ຮູບເງົາທີ່ສ້າງຄວາມຢ້ານກົວເລື້ອງ ‘Terrifier 3’ ເປິດໂຕຢ່າງໂດ່ງດັງຮັບເທດສະການປ່ອຍຜີໃນ ສະຫະລັດ ແທນຮູບເງົາເລື້ຶອງ ‘Joker 2’ ຂຶ້ນອັນດັບນຶ່ງໃນຕາຕະລາງຮູບເງົາທ້າຍອາທິດ.
‘Terrifier 3’ ເປັນຮູບເງົາຕາຢ້ານທີ່ລົງທຶນໜ້ອຍ, ມັນເປັນເລື້ອງລາວຂອງຄາດຕພກອນ Art the Clown ທີ່ນຸ່ງຊຸດຊານຕາຄລອສ ໄລ່ຂ້າຄົນໃນງານວັນຄຣິສມາສ, ເຊິ່ງສາມາດສ້າງລາຍໄດ້ໃນອາທິດທໍາອິດຈໍານວນ 18.3 ລ້ານໂດລາ.
ອັນດັບທີ 2, ເປັນຮູບເງົາເອນິເມຊັນເລື້ອງ ‘The Wild Robot’ ຈາກບໍລິສັດ Dream World ແລະ Universal, ສາມາດສ້າງລາຍໄດ້ໃນຈໍານວນ 13.5 ລ້ານໂດລາ ຈາກການເຂົ້າສາຍອາທິດທີ 3 ທີ່ເຮັດໃຫ້ລາຍໄດ້ລສມໃນອາເມຣິກາເໜືອເພີ້ມຂຶ້ນເປັນ 84 ລ້ານໂດລາ.
ອັນດັບທີ 3, ເປັນຮູບເງົາເລື້ອງ ‘ໂຈກເກີ້ ພາກ 2’ ຫຼື ‘Joker: Folie a Deux’ ເຊິ່ງບໍ່ສາມາດຂັດຂວາງກະແສດ້ານລົບຈາກຜູ້ຊົມ ແລະບັນດານັກວິຈານໄດ້ ເລີຍເຮັດໃຫ້ຫຼຸດລົງມາຈາກຍບັນລັງແຊັມໃນອາທິດແລ້ວນີ້, ແລະເກັບລາຍໄດ້ຕື່ມພຽງ 7 ລ້ານໂດລາໃນອາທິດທິ 2 ເຊິ່ງມີທ່າທີວ່າ ຈະເປັນຮູບເງົາທີ່ພົບກັບຄວາມລົ້ມແຫຼວອີກເລື້ອງນຶ່ງຂອງປີນີ້ ເມື່ອສົມທຽບກັບການລົງທຶນສ້າງໃນຈໍານວນ 200 ລ້ານໂດລາ.
ອັນດັບ 4 - ເປັນຮູບເງົາເລື້ອງ ‘Beetlejuice Beetlejuice 2’ ຮູບເງົາຜີຂີ້ດື້ ຂອງ ທິມ ເບີຕັນ, ສາມາດສ້າງລາຍໄດ້ 7 ລ້ານໂດລາ.
ອັນດັບ 5 - ເປັນຮູບເງົາເລື້ອງ ‘Piece by Piece’ ເຊິ່ງເປັນໜັງສາລະຄະດີ ຊີວະປະຫວັດຫຍໍ້ຂອງນັກຮ້ອງດັງ ຟາເລນ ວິລລຽມ ເປັນເລື້ອງລາວກ່ຽວກັບຊີວະປະຫວັດຫຍໍ້ຂອງນັກຮ້ອງດັງ ຟາເລນ ວິລະລຽນ, ສ້າງລາຍໄດ້ໃນອາເມຣິກາເໜືອຈໍານວນ 3.8 ລ້ານໂດລາ ເຊິ່ງຖືວ່າອອກມາໄດ້ກີ ແລະມີການຕອບຮັບຢ່າງລົ້ນເຫຼືອ.