ຕະຫຼອດຈົນການທີ່ລັດຖະບານລາວຍັງຈະຕ້ອງຄໍ້າປະກັນດ້ວຍລາຍຮັບຈາກບໍ່ແຮ່ 2 ແຫ່ງ ທີ່ເປັນການລົງທຶນຂອງຈີນຢູ່ໃນລາວອີກດ້ວຍ. ຊຶ່ງໃນທີ່ນີ້ກໍໝາຍເຖິງບໍ່ແຮ່ຄໍາ ແລະທອງແດງຢູ່ເຊໂປນກັບບໍ່ແຮ່ບ໊ອກໄຊ້ຢູ່ຈໍາປາສັກນັ້ນເອງ.