ຣັດເຊຍ ໄດ້ກ່າວໃນວັນພະຫັດ ມື້ນີ້ວ່າ ຕົນຈະເບິ່ງເລື້ອງການນຳເຂົ້າອາຫານການກິນຈາກເທີກີໂດຍຈະມີການກວດກາຢ່າງເຂັ້ມງວດເພີ້ມຂຶ້ນເປັນພິເສດ ໃນຂະນະທີ່ການໂຕ້ຖຽງຂອງ ປະເທດທັງສອງ ຍັງດຳເນີນຢູ່ຕໍ່ມາ ກ່ຽວກັບການຍິງເຮືອບິນລົບຣັດເຊຍ ຕົກ ໃນເຂດຊາຍແດນເທີກີ ຕິດກັບຊີເຣຍ ນັ້ນ.
ໂຄສົກຂອງວັງ Kremlin ໄດ້ປະຕິເສດວ່າ Moscow ບໍ່ໄດ້ທຳການຫ້າມຊື້ເຂົ້າປາອາຫານ ຈາກເທີກີ ແຕ່ກໍໄດ້ກ່າວວ່າ ໄດ້ມີການວາງຂໍ້ຈຳກັດໃໝ່ “ເພາະເຫດຜົນຫຼາຍຢ່າງ,” ຊຶ່ງຮວມທັງ ການຂົ່ມຂູ່ຂອງພວກຫົວຮຸນແຮງນຳດ້ວຍ.
ລັດຖະມົນຕີກະຊວງກະສິກຳຂອງຣັດເຊຍ ໄດ້ກ່າວວ່າ ການເພີ້ມການການຄວບຄຸມຕໍ່ຜະ ລິດຕະພັນອາຫານການກິນແລະກະເສດຂອງເທີກີ ແມ່ນຍ້ອນມີການລະເມີດຊ້ຳແລ້ວຊ້ຳ ອີກຕໍ່ກົດລະບຽບດ້ານຮັກສາຄວາມປອດໄພ.
ການວາງສະແດງອາຫານການກິນ, ໝາກໄ້ແຫ້ງ ຂອງເທີກີ ໃນ Istanbul, ເທີກີ, 29 ຕຸລາ, 2013 ຊຶ່ງທາງຣັດເຊຍ ທຳການກວດຂັນຢ່າງເຂັ້ມງວດ ໃນການນຳເຂົ້າ
ຫລັງຈາກມີຄຳສັ່ງດັ່ງກ່າວນີ້ແລ້ວ ສື່ມວນຊົນຣັດເຊຍລາຍງານວ່າ ມີລົດບັນທຸກທີ່ລຳລຽງ ສິນຄ້າຈາກເທີກີ ໄດ້ລໍຖ້າເປັນສາຍຍາວຢຽດຢູ່ທີ່ຊາຍແດນ.
ບາດກ້າວແບບດຽວ ກັນ ເບິ່ງຄືວ່າ ເປັນການຈຳກັດຮັດແຄບເພື່ອເປັນການລົງໂທດຂອງຣັດເຊຍ ໄດ້ອອກນຳໃຊ້ຕໍ່ບັນດາປະເທດ ທີ່ບໍ່ເຫັນພ້ອມ ກ່ຽວກັບນະໂຍບາຍການຕ່າງປະເທດເມື່ອບໍ່ເທົ່າໃດປີ ທີ່ຜ່ານມານີ້.
ພາບທີ່ເອົາມາຈາກວີດີໂອ ທີ່ມອງເຫັນ ຈາກເທິງພູ ໃນແຂວງ Hatay, ເທີກີ, 24 ພະຈິກ, 2015 ທີ່ສະແດງໃຫ້ເຫັນ ເຮືອບິນລົບຂອງຣັດເຊຍຕົກ
Moscow ໄດ້ຂູ່ວ່າ ຈະທຳການຕອບໂຕ້ທາງດ້ານການເມືອງແລະເສດຖະກິດຢ່າງແຮງຕໍ່ ການຍິງເຮືອບິນລົດຣັດເຊຍຕົກໃນວັນອັງຄານຜ່ານມາຊຶ່ງເປັນເຫດຮ້າຍ ທີ່ປະທານາທິບໍດີ Vladimir Putin ເອີ້ນວ່າ ເປັນການຫລອນແທງທາງຫລັງ.
ວັງ ເຄຣັມລິນ ກ່າວໃນວັນພະຫັດມື້ນີ້ວ່າ ເທີກີຍັງບໍ່ໄດ້ທຳການຂໍຂະມາໂທດຢ່າງເປັນທາງ ການຕໍ່ຕົນເທື່ອ ກ່ຽວກັບເຫດຮ້າຍດັ່ງກ່າວ.
Your browser doesn’t support HTML5
Turkey Jet